San Juan 5:46 - Xochapa Mixteco

⁴⁶ Saa chi tá tu kándixa ndo ya ndi̱kaꞌan ra ikán, ta kandixa tu ndo ya káꞌan yeꞌe va xiꞌin ndo, ndikuu. Saa chi ya ta̱a ra ikán ta xaꞌa yeꞌe kua káꞌan ya.

San Juan 5:46 Mawu Ofanana

San Lucas 24:27

Saa xa̱á ra sínaꞌa ra nda, xiꞌna ya ta̱a ra Moisés kua xa̱á ra ndíkani ra nuu nda, saa sínaꞌa ndiꞌi ka ra nda unkua káchi ndiꞌi tuꞌun Ndioxi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, nuu káꞌan ndiꞌi ya xaꞌa mií ra.

San Juan 1:45

Ta ndi̱taꞌan ra Felipe ra Natanael saa ndi̱kaꞌan ra xiꞌin ra, káchi ra saa: ―Ndi̱kitaꞌan nde xiꞌin taa, ra ta̱a ra Moisés xaꞌa xiꞌin ya ta̱a nda profeta ndi̱kaꞌan ndoso tuꞌun yuꞌu Ndioxi xinaꞌa. Ta Jesús náni ra, seꞌe ra José ra ñuu Nazaret ku ra ―káchi ra Felipe xiꞌin ra.

San Juan 5:47

Tá tu köo kándixa ndo ya ta̱a ra ikán, ta ni ya káꞌan yeꞌe köo kándixa vi ndo ya ―káchi Jesús xiꞌin nda.

Los Hechos 26:22

Ta Ndioxi chíndee yeꞌe ndiꞌi saa kivi, yakan vaꞌa táku i nda kivi vitin, ndíchi i nuu ndo. Ta káꞌan ndoso i tuꞌun Ndioxi xiꞌin na vali tin na naꞌnu. Ta köo ndi̱nama i ya káꞌan i xiꞌin na, tá kuꞌva ndi̱kaꞌan ra Moisés tin nda ndi̱kaꞌan ndoso tuꞌun yuꞌu Ndioxi xaꞌa ñaꞌa ya kuu kivi vaxi, saa íyo ya káꞌan i xiꞌin na.

ROMANOS 10:4

Sundi ley Ndioxi ya xa̱ꞌnda chiñu ra nuu na Israel xinaꞌa ta si̱xinu Jesucristo ya, yakan ndiꞌi naꞌa na kándixa Jesucristo, ta Ndioxi ndása vaꞌa ra na, ndúu na naꞌa, na köo ka kuachi kúu mií nuu ra.

Gálatas 2:19

Saa chi yeꞌe, ta tá káa ra xa ndi̱xiꞌi va saa káa i nuu ley ya ta̱a ra Moisés. Suvi mií ley ikán kua xa̱ꞌni yeꞌe tá kivi ndi̱xiꞌi i nuu ya, ta saa kua ndi̱taku i ya xaa súvi i ya kúni mií Ndioxi.

Gálatas 3:10

Ta ndiꞌi naꞌa, na ndíkani ini ya xíniñuꞌu ni na xaa súvi na ya káꞌan ley Ndioxi ya ta̱a ra Moisés, saa kua nduu na, na vaꞌa, na köo ka kuachi kúu mií nuu Ndioxi, káꞌán na, ta íyo chiꞌña sata na, chi saa káꞌan tuꞌun Ndioxi, káchi ya soꞌva: “Ndiꞌi naꞌa, na köo kúchiñu xaa súvi ndiꞌi ni kúu ya káꞌan ley Ndioxi ya ta̱a ra Moisés, ta na ndíso chiꞌña ku ndiꞌi na”, káchi tuꞌun ra.

Gálatas 3:13

Chi Cristo ku ra cha̱ꞌvi xaꞌa yo nuu chiꞌña ya ta̱xi ley ya ta̱a Moisés ndaꞌa yo, chi köo ndi̱kuchiñu yo sixinu yo ya káꞌan ley ikán. Xaꞌa ya ikán kua cha̱ꞌvi Jesucristo xaꞌa yo chi ndi̱xaꞌa ndee ini ra si̱kuiso ra chiꞌña xiꞌin mií ra, saa ku̱chiñu ra ki̱ndaa ra chiꞌña sata yo. Chi saa káꞌan mií tuꞌun Ndioxi, káchi ya saa: “Ndiꞌi naꞌa, na tíkaa ikin kuñu nuu itun cruzin, ta na ndíso chiꞌña ku na”, káchi ya.

Gálatas 3:24

Ta ndee ni xi̱ndaa ya yoo, tá kuꞌva ndee ni vaꞌa ndáa iin taa na vali, kíꞌin ni ra kuenta xiꞌin na, kuꞌva saa xi̱ndaa ya yoo, nda kivi tá xa̱a Jesucristo, ta saa kua nda̱sa vaꞌa ra yoo ndu̱u yo tá íin naꞌa, na köo ka kuachi kúu mií nuu Ndioxi.