San Juan 6:30 - Xochapa Mixteco

³⁰ Saa ndi̱kaꞌan na xiꞌin ra, káchi na saa: ―¿Unkua ku seña yatuꞌun sinaꞌa un nuu nde, ya koo seña kuni nde, ta saa kandixa nde yóꞌo̱? ¿Unkua íkan un?

San Juan 6:30 Mawu Ofanana

San Marcos 15:32

Tá tu ndixa ra ti̱ꞌvi Ndioxi vaxi sikaku yoo ku ra, tá tu ra rey nuu yo Israel ku ra, ta ná nuu ra ndaꞌa cruzin, saa kandixa yo ra ―káchi nda. Saa kánaꞌa tu nda tíkaa ndaꞌa cruzin ñaꞌñu xiín va ra xíꞌin ra.

San Marcos 8:11

Saa ndi̱xaa sava nda fariseo ta xa̱á nda kéꞌe nda Jesús, xíto ndoso ñaꞌa nda, káꞌan nda xiꞌin ra ya ná ikan ra yatuꞌun Ndioxi nuu nda, saa kundaa ini nda tá tu ndixa nuu Ndioxi ke̱e ra.

San Juan 10:38

Tá tu xáa súvi i chiñu Iva i, ta vaꞌa kandixa ndo ya ikán, vani ná kändixa ndo yeꞌe. Tá tu kándixa ndo ya íkan i, ta saa kundaa ini ndo ya íyo Iva i xiꞌin i, ta yeꞌe íyo i xiꞌin ra ―káchi Jesús xiꞌin nda.

San Juan 12:37

Ni kuaꞌa ni yatuꞌun Ndioxi xi̱ni na judío íkan Jesús ta köo ndi̱xiin na kandixa ñaꞌa na.

San Juan 2:18

Saa ndi̱ndakan tuꞌun nda chiñu nuu na judío Jesús káchi nda saa: ―¿Ndá yatuꞌun kua táxi un kuni nde ya kúu mií un ichí ikan un saa? ―káchi nda xiꞌin ra.

San Juan 4:8

Ta nda ítaꞌan xiꞌin ra, ke̱e nda kuaꞌan nda sata nda ñaꞌa kuxi Jesús xiꞌin nda.

San Juan 6:14

Saa tá xi̱ni na ikán yatuꞌun i̱kan Jesús, ta ndi̱kaꞌan na, káchi na saa: ―Ndixa ra yóꞌó ku ra káꞌan ndoso tuꞌun yuꞌu Ndioxi, mií ra chee ni, ra ndátun yo xaa ñuu ivi yóꞌó ku ra ―káchi na.

San Juan 6:2

Ta iin táꞌnda chee naꞌa ndíkun kuaꞌan xiꞌin ra, chi xi̱ni na yatuꞌun Ndioxi íkan ra, síndaꞌa ra na ndee ni ndóꞌo.

San Juan 6:36

Ta xa ndi̱tuꞌun i xiꞌin ndo, vani xi̱ni ndo yeꞌe ta xïin ndo kandixa ndo yeꞌe.

Los Hechos 4:30

Ta chindee un ndeꞌe xiꞌin ndee un, tixin Seꞌe un Jesús ra i̱í. Sindaꞌa un na kúꞌvi, saa ikan un yatuꞌun un ná kuni naꞌa ―káchi na xiꞌin Ndioxi.

1 Corintios 1:22

Na judío ta xiꞌna kúni na kuni na yatúꞌun Ndioxi, saa kandixa na, ta na griego ta ya ndee ni kúni na kuni soꞌo na ku tuꞌun ya ndíchi ni, saa kandixa na.

HEBREOS 2:4

Ta si̱naꞌa teꞌe Ndioxi yoo, ya ndaa ku tuꞌun ra, chi kuaꞌa ni nuu seña ya täꞌan kuni yo si̱naꞌa ra nuu yo, xiꞌin ndee vaꞌa ni xiꞌin yatuꞌun si̱naꞌa ra nuu yo, ta tixin Tachi I̱í ra kua ta̱xi ndiꞌi ra ya yóꞌó ndaꞌa yo tá kuꞌva chi̱tuni mií ra, saa i̱kan ra xiꞌin yo.