San Juan 6:60 - Xochapa Mixteco

⁶⁰ Tá xi̱ni soꞌo na ndíkun sata ra ya ndi̱kaꞌan ra, ta kuaꞌa ni na ikán ndi̱kaꞌan káchi na saa: ―Uꞌvi ni va ya káꞌan ra, ¿Unku na kuchiñu vi kandixa ya káꞌan ra? ―káchi na.

San Juan 6:60 Mawu Ofanana

San Mateo 11:6

Vaꞌa ni kée naꞌa, na köo xíka uvi ini xaꞌa ya ndíkun na yeꞌe ―káchi Jesús xiꞌin nda ítaꞌan xiꞌin ra Juan.

San Juan 2:2

Saa tu mií va ra ka̱na na ra kuaꞌan ra nuu viko ikán xiꞌin nda ítaꞌan xiꞌin ra.

San Juan 5:25

Ta ya ndaa káꞌan i xiꞌin ndo, vitin ti̱ndaa kivi ta kuni soꞌo na ndíi tachi Ra kúu Seꞌe Ndioxi. Ta na xíni soꞌo ya káꞌan ra ta kutaku na.

San Juan 6:52

Saa xa̱á nda judío, nda xi̱ni soꞌo tuꞌun ikán káni taꞌan nda xiꞌin taꞌan mií nda, chi köo ndi̱kundaa ini nda tuꞌun ya ndi̱kaꞌan Jesús xiꞌin nda. ―¿Unkua ikan ra taxi ra kuñu ra kuxi yo? ―káchi nda.

San Juan 6:64

Sundi íyo sava ndo köo kándixa tuꞌun ya káꞌan i ―káchi Jesús xiꞌin na. Káꞌan ra saa chi nda xaꞌa vi ku̱ndaa ini ra, unku na köo kándixa ñaꞌa, ta ndá taa ku ra nditaxi ñaꞌa ndaꞌa na sáa ini xíni ra.

San Juan 6:66

Nda kivi saa ta kuaꞌa ni na ítaꞌan xiꞌin ra ndi̱ko koo, ta köo ndi̱xika ka na xiꞌin ra.

San Juan 7:3

Saa ndi̱kaꞌan nda ñani Jesús xiꞌin ra, káchi nda saa: ―Vaꞌa kee un ñuu yóꞌó, ta kuꞌun un estado Judea ya ná kuni na ndíkun sata un yatuꞌun íkan un.

San Juan 8:31

Saa ndi̱kaꞌan Jesús xiꞌin na judío na kándixa ñaꞌa, káchi ra saa: ―Tá tu chíkaa soꞌo ni ndo tuꞌun ya sínaꞌa i ndóꞌo̱ iin iin kivi ta saa kua ndixa ni kúu ndo ndóꞌo̱ ndíkun yeꞌe.

San Juan 8:43

¿Ta ndachu küvi kundaa ini ndo ya káꞌan i xiꞌin ndo? Xaꞌa ya köo xíin ndo ndikiꞌin ndo tuꞌun ya káꞌan i xiꞌin ndo kua küvi kundaa ini ndo tuꞌun i.

HEBREOS 5:11

Íyo kuaꞌa ni ka ya ndituꞌun nde xaꞌa ya yóꞌó xiꞌin ndo, ta ndíchi ni ya ndikani nde ya nuu ndo tá kuꞌva íyo ya, saa chi ndóꞌo̱ ta kuee ni saa kúndaa ini ndo xiꞌin ya.

2 Pedro 3:16

Ta soꞌva íyo ndiꞌi ya ndi̱kaꞌan ra nuu ndiꞌi tutu ya ta̱a ra. Ta íyo sava ya ndee ni ndíchi kundaa ini yo xiꞌin, yakan káva sava naꞌa ya, na köo xíni, na köo kúndaa vaꞌa ini xiꞌin ya, na täꞌan kuaꞌnu vaꞌa xiꞌin tuꞌun ra. Na ñaa ku na káva ya, ndísama na tuꞌun ya ndaa ni si̱naꞌa ra ñani yo Pablo xaꞌa tuꞌun Iva yo Ndioxi. Ta xaꞌa ya íkan na saa, ta síndiꞌi na xaꞌa mií va na.