San Juan 7:35 - Xochapa Mixteco

³⁵ Saa xa̱á nda judío ndákan tuꞌun taꞌan mií nda, káchi nda saa: ―¿Míí chí kuꞌun ra yakan káꞌan ra, küchiñu yo niꞌi ñaꞌa yo? ¿Án sana kuꞌun ra ñuu na griego nuu ndóo sava na taꞌan yo, ta kuꞌun ra sinaꞌa ra na griego ikán?

San Juan 7:35 Mawu Ofanana

San Mateo 12:21

Ta ndiꞌi na köo kúu judío kandixa ni ñaꞌa na. káchi Ndioxi, xaꞌa Jesús nuu ta̱a ra profeta Isaías ra ndi̱kaꞌan ndoso tuꞌun yuꞌu Ndioxi xinaꞌa.

San Lucas 2:32

Ta ra loꞌo yóꞌó, tá káa ñu̱ꞌu̱ yéꞌe̱ saa káa ra, chi sinaꞌa ra ichí un nuu ndiꞌi na ñuu na köo kúu Israel. Ta ra yóꞌó ku ra ndasa kaꞌnu ni kivi na Israel. ―káchi ra Simeón xiꞌin Ndioxi.

San Juan 12:20

Ta ñúꞌu tu sava na griego va ndi̱xaa na tañu na ndi̱xaa xáa kaꞌnu viko pascua ñuu Jerusalén ikán.

San Juan 7:1

Tá ndiꞌi ndi̱yaꞌa tiempo, saa xa̱á xíka Jesús ñuu ya ñúꞌu estado Galilea, ta xïin ka ra kaka ra estado Judea chi nda naꞌnu nuu na judío ta ndúku nda kaꞌni ñaꞌa nda.

San Juan 8:22

Saa ndi̱kaꞌan nda naꞌnu nuu na judío, káchi nda saa: ―¿Míí kuꞌun ra kua, án kaꞌni ra mií va ra, ndachu káꞌan ra küvi kuꞌun yo nuu kuꞌun ra? ―káchi nda.

Los Hechos 11:18

Tá xi̱ni soꞌo na ya ndi̱kaꞌan ra Pedro, ta ku̱taxin yuꞌu na. Ñaa xa̱á káꞌan na ya vaꞌa xaꞌa Ndioxi, káchi na saa: ―Tá tu saa ku̱u, ta kúni kachi ya, nda na köo kúu judío va ta̱xi Iva yo Ndioxi ichí ndaꞌa ya ndiko koo ini na xaꞌa kuachi na, ta saa kutaku na xiꞌin ra ―káchi na.

Los Hechos 11:20

Sundi sava na kándixa Jesús na ke̱e ñuu Chipre xiꞌin na ke̱e ñuu Cirene ndi̱xaa na ñuu Antioquía ta na ikán ku na xa̱á ndítuꞌun tuꞌun vaꞌa xaꞌa Tata yo Jesús xiꞌin na griego na köo kúu judío.

Los Hechos 14:1

Saa ku̱u ndi̱xaa ra Pablo xiꞌin ra Bernabé ñuu Iconio, ñaa ndi̱kiꞌvi nda veꞌe ñuꞌu sinagoga na judío, saa ndi̱kaꞌan ndoso nda tuꞌun Ndioxi xaꞌa Jesucristo xiꞌin na. Ta kuaꞌa ni ka na judío xiꞌin na köo kúu judío ka̱ndixa ya ndi̱kaꞌan nda.

Los Hechos 17:4

Ta sava na judío ndi̱nuꞌu ni ini na kándixa na ya káꞌan ra Pablo xiꞌin na. Ñaa ndi̱kitaꞌan na xiꞌin ra Pablo tin ra Silas. Ta kuaꞌa ni tu na griego, na káñuꞌu Ndioxi va ka̱ndixa na Jesús. Saa kuaꞌa ni tu ná síꞌi kúu mií chiñu ndee ka̱ndixa ya káꞌan ra Pablo, ta ndi̱kundikun ná ichí Jesús.

Los Hechos 18:4

Ta ndiꞌi kivi ndíkundee na judío xáꞌan ra Pablo veꞌe ñuꞌu sinagoga káꞌan ra xiꞌin na judío tin na köo kúu judío. Ndinuꞌu ini ra káꞌan ra xiꞌin na síxinu ra ini na ya ná ndikundikun na Jesús.

