San Juan 8:15 - Xochapa Mixteco

¹⁵ Ndóꞌo̱ ta xáa nani ndo kuachi naꞌa tá kuꞌva xáꞌnda chiñu na ivi yóꞌó, sundi yeꞌe ta nda iin naꞌa köo xáa nani i kuachi xiꞌin.

San Juan 8:15 Mawu Ofanana

San Lucas 12:14

Saa ndi̱kuiin Jesús káꞌan ra xiꞌin ra, káchi ra saa: ― Yóꞌo̱ ra káꞌan ñaa, ¿ndachu káꞌan un saa xiꞌin i? ¿Án yeꞌe ku ra ndítaꞌvi ñaꞌa xiꞌin na, túvi un? Süvi ra chiñu ku i, ni süvi juez ku i yakan nditaꞌvi i ñaꞌa xiꞌin ndo ―káchi ra.

San Juan 12:47

Na xíni soꞌo tuꞌun ya káꞌan i, tá tu köo xíin na xaa súvi na ya, ta köo táxi i kuachi xaꞌa na, chi yeꞌe ta süvi ra vaxi taxi kuachi na ñuu ivi ku i, yeꞌe vaxi sikaku va ku i na.

San Juan 18:36

Saa ndi̱kuiin Jesús káꞌan ra: ―Nuu xáꞌnda chiñu i ta köo ndíkun ndaa ya ñuu ivi yóꞌó. Tá tu ñuu ivi yóꞌó ndíkun ndaa ya, ta ni na ndíkun sata i ta kaꞌan kuachi na xaꞌa i, täxi na tiin na ñuu i yeꞌe, ndíkuu. Sundi nuu xáꞌnda chiñu i ta köo ndíkun ndaa ya ñuu ivi yóꞌó ―káchi Jesús xiꞌin ra.

San Juan 3:17

Chi köo ndi̱tiꞌvi Ndioxi Seꞌe ra vaxi ra ñuu ivi ya sitixuꞌvi ra na ñuu ivi, sundi ti̱ꞌvi ñaꞌa ra vaxi ra sikaku ra na.

San Juan 7:24

Tá xíto ndo ya íkan naꞌa, ta käꞌan ndo xaꞌa ndisaa ya xíto ndo íkan na. Saa chi xiꞌna xíniñuꞌu ndo kundaa vaꞌa ini ndo xaꞌa ya íkan na, ta saa kuchiñu ndo kaꞌan ndo ya ndaa xaꞌa ya íkan na ―káchi Jesús xiꞌin na.

San Juan 8:11

Saa ndi̱kuiin yá káꞌan yá: ―Köo ka nda iin nda, Tata ―káchi yá. Saa ndi̱kaꞌan Jesús xiꞌin yá káchi ra saa: ―Ni yeꞌe, ta köo táxi i kuachi xaꞌa un kuvi un. Vaꞌa, kuanuꞌu ta ïkan ka un ya väꞌa ―káchi ra xiꞌin yá.

ROMANOS 2:1

Ta ndóꞌo̱, ta ni köo ya taa nuu ndo, xaꞌa ya káꞌan ndo xaꞌa inka naꞌa, na íkan saa. Chi tá káꞌan ndo xaꞌa na ta chíkaa ndo kuachi sata mií ndo, saa chi saa íkan tu mií va ndo.

1 Corintios 2:15

Sundi yoo ta kúu mií yo Tachi I̱í ra, yakan vaꞌa kúndaa ini yo xaꞌa ya vaꞌa ke̱e nuu ndivi. Ta nda iin naꞌa küvi taxi kuachi xaꞌa yo.

2 Corintios 5:16

Ta vitin xiꞌin ndiꞌi saa kivi ya vaxi, ta ndeꞌe ta xa si̱ndikoo nde ya ndíkani ini nde xaꞌa inka naꞌa, köo íkan ka nde tá kuꞌva íkan na ñuu ivi yóꞌó. Ya ndixa kua saa ndi̱kani ini nde xaꞌa na yachi tá täꞌan kundikun nde Jesucristo. Nda ni mií ra ta saa ndi̱kani ini nde xaꞌa ra, ta vitin ta köo ndíkani ka ini nde xaꞌa ra kuꞌva saa.

Santiago 2:4

Tá íkan ndo saa xiꞌin na taꞌan ndo, ta väꞌa kéꞌe ndo, chi ndíkaxin ndo na kuika xiꞌin na ndaꞌvi, ta ndúu ndo juez na köo xáa ndaa kuachi xiꞌin naꞌa.