San Juan 7:28 - Xochapa Mixteco

²⁸ Ta saa ndíkaa Jesús keꞌe veꞌe ñuꞌu sínaꞌa ra, ñaa nda̱niꞌi ra tachi ra ta ndee ni ndi̱kaꞌan ra, káchi ra saa: ―¡Ya ndaa kua xíni ndo yeꞌe ta xíni tu ndo nuu ke̱e va i! Sundi süvi xaꞌa ya kúni mií i kua vaxi i, chi íyo iin ra ti̱ꞌvi yeꞌe vaxi i, ta ra ikán ta ndaa ni ini ra, ta ndóꞌo̱ köo xíni ndo ra.

San Juan 7:28 Mawu Ofanana

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Mateo 2:23

Tá ndi̱xaa ra ikán ta ndi̱kiꞌin ra kuaꞌan ra koo ra ñuu Nazaret ya ndíkaa estado Galilea, saa ndi̱xinu tuꞌun ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, ka̱chi nda saa: “Ra tiꞌvi Ndioxi sikaku na ñuu ivi ta ra ñuu Nazaret ku ra”, káchi tuꞌun Ndioxi ya ta̱a na xinaꞌa.

San Mateo 26:55

Saa ndi̱kaꞌan Jesús xiꞌin nda ikán, káchi ra saa: ―¿Án vaxi ndo xiꞌin ñaꞌa xiín xiꞌin carroti tiin ndo yeꞌe, tá kuꞌva íkan ndo xiꞌin na kuiꞌna, saa íkan ndo xiꞌin i? Ndiꞌi saa kivi ndi̱xiyo i si̱naꞌa i naꞌa veꞌe ñuꞌu kaꞌnu, ta köo ndi̱tiin ndo yeꞌe.

San Lucas 10:22

Ta saa ndi̱kaꞌan ka ra káchi ra saa: ―Iva i Ndioxi ta ta̱xi ra ichí ndaꞌa i xaꞌa ndiꞌi ñaꞌa. Ta nda iin naꞌa köo xíni ini yeꞌe ra kúu Seꞌe Ndioxi, iindaa mií Iva i Ndioxi ku ra xíni ini i, ta ni ini Iva i Ndioxi köo xíni na, iindaa yeꞌe ku Seꞌe ra ku i xíni ini ra, saa sínaꞌa i ra nuu na kúni mií i kuni taꞌan xiꞌin ra ―káchi Jesús.

San Lucas 2:11

Kivi vitin ka̱ku iin ra loꞌo sikaku ndóꞌo̱ ñuu ra rey David, ta ra ikán ku Cristo ra ndi̱kaxin Ndioxi kaꞌnda chiñu nuu na ñuu ivi.

San Lucas 2:39

Sindiꞌi tá xa̱a súvi ndiꞌi na ya ndi̱kaꞌan Ndioxi ya ta̱a ra Moisés, ta saa ndi̱ko koo na kuanuꞌu na ñuu Nazaret ya ndíkaa estado Galilea.

San Lucas 2:4

Ta xaꞌa ya ikán kua ke̱e ra José ñuu Nazaret ya ndíkaa estado Galilea. Ta ndi̱kiꞌin ra kuaꞌan ra kaꞌi kivi ra ñuu Belén ya ndíkaa estado Judea, nuu ka̱ku ra rey David, xii sikua ra.

San Lucas 2:51

Sundi siꞌí ra ta chívaꞌa ndiꞌi yá tuꞌun ikán nima yá. Ñaa ke̱e ra ñuu Jerusalén, ndi̱kiꞌin ra kuanuꞌu ra xiꞌin iva siꞌí ra nda ñuu Nazaret. Ta ndiꞌi saa kivi xíni soꞌo ndiꞌi ra ya káꞌan iva siꞌí ra xiꞌin ra.

San Juan 1:46

Saa ndi̱kuiin ra Natanael káꞌan ra: ―¿Án ñuu Nazaret, káchi un? ¿Án vaꞌa ta kana iin taa, ra vaꞌa, ñuu Nazaret? ―káchi ra. Saa ndi̱kaꞌan ra Felipe xiꞌin ra, káchi ra saa: ―Naꞌa, kuni un ―káchi ra xiꞌin ra.

San Juan 10:36

Ta mií ra ku ra nda̱sa i̱í yeꞌe ta ti̱ꞌvi ra yeꞌe vaxi i ñuu ivi yóꞌó. Ta ¿ndachu káꞌan ndo xaꞌa i ya kánaꞌa i xaꞌa Ndioxi chi ndi̱kaꞌan i kúu i Seꞌe Ndioxi?

