San Juan 6:32 - Xochapa Mixteco

³² Ta saa ndi̱kuiin Jesús ndi̱kaꞌan ra xiꞌin na, káchi ra saa: ―Ya ndaa káꞌan i xiꞌin ndo, süvi ra Moisés ku ra ndi̱taxi xita vaꞌa ya ke̱e nuu ndivi xi̱xi na, Iva i Ndioxi va ku ra ta̱xi ya xi̱xi na. Ta vitin táxi Iva i Ndioxi xita vaꞌa, ya ndaa vaꞌa ni, ya ki̱xi nuu ndivi ni̱nù.

San Juan 6:32 Mawu Ofanana

San Juan 1:9

Ta ra kúu ñu̱ꞌu̱ ya ndixa sítuun nuu na ñuu ivi, ta xa vaxi va ra ñuu ivi yóꞌó.

San Juan 15:1

Saa ndi̱kaꞌan Jesús káchi ra saa: ―Yeꞌe ku itun yoꞌó uva ya vaꞌa ni. Ta Iva i ku ra ndáa nu ikán.

San Juan 6:31

Xii sikua nde ta xi̱xi na xita vaꞌa ya náni maná iku yuyu, tá kuꞌva káꞌan tuꞌun Ndioxi: “Xita vaꞌa ya ke̱e nuu ndivi kua ta̱xi ra xi̱xi na”, káchi tuꞌun Ndioxi ―káchi na xiꞌin Jesús.

San Juan 6:33

Saa chi xita vaꞌa ya táxi Ndioxi kutaku ndo ku Taa ra xa̱a ra nuu ndo, ta táxi ra kutaku ndiꞌi na ñuu ivi ―káchi Jesús xiꞌin na.

San Juan 6:35

Saa ndi̱kaꞌan Jesús xiꞌin na, káchi ra saa: ―Yeꞌe ku xita vaꞌa ya vaꞌa ni, ya táxi táku naꞌa. Ta na vaxi nuu i ta nda iin kivi küvi ka na soko, saa tu na kándixa yeꞌe ta nda iin kivi ïchi ka na tikuii.

San Juan 6:41

Saa xa̱á nda judío kánaꞌa nda xaꞌa Jesús, chi ndi̱kaꞌan ra: “Yeꞌe ku xita vaꞌa ya ke̱e nuu ndivi”.

San Juan 6:50

Sundi yeꞌe ta xita vaꞌa ya vaxi nùù nuu ndivi kua káꞌan i xaꞌa xiꞌin ndo, tá ndá na xíxi xíta vaꞌa yóꞌó ta ndïꞌi xaꞌa na.

San Juan 6:55

Saa chi kuñu i ku ya ndixa ni ndinuꞌu ndaa kuxi naꞌa xiꞌin nií i ku rá ndinuꞌu ni ndaa vaꞌa koꞌo na.

San Juan 6:58

Ta kuñu i tá káa xita vaꞌa ya ndinuꞌu saa íyo ya, chi ki̱xi ya nuu Ndioxi. Ta ni köo ítaꞌan xita vaꞌa yóꞌó xiꞌin xita vaꞌa ya náni maná ya xi̱xi xii sikua yo, chi na ikán ta ndi̱xiꞌi ndiꞌi na. Sundi na xíxi xita vaꞌa ya ndinuꞌu ya kúu kuñu i ta kutaku na ndiꞌi saa kivi ya vaxi, nda iin kivi ndïꞌi xaꞌa na ―káchi Jesús xiꞌin na.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.