San Juan 6:49 - Xochapa Mixteco

⁴⁹ Xii sikua yo ku na xi̱xi ya ku maná iku yuyu, ta saa ni ndi̱xiꞌi ndiꞌi na.

San Juan 6:49 Mawu Ofanana

San Juan 6:31

Xii sikua nde ta xi̱xi na xita vaꞌa ya náni maná iku yuyu, tá kuꞌva káꞌan tuꞌun Ndioxi: “Xita vaꞌa ya ke̱e nuu ndivi kua ta̱xi ra xi̱xi na”, káchi tuꞌun Ndioxi ―káchi na xiꞌin Jesús.

San Juan 6:58

Ta kuñu i tá káa xita vaꞌa ya ndinuꞌu saa íyo ya, chi ki̱xi ya nuu Ndioxi. Ta ni köo ítaꞌan xita vaꞌa yóꞌó xiꞌin xita vaꞌa ya náni maná ya xi̱xi xii sikua yo, chi na ikán ta ndi̱xiꞌi ndiꞌi na. Sundi na xíxi xita vaꞌa ya ndinuꞌu ya kúu kuñu i ta kutaku na ndiꞌi saa kivi ya vaxi, nda iin kivi ndïꞌi xaꞌa na ―káchi Jesús xiꞌin na.

Judas 1:5

Ta yeꞌe ra kúni i sindikaꞌán i ini ndo xaꞌa ya xa xíni vaꞌa ndo xaꞌa: Chi Iva yo Ndioxi ta si̱kaku ra na Israel ñuu Egipto, ta sindiꞌi saa si̱ndiꞌi xaꞌa yaa ra naꞌa, na köo ndi̱xiin kandixa ñaꞌa.

El Apocalipsis 2:17

Ndiꞌi ndóꞌo̱ íyo soꞌo ta kuni soꞌo ni ndo ya káꞌan Tachi I̱í Ndioxi xiꞌin ndo. Ndiꞌi ndóꞌo̱, na kúchiñu nuu ñaꞌa ya väꞌa, xaꞌa ya köo síndikoo na ichí i, ta taxi i xita vaꞌa ya íyo sêꞌe kuxi na, xita vaꞌa yóꞌó náni ya maná ya ke̱e nuu ndivi. Saa taxi i iin yu̱ú yaa ndaꞌa iin iin na ikán, ta nuu yu̱ú ikán kunuu kivi na ya xa̱á. Ta nda iin naꞌa kündaa ini unkua ku kivi xa̱á iin iin na, iindaa mií na kundaa ini unkua ku kivi na ya xa̱á ―káchi Tata yo Jesucristo.