San Juan 6:63 - Xochapa Mixteco

⁶³ Saa ndi̱kaꞌan ka ra xiꞌin na, káchi ra saa: ―Iindaa Tachi Ndioxi ku ya kúu mií ndee táxi ya kutaku naꞌa, ta nda iin na ñuu ivi köo kúu mií ndee ya taxi na kutaku naꞌa. Ta ndiꞌi tuꞌun ya ndi̱kaꞌan i xiꞌin ndo, ku tuꞌun Tachi Ndioxi ta kúu mií ya ndee táxi ya táku ndo.

San Juan 6:63 Mawu Ofanana

San Juan 5:21

Tá kuꞌva sítaku Iva ra Ndioxi na ndíi ta táxi ra kutaku na, ta saa íkan tu Seꞌe va ra, táxi ra kutaku na kúni mií ra.

San Juan 6:68

Saa ndi̱kuiin ra Simón Pedro, káchi ra saa: ―Tata, ¿unku ka na kuꞌun nde nuu? Ta iindaa yóꞌo̱ ku un ndítuꞌun tuꞌun ya táxi kutaku nde ndiꞌi saa kivi.

Los Hechos 5:20

―Kuáꞌan ndo keꞌe veꞌe ñuꞌu kaꞌnu, kaꞌan ndoso ndo tuꞌun vaꞌa xaꞌa Jesús xiꞌin naꞌa ya ná kundaa ini na kundikun na Jesús, ta saa kuchiñu na koo na tá kuꞌva káꞌan Ndioxi ―káchi tatun Ndioxi xiꞌin nda.

ROMANOS 10:17

Ta xa xíni yo, xiꞌna xíniñuꞌu naꞌa kuni soꞌo na tuꞌun xaꞌa Jesucristo, saa kuchiñu na kandixa na ra.

ROMANOS 2:25

Tá tu xáa súvi ni ndo ley Ndioxi ta saa kua vaꞌa ndáa yaꞌvi ni ya ndíkunuu tuni Ndioxi ndóꞌo̱. Tá tu köo xáa súvi ndo ya, ta ni köo ndáa yaꞌvi ya ndíkunuu tuni Ndioxi ndóꞌo̱. Tá íin naꞌa, na köo tuni Ndioxi kúu mií, saa íin ndo.

ROMANOS 8:2

Chi xaꞌa ya xa ndu̱u yo iin xiꞌin Cristo Jesús, yakan kúu mií yo ndee Tachi I̱í Ndioxi, ya táxi kutaku yo xiꞌin ra, saa sa̱ña ra yoo ndaꞌa ley ya síndikaꞌan ni ini yo kiꞌvi yo kuachi nuu Ndioxi ta kuvi yo.

1 Corintios 15:45

Tá káchi mií tuꞌun Ndioxi ya ta̱a na xinaꞌa: “Taa ra núnu̱ú xi̱nani Adán ku ra ta̱xi Ndioxi xi̱taku”, káchi ya. Sundi Cristo, ra káa tá káa ra Adán, ra ki̱xi si̱ndiꞌi, ra ke̱e nuu ndivi, ta táxi ra kutaku ya vaꞌa yo.

Gálatas 5:25

Tá tu íyo Tachi I̱í Ndioxi xiꞌin yo, ta saa ná taxi yo kaꞌnda chiñu Tachi I̱í ra nuu yo.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

Gálatas 6:15

Saa chi tá tu xaa iin ndu̱u yo xiꞌin Cristo ta ni köo ndáa yaꞌvi ka ya kúu mií yo tuni Ndioxi án köo ya kúu mií yo. Iindaa ya ndee ni ndáa yaꞌvi kua nda̱sa xa̱á Ndioxi yoo ndu̱u yo naꞌa, na xa̱á.

1 Tesalonicenses 2:13

Yakan ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, saa chi kivi tá ndi̱kiꞌin ndo tuꞌun ra ya xi̱ni soꞌo ndo ndi̱kaꞌan nde xiꞌin ndo, ta ndi̱kuni ndo ya kúu ya tuꞌun Ndioxi chi süvi tuꞌun na ñuu ivi yóꞌó kua. Ta ya ndixa kua kúu ya tuꞌun Ndioxi, chi kúu mií ya ndee ndínama ya ndóꞌo̱ xaꞌa ya kándixa ndo ya.

1 Timoteo 4:8

Ta ya vaꞌa ni kua ikan loꞌo yo ejercicio nuu ndúndee ikin kuñu yo, sundi ya ndee ni ka xíniñuꞌu yo ikan yo kua koo vií ni yo nuu Ndioxi, chi tá íkan yo saa kua niꞌi ni yo ya vaꞌa nuu ra tiempo táku yo vitin xiꞌin tiempo ya vaxi.

HEBREOS 13:9

Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.

HEBREOS 4:12

Saa chi tuꞌun Ndioxi, ta ya táku ku ya ta ndee ni kúnu kuakiꞌvi ya xáꞌnda ya. Ndee ni ka ndee tuꞌun ra nuu iin i̱chi̱ ya xi̱ín ni uvi saa yuꞌu. Chi tuꞌun ra, ta kuakiꞌvi ya xáꞌnda ya nima naꞌa, iin saa nda nuu vaꞌa na, xiꞌin tivavi na, xiꞌin mbeke ya ñúꞌu ini leke na, ta vaꞌa xíto ndoso ya ndiꞌi ya xínituni na xiꞌin ya ndíkani ini na, ya íyo nima na.

Santiago 1:18

Ta saa chi̱tuni ra nda̱sa xa̱á ra nima yo xiꞌin tuꞌun ra ya ndaa, ya ná kuchiñu yo nduu yo naꞌa, na vaꞌa, ta xiꞌna ka yoo ku yo núnu̱ú nda̱sa xa̱á ra nuu tá kúu ndiꞌi ñaꞌa ya si̱kuaꞌa ra íyo ñuu ivi yóꞌó.

1 Pedro 1:23

Saa chi ndóꞌo̱, ta ndi̱kaku uvi tuku ndo, ta köo ndi̱kaku ndo tixin iva siꞌí ndo na ñuu ivi yóꞌó, chi tixin tuꞌun Ndioxi ya táku ndiꞌi saa kivi kua ka̱ku ndo.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.

1 Pedro 3:21

Taꞌan tikuií ikán ku tikuií rá síkuchi naꞌa ndóꞌo̱ vitin, rá síkaku ndóꞌo̱. Ta tikuií ikán ta köo ndíkata rá ya väꞌa íyo ikin kuñu yo, sundi ndása vaꞌa rá ya xínituni yo, saa síkaku rá yoo xaꞌa ya ndi̱taku Tata yo Jesucristo tañu na ndíi.