San Juan 6:62 - Xochapa Mixteco

⁶² Tá tu saa ta, ¿unkua ndíkani ini ndo tá ná kuni ndo Yeꞌe, ra kúu Taa ra xa̱a ñuu ivi yóꞌó, ya ná ndaa i kuꞌun i nuu ndivi nuu ndi̱xiyo i yachi? ―káchi ra xiꞌin na.

San Juan 6:62 Mawu Ofanana

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Marcos 16:19

Tá sindiꞌi Tata yo Jesús ndi̱kaꞌan ra xiꞌin nda, saa ndi̱ko koo ra kuaꞌan ra nuu ndivi i̱kan Ndioxi, ta ndi̱kunduꞌu ra ñaꞌñu kuáꞌá Ndioxi.

San Lucas 24:51

Tá chíkaa ra ya vaꞌa na, ta saa nda̱niꞌi Ndioxi ra nda̱a ra kuaꞌan ra nuu ndivi.

San Juan 16:28

Nuu Iva i ke̱e i vaxi i ñuu ivi yóꞌó, ta vitin sindoo i ñuu ivi yóꞌó ta ndiko koo tuku i kuꞌun i nuu ra ―káchi Jesús xiꞌin nda.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 3:13

’Nda iin naꞌa köo ndi̱ndaa nuu ndivi, iindaa mituꞌun Taa ra xa̱a ñuu ivi yóꞌó ku ra nu̱u nuu ndivi, chi ikán íyo ra.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

San Juan 6:42

Saa ndikaꞌan na káchi na saa: ―¿Án süvi Jesús seꞌe ra José va ku ra? Xíni va yo iva ra tin siꞌí ra. Ta ¿ndachu káꞌan ra ke̱e ra nuu ndivi? ―káchi na.

San Juan 6:53

Saa ndi̱kaꞌan Jesús xiꞌin nda, káchi ra saa: ―Ya ndaa ku tuꞌun yóꞌó: Tá tu köo xíin ndo kuxi ndo kuñu i, ni köo xíin ndo koꞌo ndo nií yeꞌe Taa ra xa̱a ñuu ivi yóꞌó, ta küchiñu ndo kutaku ndo.

Los Hechos 1:9

Tá ndiꞌi ndi̱kaꞌan ra xiꞌin nda saa xíto ka nda nuu ra, ñaa nda̱a ra kuaꞌan ra nuu ndivi i̱kan Ndioxi. Saa nu̱u iin viko ndi̱kasi yaa ñaꞌa ya, ta köo ka ra ndi̱xini nda.

1 Pedro 3:22

Ta nda̱a ra kuaꞌan ra nuu ndivi, índuꞌu ra ñaꞌñu kuáꞌá Ndioxi. Ta mií ra ku ra xáꞌnda chiñu nuu na tatun Ndioxi, saa xáꞌnda chiñu ra nuu ndiꞌi ndee ya íyo nuu ndivi tin ya íyo nuu ñuꞌú yóꞌó.