San Juan 12:49

Chi tuꞌun yuꞌu mií Ndioxi kua ndi̱kaꞌan i xiꞌin ndo, ta süvi tuꞌun mií i kua. Iva i Ndioxi ku ra ti̱ꞌvi yeꞌe vaxi i, ta xa̱ꞌnda ra chiñu nuu i ndá tuꞌun kua kaꞌan i xiꞌin ndo, ta ndá kuꞌva kua ndituꞌun i xiꞌin ndo.

San Juan 14:10

¿Án köo kándixa un yeꞌe ya íyo i xiꞌin Iva i, ta Iva i íyo ra xiꞌin i? Ndiꞌi ya káꞌan i xiꞌin ndo ta süvi xiní mií i kána ya káꞌan i xiꞌin ndo. Tuꞌun mií ra kua káꞌan i xiꞌin ndo, ta íkan ra chiñu kúni mií ra tixin yeꞌe.

San Juan 14:31

Sundi ya ná kundaa ini na ñuu ivi, ya ndixa kua kúꞌvi ini i xíni i Iva i Ndioxi, yakan xáa súvi i chiñu ya xa̱ꞌnda chiñu ra nuu i. Ta vitin ndikuita ndo, koꞌo yo ―káchi Jesús xiꞌin nda ítaꞌan xiꞌin ra.

San Juan 16:3

Saa ikan na xiꞌin ndo, saa chi täꞌan kuni na yeꞌe, ni Iva i ta köo xíni na ra.

San Juan 17:25

Tata Iva yo, ra vaꞌa, ra ndaa ni kuu mií un. Na ndíkun ñuu ivi yóꞌó ta köo xíni na yóꞌo̱, sundi yeꞌe ta xíni i yóꞌo̱, ta na ndíkun yeꞌe xa xíni na yóꞌo̱ ku ra ti̱ꞌvi yeꞌe vaxi i.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 3:33

Sundi tá kúu na kándixa tuꞌun káꞌan ra, na yóꞌó ku na ndíkuiin xaꞌa Ndioxi, ya kúu ra, ra ndaa ni.

San Juan 5:32

Sundi íyo iin ra ndíkuiin xaꞌa i, ta xíni i ya káꞌan ra xaꞌa i ta ya ndaa kua.

San Juan 5:43

Iva i Ndioxi ku ra ti̱ꞌvi yeꞌe vaxi i ñuu ivi yóꞌó, ta ndóꞌo̱ köo xíin ndo kandixa ndo yeꞌe. Sundi tá tu inka ra ná kixi tixin ndee mií ra, ta kandixa va ndo ra ikán.

San Juan 6:42

Saa ndikaꞌan na káchi na saa: ―¿Án süvi Jesús seꞌe ra José va ku ra? Xíni va yo iva ra tin siꞌí ra. Ta ¿ndachu káꞌan ra ke̱e ra nuu ndivi? ―káchi na.

San Juan 7:14

Tá xa kuaꞌan táꞌvi sava viko ikán, saa ndi̱xaa Jesús veꞌe ñuꞌu, saa xa̱á ra sínaꞌa ra.

San Juan 8:14

Saa ndi̱kuiin Jesús káꞌan ra: ―Ni káꞌan i xaꞌa mií i, ta ndáa yaꞌvi ya káꞌan i xaꞌa i, saa chi xíni i míí chí ki̱xi i, ta xíni i míí chí kuꞌun i, sundi ndóꞌo̱ ta köo xíni ndo míí chí ki̱xi i, ni köo xíni ndo míí chí kuꞌun i.

San Juan 8:16

Sundi tá tu xáa nani i kuachi na, ta ndaku xáa nani i ya xiꞌin na, chi süvi iindaa mií i xáa nani ya xiꞌin na, Iva i Ndioxi ra ti̱ꞌvi yeꞌe vaxi i ku ra íyo xiꞌin i xáa nani i ya xiꞌin na.

San Juan 8:19

Saa ndi̱kaꞌan nda xiꞌin ra káchi nda saa: ―¿Míí íyo Iva un? ―káchi nda. Saa ndi̱kuiin Jesús káꞌan ra xiꞌin nda: ―Ndóꞌo̱ ta köo xíni ndo yeꞌe, ta ni Iva i köo xíni ndo ra. Saa chi tá tu xíni ndo yeꞌe, ta kúni kachi ya xíni tu ndo Iva va i, ndíkuu ―káchi ra xiꞌin nda.

San Juan 8:26

Íyo kuaꞌa ni ya kaꞌan i xiꞌin ndo xaꞌa ya väꞌa íkan ndo. Sundi ra ti̱ꞌvi yeꞌe vaxi i, ta ra ndaa ni ku ra, ta ndiꞌi ya káꞌan i ñuu ivi yóꞌó ta ya xi̱ni soꞌo i ndi̱kaꞌan ra kua káꞌan i ―káchi Jesús xiꞌin nda.

