San Juan 6:46 - Xochapa Mixteco

⁴⁶ ’Köo naꞌa ndi̱xini xiꞌin nuu Ndioxi, iindaa mituꞌun mií ra ke̱e nuu ra ku ra xi̱ni ñaꞌa.

San Juan 6:46 Mawu Ofanana

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Lucas 10:22

Ta saa ndi̱kaꞌan ka ra káchi ra saa: ―Iva i Ndioxi ta ta̱xi ra ichí ndaꞌa i xaꞌa ndiꞌi ñaꞌa. Ta nda iin naꞌa köo xíni ini yeꞌe ra kúu Seꞌe Ndioxi, iindaa mií Iva i Ndioxi ku ra xíni ini i, ta ni ini Iva i Ndioxi köo xíni na, iindaa yeꞌe ku Seꞌe ra ku i xíni ini ra, saa sínaꞌa i ra nuu na kúni mií i kuni taꞌan xiꞌin ra ―káchi Jesús.

San Juan 1:18

Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

San Juan 14:7

Tá tu xíni vaꞌa ndo yeꞌe, ta xa xíni vaꞌa tu ndo Iva va i. Ta nda kivi vitin ta xa xíni ndo ra, chi xíto xiꞌin nuu ndo ra ―káchi Jesús xiꞌin nda.

San Juan 15:24

Tá tu köo yatuꞌun ndi̱xini na ikan i ta köo kuachi na, ndikuu, sundi xi̱ni na ya, ta saa ni kúndasi nuu na xíni na yeꞌe ta kúndasi nuu tu na xíni na Iva va i. Ta kuaꞌa ni yatuꞌun i̱kan i nda iin na köo ndi̱kan taꞌan ya i̱kan i.

San Juan 5:37

Ta Ndioxi ku ra ti̱ꞌvi yeꞌe vaxi i, ta ndíkuiin tu mií va ra xaꞌa i. Ta ndóꞌo̱, nda iin kivi köo ndi̱xini soꞌo ndo tachi ra, ni nuu ra köo xíni ndo unkua káa ra.

San Juan 7:29

Ta mií i ta xíni vaꞌa i ra, chi nuu ra ikán ke̱e i vaxi i. Mií ra ti̱ꞌvi yeꞌe vaxi i ―káchi ra xiꞌin na.

San Juan 8:19

Saa ndi̱kaꞌan nda xiꞌin ra káchi nda saa: ―¿Míí íyo Iva un? ―káchi nda. Saa ndi̱kuiin Jesús káꞌan ra xiꞌin nda: ―Ndóꞌo̱ ta köo xíni ndo yeꞌe, ta ni Iva i köo xíni ndo ra. Saa chi tá tu xíni ndo yeꞌe, ta kúni kachi ya xíni tu ndo Iva va i, ndíkuu ―káchi ra xiꞌin nda.

San Juan 8:55

Sundi ndóꞌo̱ ta köo xíni ndo ra, ta yeꞌe ta xíni vaꞌa i ra. Tá tu ná kaꞌan i xiꞌin ndo köo xíni i ra kachi i xiꞌin ndo, ta ndúu i iin ra vata taꞌan mií ndo. Sundi yeꞌe ta ya ndixa kua xíni i ra, ta xáa súvi i ya káꞌan ra.

Colosenses 1:15

Nda iin naꞌa küvi kuni xiꞌin nuu Ndioxi, sundi na xíni Cristo ku na xíni Ndioxi, chi iin ku Cristo xiꞌin Ndioxi. Nda tá yachi ka, tá täꞌan xikoo xaꞌa ñuu ivi yóꞌó, ta xa íyo va ra, chi mií ra ku ra chee ni xáꞌnda chiñu nuu ndiꞌi ni kúu ñaꞌa ya íyo.

1 Timoteo 6:16

Ta iin mituꞌun mií Ndioxi ku ra táku ndiꞌi saa kivi, köo xíꞌi ra yáꞌa ni vi yéꞌe̱ nuu íyo ra, yakan nda iin na köo kúchiñu kuyati nuu ra. Ta nda iin naꞌa täꞌan kuni xiꞌin nuu na ra, ta ni küvi kuni na ra. Ná ndikiꞌin ni ra ikán ya toꞌo, ta saa ná xaa kaꞌnu ni ndiꞌi naꞌa ra, saa chi yáꞌa ni ndee kúu mií ra, ta ndiꞌi saa kivi kuu mií ra ya! Saa ná koo.

1 Juan 4:12

Nda iin naꞌa köo ndi̱xini xiꞌin nuu Ndioxi. Sundi tá tu kúꞌvi ini yo xíni taꞌan yo, ta kúni kachi ya ítaꞌan vaꞌa Ndioxi xiꞌin yo. Ta saa kuchiñu yo kuꞌvi ini yo tá kuꞌva kúꞌvi ini mií ra xíni ra yoo.