San Juan 6:37 - Xochapa Mixteco

³⁷ Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.

San Juan 6:37 Mawu Ofanana

San Mateo 11:28

Ndiꞌi ndóꞌo̱ xa ku̱naa ni nuu ndiꞌi chiñu ya íkan ndo, ta köo kúndee ka ini ndo xiꞌin ñaꞌa ndíso ndo, ta naꞌa ndo nuu i, taxi i ndikundee ndo.

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 17:2

Chi yóꞌo̱ ku ra ta̱xi ichí ndaꞌa i xaꞌa ndiꞌi na ñuu ivi na ta̱xi un ndaꞌa i yóꞌó, ya ná taxi i ichí ndaꞌa na kutaku na ndiꞌi saa kivi.

San Juan 17:24

’Tata Iva yo, na ta̱xi un ndaꞌa i ndíkun yeꞌe, ta kúni i ná koo na xiꞌin i nuu ndivi nuu koo i. Saa kuni na ndiꞌi ya vaꞌa, ya luvi ta̱xi un ndaꞌa i, saa chi yóꞌo̱ ta kúꞌvi ni ini un xíni un yeꞌe, nda tá täꞌan xikoo xaꞌa ñuu ivi yóꞌó vi kúꞌvi ni ini un xíni un yeꞌe.

San Juan 17:6

’Ivi na ndi̱kaxin un ta̱xi un ndaꞌa i ta si̱naꞌa i yóꞌo̱ nuu na. Na ndíkun yóꞌo̱ ku na, ta ta̱xi un na ndaꞌa i. Ta xáa súvi ndiꞌi na tuꞌun un ya ndi̱kaꞌan i xiꞌin na.

San Juan 6:39

Ta ya yóꞌó kua chi̱tuni Iva i Ndioxi, ra ti̱ꞌvi yeꞌe vaxi i xaa súvi i: Ndiꞌi na táxi ra ndaꞌa i ta ná sändañuꞌu i nda iin na, saa tá ti̱ndaa kivi sindiꞌi, ta sitaku ndiꞌi i na ikán.

San Juan 6:65

Saa ndi̱kaꞌan ka ra xiꞌin na, káchi ra saa: ―Xaꞌa ya yóꞌó kua ndi̱kaꞌan i xiꞌin ndo, nda iin naꞌa ta küvi kixi na kundikun na yeꞌe, tá tu süvi mií Iva i ku ra ndáka na vaxi na nuu i ―káchi ra xiꞌin na.

San Juan 9:34

Saa ndi̱kuiin nda ndi̱kaꞌan nda xiꞌin ra, káchi nda saa: ―Tixin kuachi ka̱ku un, ta ni köo ichí kúu mií un ya sinaꞌa un ndeꞌe ―káchi nda xiꞌin ra. Saa ta̱va ndaꞌa nda ra veꞌe ñuꞌu sinagoga ke̱ta ra kuaꞌan ra.

ROMANOS 5:20

Tá ta̱xi Ndioxi ley ra ndaꞌa na, saa kua ku̱ndaa ini na ya ndee ni íyo kuachi na nuu ra. Tá ndee ni nda̱a kuachi na ta saa ndee ni ka ndaa tu ya vaꞌa i̱kan Ndioxi xiꞌin va na, xaꞌa ya kúꞌvi ni ini ra xíni ra na.

Filipenses 1:29

Ta mií Ndioxi ku ra chi̱kaa ya vaꞌa ndóꞌo̱ ya kandixa ndo Cristo xiꞌin ya ndoꞌo ni ndo xaꞌa ra.

1 Timoteo 1:16

Xaꞌa ya ikán kua ku̱ndaꞌvi ni ini Tata yo Jesucristo xi̱ni ra yeꞌe. I̱kan ra saa xiꞌin i ya kúni ra ná kuni naꞌa ya ndee ni kaꞌnu ini ra xiꞌin na ndee ni ndee kuachi kúu mií nuu ra. Ta kúni ra ná kuni na ya ndo̱ꞌo i, ta saa kuchiñu na kandixa na ra, ta saa niꞌi na kutaku na xiꞌin ra ndiꞌi saa kivi ya vaxi.

2 Timoteo 2:19

Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

1 Juan 2:19

Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.

El Apocalipsis 22:17

Tachi I̱í Ndioxi xiꞌin na veꞌe ñuꞌu na íin tá káá ñaꞌa yá tindaꞌa xiꞌin Levo loꞌo ikán kána na ra, káchi na saa xiꞌin ra: “Naꞌa Tata yo Jesús”, káchi na. Ta ndóꞌo̱ xíni soꞌo tuꞌun yóꞌó, kaꞌan tu ndóꞌo̱ saa va xiꞌin naꞌa: “Naꞌa ndo”, kachi ndo. Ta ndóꞌo̱ íchi tikuii ta kúni ndo koꞌo ndo rá, ta vaꞌa kixi ndo koo ndo rá, chi táxi rá kutaku ndo ndiꞌi saa kivi. Ta síniꞌi uun Ndioxi rá koꞌo ndo.