San Juan 8:42

―Tá tu ndixa Ndioxi ku Iva ndo ta kuꞌvi ini ndo kuni ndo yeꞌe, ndikuu. Saa chi yeꞌe ta nuu Ndioxi ke̱e i xa̱a i ñuu ivi yóꞌó, süvi xaꞌa ya kúni mií i kua xa̱a i, chi Ndioxi ku ra ti̱ꞌvi yeꞌe vaxi i.

San Juan 9:29

Ndeꞌe ta xíni nde ya ndi̱kaꞌan Ndioxi xiꞌin ra Moisés, sundi ra ñaa, ta köo xíni nde xaꞌa ra míí chí ke̱e ra ―káchi nda xiꞌin ra.

Los Hechos 17:23

Tá ndi̱xika i xíto ndeꞌe i ñuu ndo, ta xi̱ni i kuaꞌa ni ndioxi si̱kuaꞌa ndo xáa toꞌo ndo. Ta xi̱ni i nuu káñuꞌu ndo ndioxi ndo ndóso tuꞌun káchi ya saa: “YÓꞌÓ XÁA TOꞌO YO NDIOXI RA KÖO XÍNI YO”, káchi ya. Ta xaꞌa Ndioxi ra káñuꞌu ndo, ra köo xíni ndo ñaa kua káꞌan i xiꞌin ndo vitin.

ROMANOS 1:28

Xaꞌa ya ndi̱ndoso ini na xaꞌa Ndioxi, ta ni köo ndi̱xiin na kundaa ini na xaꞌa ra, yakan sa̱ña ndaꞌa ra na, xa̱á na íkan na ya väꞌa, ya ndíkani xiní mií na.

ROMANOS 3:4

¡Köo íkan Ndioxi saa! Süvi tá íin na ñuu ivi yóꞌó saa káa ra. Vani na ñuu ivi yóꞌó köo síxinu na ya káꞌan na, sundi Ndioxi ta nina síxinu ra tuꞌun ya káꞌan ra. Saa chi tuꞌun Ndioxi ya ta̱a na xinaꞌa, ta soꞌva káꞌan ya xaꞌa ra: Ndiꞌi naꞌa kundaa ini ya ndaa ni ini un, chi ndiꞌi tuꞌun ya káꞌan un, ta ndaa ni káꞌan un. Ni naꞌa ta nïꞌi na kuachi un, ta köo na taxi kuachi xaꞌa un. káchi tuꞌun Ndioxi xaꞌa ra, ya ta̱a na xinaꞌa.

2 Corintios 1:18

Mií Ndioxi ku ra xíni xaꞌa ya káꞌan nde xiꞌin ndo ya ndaa ni kua káꞌan nde xiꞌin ndo, chi ndeꞌe tá káꞌan nde xiꞌin ndo ta köo iin káchi káꞌan nde: “Vaꞌa va”, án “Küvi vi”, káchi nde xiꞌin ndo.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

Tito 1:2

Chi yoo ta xa kúndaa teꞌe vaꞌa ini yo, ya ki̱ndoo ra xiꞌin yo taxi ra koo yo xiꞌin ra ndiꞌi saa ichí, ta köo ndi̱sindaꞌvi ra yoo chi nda tá täꞌan ka vi xikoo xaꞌa ñuu ivi kua ndi̱kaꞌan ra ikan ra saa xiꞌin yo.

HEBREOS 6:18

Uvi nuu ku ñaꞌa ya ki̱ndoo Ndioxi xaa súvi ra: iin ku ya ki̱ndoo ra xiꞌin naꞌa xaa súvi ra ya ndi̱kaꞌan ra xiꞌin na, ta inka kua chi̱naꞌa ra tixin mií ra ya sixinu ra ya ki̱ndoo ra xiꞌin na. Xaꞌa ya ikán kua vaꞌa ná kandixa ni yo ra, ta ná kuyati yo nuu ra ya chindee ra yoo, saa ná kundaa teꞌe ini yo ya ndikiꞌin yo ya ndi̱kaꞌan ra xiꞌin yo taxi ra ndaꞌa yo.

1 Juan 5:10

Ta ndiꞌi na kándixa Jesús ra kúu Seꞌe Ndioxi, ta íyo tu ya ndíkuiin xaꞌa ra ini na ikán va. Ta naꞌa, na xïin kandixa ya káꞌan Ndioxi xaꞌa Seꞌe ra, ta tá káa ra vata saa ndása na ra, saa chi köo xíin na kandixa na ya káꞌan Ndioxi xaꞌa Seꞌe ra.