Los Hechos 21:21

Ta xi̱ni soꞌo sava na ya sínaꞌa un na judío na ndóo tañu na köo kuu judío ya ná kändixa ka na ley ya ta̱a ra Moisés. Saa káꞌan un xiꞌin na ya köo xíniñuꞌu ka na ndikunuu tuni Ndioxi na ta ni ná xäa súvi ka na ley ya ta̱a ra Moisés, káchi un, che.

Los Hechos 22:21

Saa ndi̱kuiin ra káꞌan ra xiꞌin i: “Kuaꞌan chi vitin tiꞌvi i yóꞌo̱ kuꞌun xika un, kuꞌun un nda inka ñuu kaꞌan un xiꞌin na köo kúu judío xaꞌa i”, káchi ra xiꞌin i ―káchi ra Pablo xiꞌin na judío.

ROMANOS 1:16

Kúni i ná kundaa ini ndo, chi yeꞌe ta köo kúkaꞌan nuu i ya kándixa i tuꞌun vaꞌa xaꞌa Jesucristo, chi tuꞌun yóꞌó kúu mií ya ndee Ndioxi ya sikaku ya ndiꞌi naꞌa, na kándixa ya káꞌan ya. Xiꞌna ni ka na judío ku na xi̱ni soꞌo tuꞌun vaꞌa xaꞌa Jesucristo, saa xi̱ni soꞌo tu naꞌa, na köo kúu judío va ya.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

Colosenses 1:27

Ta saa kua i̱kan Iva yo Ndioxi, saa chi ku̱ni ra ya ná kundaa ini na kúu kuenta mií ra xaꞌa ñaꞌa ya ndi̱xiyo sěꞌe xinaꞌa. Ta tuꞌun ra ya ndaa, ya chee ni, ya luvi ni, ta ya kuni soꞌo ndiꞌi ni kúu naꞌa kua. Ta ya káꞌan tuꞌun Iva yo xaꞌa ya ndixiyo sěꞌe yóꞌó kua: íyo Tata yo Jesucristo nima ndóꞌo̱ köo kúu judío vitin, ta kúndaa teꞌe ini ndo ya koo ndo xiꞌin ra nuu ndivi.

1 Timoteo 2:7

Ta xaꞌa ya ikán kua ta̱xi ra chiñu ndaꞌa i kaka i kaꞌan ndoso i tuꞌun ra ya ndaa xiꞌin naꞌa. Saa ta̱xi ra chiñu ndaꞌa i kúu i apóstol ra xáa chiñu nuu Tata yo Jesucristo, ta xa̱ꞌnda ra chiñu nuu i ya sinaꞌa i naꞌa, na köo kúu judío. Ta ya káꞌan i xiꞌin ndo ta ya ndaa ni kua, köo síndaꞌvi i ndóꞌo̱.

2 Timoteo 1:11

Ta ka̱na Ndioxi yeꞌe ya kaꞌan ndoso i tuꞌun vaꞌa xaꞌa ra, saa kaka i xaa chiñu i nuu ra, ta̱xi ra chiñu ndaꞌa i ya sinaꞌa i naꞌa, na köo kúu judío.

Santiago 1:1

Yeꞌe Santiago, ra xáa chiñu nuu Ndioxi xiꞌin nuu Tata yo Jesucristo ku i táa tutu yóꞌó xaa ya ndaꞌa ndiꞌi uxi uvi saa iin iin tiꞌvi ndóꞌo̱ ñani yo, na Israel, na kúu ñuu Iva yo Ndioxi, na ndi̱xita niꞌnu ndóo ndiꞌi ni kúu xaꞌa ñuu ivi. Ta káꞌan ndioxi i xiꞌin ndo.

1 Pedro 1:1

Yeꞌe Pedro, ra kúu apóstol ra ti̱ꞌvi Tata yo Jesucristo xáa chiñu nuu ra ku i táa tutu yóꞌó xaa ya nuu ndóꞌo̱ ñani yo xiꞌin kuꞌva yo na ndi̱kaxin Ndioxi. Ndóꞌo ka̱na koo kuaꞌan ndóo ndo inka ñuu xíka ni ya kúu ñuu Ponto xiꞌin ñuu Galacia tin ñuu Capadocia xiꞌin ñuu Asia tin ñuu Bitinia.