San Juan 7:15 - Xochapa Mixteco

¹⁵ Ta iin ndi̱kanda ini nda chiñu nuu na judío xíni soꞌo nda káꞌan ra, saa xa̱á nda káꞌan nda, káchi nda saa: ―¿Ndachu vaꞌa xíni ni ra, ta süvi ra ndi̱sikuaꞌa ku ra? ―káchi nda.

San Juan 7:15 Mawu Ofanana

San Mateo 13:54

Ndi̱xaa ra ñuu mií ra, saa xa̱á ra sínaꞌa ra veꞌe ñuꞌu sinagoga. Ta ndi̱kanda ni ini na, saa xa̱á káꞌan sava na, káchi na saa: ―¿Mií kua si̱kuaꞌa ra yóꞌó xíni ni ra? ¿Ta mií ke̱e ndee íkan ra yatuꞌun xiꞌin naꞌa?

San Mateo 22:22

Tá xi̱ni soꞌo nda ya ndi̱kaꞌan ra xiꞌin nda, saa ndi̱kanda ni ini nda. Ta ki̱ꞌin nda ra si̱ndoo nda, saa ka̱na koo nda kuaꞌan nda.

San Mateo 22:33

Saa xi̱ni soꞌo naꞌa ya ndi̱kaꞌan ra xiꞌin nda saduceo ta ndi̱kanda ni ini na xaꞌa ya sínaꞌa ra.

San Lucas 2:47

Ta ndiꞌi nda ndi̱kanda ni ini xaꞌa ya káꞌan ra, saa chi xíni ni ra ta vaꞌa ni ndíkuiin ra yuꞌu nda maestro ikán.

San Lucas 4:22

Ta ndiꞌi na xi̱ni soꞌo ya ndi̱kaꞌan ra vaꞌa ka vi káꞌan na xaꞌa ra. Saa ndi̱kanda ni ini na ndóo na, chi vaꞌa ni káꞌan ra. Ñaa ndi̱ndakan tuꞌun taꞌan na, káchi na saa: ―¿Án süvi seꞌe ra José ku ra yóꞌó? Ta ¿ndachu vaꞌa xíni ni ra? ―káchi na.

San Juan 1:19

Soꞌva ndi̱kuiin ra Juan ra sínaꞌa naꞌa, tá ti̱ꞌvi nda naꞌnu nuu na judío na ndóo ñuu Jerusalén sava nda sutu xiꞌin sava nda levita, nda ndíso chiñu xiꞌin veꞌe ñuꞌu. Ti̱ꞌvi ñaꞌa nda kuaꞌan nda ndakan tuꞌun nda ra, káchi nda saa: ―¿Unku yóꞌo̱? ―káchi nda xiꞌin ra.

San Juan 7:11

Saa xa̱á nda chiñu nuu na judío ndúku nuu nda Jesús, káchi nda saa: ―¿Mií chí ndíkaa ra ikán? ―káchi nda.

San Juan 7:13

Ta nda iin na köo káꞌan túvi xaꞌa ra nuu inka naꞌa, chi íꞌvi na nuu na chiñu naꞌnu nuu na judío.

San Juan 7:46

Saa ndi̱kuiin na ikán káꞌan na, káchi na saa: ―Nda iin naꞌa köo káꞌan tá kuꞌva káꞌan ra ikán ―káchi na.

Los Hechos 26:24

Tá ndi̱kaꞌan ra Pablo tuꞌun ikán nuu ndíkuiin ra xaꞌa ra, ta saa ndi̱kuiin ra Festo ndee ka vi káꞌan ra, káchi ra saa: ―¡Pablo, yóꞌo̱ sána va ku un, xaꞌa ya ka̱ꞌvi ni un yakan kuaꞌan ndúkiꞌvi un! ―káchi ra xiꞌin ra.

Los Hechos 4:13

Saa tá xi̱ni soꞌo na ikán ya ndi̱kaꞌan ra Pedro tin ra Juan, ñaa ndi̱kanda ni ini na xíni ñaꞌa na, chi ndinuni loꞌo ini nda káꞌan nda, ni köo íꞌvi nda káꞌan nda. Ta ni süvi nda ndi̱sikuaꞌa ku nda. Ta vaꞌa ni káꞌan nda. Xaꞌa ya ikán kua vaꞌa ndi̱kuni ñaꞌa na ya xi̱taꞌan nda xiꞌin Jesús.