San Juan 6:38 - Xochapa Mixteco

³⁸ Saa chi yeꞌe ta ke̱e i nuu ndivi vaxi i ñuu ivi yóꞌó ikan i ya kúni Ndioxi, ta växi i xaa súvi i ya kúni mií i.

San Juan 6:38 Mawu Ofanana

San Mateo 20:28

Tá kuꞌva íkan yeꞌe Taa ra xa̱a ñuu ivi yóꞌó, chi yeꞌe ta köo vaxi i ya kaꞌnda i chiñu nuu naꞌa, sundi yeꞌe ta vaxi i ya koto vií i xiꞌin na saa xaa súvi i chiñu nuu na, ta saa kua kuchiñu na saña ndika na xaꞌa kuachi na ―káchi Jesús.

San Juan 3:13

’Nda iin naꞌa köo ndi̱ndaa nuu ndivi, iindaa mituꞌun Taa ra xa̱a ñuu ivi yóꞌó ku ra nu̱u nuu ndivi, chi ikán íyo ra.

San Juan 3:17

Chi köo ndi̱tiꞌvi Ndioxi Seꞌe ra vaxi ra ñuu ivi ya sitixuꞌvi ra na ñuu ivi, sundi ti̱ꞌvi ñaꞌa ra vaxi ra sikaku ra na.

San Juan 3:31

Saa xa̱á káꞌan ka ra Juan, káchi ra saa: ―Ra ke̱e nuu ndivi ku ra chee ni ka nuu ndiꞌi ni kuu ñaꞌa ya íyo ñuu ivi. Ta ra íyo ñuu ivi yóꞌó, ra ivi yóꞌó kú ra, ñaꞌa ya íyo ñuu ivi yóꞌó ndítuꞌun ra xaꞌa. Sundi ra ke̱e nuu ndivi ta ra íkan ku ra chee ni nuu ndiꞌi ñaꞌa.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 5:19

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

San Juan 5:30

Ta ndi̱kaꞌan ka ra xiꞌin nda, káchi ra saa: ―Yeꞌe ta süvi xiꞌin ichí mií i kua xáa nani i kuachi naꞌa, tá íyo ya xíni soꞌo i saa íyo ya íkan i xiꞌin na, xiꞌin ya ndaa xáa nani i kuachi na, chi süvi xiꞌin ya kúni mií i íkan i ya, xiꞌin ya kúni mií Iva i Ndioxi ra ti̱ꞌvi yeꞌe vaxi i kua xáa nani i kuachi na.

San Juan 6:29

Saa ndi̱kuiin ra ndi̱kaꞌan ra, káchi ra saa: ―Ya yóꞌó kua kúni Ndioxi xaa súvi ndo nuu ra: Kandixa ndo Taa, ra ti̱ꞌvi ra vaxi nuu ndo ―káchi ra xiꞌin na.

San Juan 6:33

Saa chi xita vaꞌa ya táxi Ndioxi kutaku ndo ku Taa ra xa̱a ra nuu ndo, ta táxi ra kutaku ndiꞌi na ñuu ivi ―káchi Jesús xiꞌin na.

San Juan 6:42

Saa ndikaꞌan na káchi na saa: ―¿Án süvi Jesús seꞌe ra José va ku ra? Xíni va yo iva ra tin siꞌí ra. Ta ¿ndachu káꞌan ra ke̱e ra nuu ndivi? ―káchi na.

San Juan 6:57

Iva i Ndioxi ra ti̱ꞌvi yeꞌe vaxi i, ta táku ra. Xaꞌa ya táku ra ikán kua táku tu yeꞌe va. Ta saa tu ndiꞌi na xíxi kuñu i kutaku na, chi táku yeꞌe ini na.

ROMANOS 15:3

Saa chi ni mií Jesucristo, ta köo ndi̱xika ini ra ndisaa xaꞌa mií ra. Tá káꞌan tuꞌun Ndioxi xaꞌa ra, káchi ya saa: “Naꞌa na kánaꞌa xaꞌa un, ta nda xaꞌa yeꞌe kánaꞌa na”, káchi tuꞌun Ndioxi xaꞌa Jesucristo.

Efesios 4:9

Ta ya káꞌan tuꞌun Ndioxi ya “nda̱a ra nuu sukun ni”. Ta ya yóꞌó káꞌan ya xaꞌa Jesucristo ya xiꞌna ke̱e ra nuu ndivi ni̱nù, saa ki̱xi ra ñuu ivi yóꞌó, ta nu̱u ra nda ni̱nu̱ nuu núú ni káa.

HEBREOS 5:8

Vani Seꞌe Ndioxi ndi̱xiyo ra, ta ndee ni vaꞌa si̱kuaꞌa ra xa̱a súvi ra ndiꞌi ya ndi̱kaꞌan Ndioxi xiꞌin ra xaꞌa ya ndee ni ti̱xuꞌvi ra ñuu ivi yóꞌó.