San Juan 5:36 - Xochapa Mixteco

³⁶ Sundi íyo inka ya ndíkuiin xaꞌa i, ta ndee ni ka ya ikán nuu ya ndi̱kaꞌan ra Juan. Ta ya ikán ku chiñu ya ndi̱kaꞌan Iva i Ndioxi xiꞌin i ikan i. Ta chiñu ikán ku ya ndíkuiin teꞌe xaꞌa i, ya ndixa kua ti̱ꞌvi Iva i yeꞌe vaxi i.

San Juan 5:36 Mawu Ofanana

San Mateo 11:4

Saa ndi̱kuiin Jesús ndi̱kaꞌan ra xiꞌin nda ikán, káchi ra saa: ―Ndiko koo ndo kuꞌun ndo kaꞌan ndo xiꞌin ra Juan, ndituꞌun ndo xiꞌin ra xaꞌa ya xíto ndo xiꞌin ya xíni soꞌo ndo.

San Lucas 2:49

Saa ndi̱kuiin ra, káchi ra saa: ―¿Nana, ndachu ndúku ni ndo yeꞌe? ¿Án su chiñu Iva i kua xíniñuꞌu ni i xaa súvi i? ―káchi ra xiꞌin na.

San Juan 10:25

Saa ndi̱kuiin ra káꞌan ra xiꞌin nda, káchi ra saa: ―Xa ndi̱kaꞌan i xiꞌin ndo ta köo ndi̱xiin ndo kandixa ndo yeꞌe. Ndiꞌi seña ya íkan i nuu ndo ya ñaa kua ndíkuiin xaꞌa i ya kúu mií i ichí Iva i Ndioxi yakan vaꞌa íkan i ya.

San Juan 11:37

Ta sava tuku na káꞌan, káchi na saa: ―¿Án süvi ra yóꞌó ku ra xu̱na nuu na kuáa̱, ta ndachu köo ndi̱chindee ñaꞌa ra ya ná küvi ra, ndikuu? ―káchi na.

San Juan 15:24

Tá tu köo yatuꞌun ndi̱xini na ikan i ta köo kuachi na, ndikuu, sundi xi̱ni na ya, ta saa ni kúndasi nuu na xíni na yeꞌe ta kúndasi nuu tu na xíni na Iva va i. Ta kuaꞌa ni yatuꞌun i̱kan i nda iin na köo ndi̱kan taꞌan ya i̱kan i.

San Juan 17:4

’Ta chi̱nuu vaꞌa ni i ya toꞌo un nuu ndiꞌi na ñuu ivi, ta vitin si̱xinu ndiꞌi i chiñu ya ta̱xi un ndaꞌa i xaa súvi i.

San Juan 2:23

Tá ndi̱xiyo Jesús ñuu Jerusalén kivi kána viko pascua, ta kuaꞌa ni yatuꞌun i̱kan ra, saa kuaꞌa ni naꞌa ka̱ndixa kivi ra xaꞌa ya xi̱ni na ñaꞌa íkan ra.

San Juan 3:17

Chi köo ndi̱tiꞌvi Ndioxi Seꞌe ra vaxi ra ñuu ivi ya sitixuꞌvi ra na ñuu ivi, sundi ti̱ꞌvi ñaꞌa ra vaxi ra sikaku ra na.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 5:32

Sundi íyo iin ra ndíkuiin xaꞌa i, ta xíni i ya káꞌan ra xaꞌa i ta ya ndaa kua.

Los Hechos 2:22

’Nda taꞌan yo nda ñuu Israel, kuni soꞌo ndo ya kaꞌan i xiꞌin ndo xaꞌa Jesús, ra ñuu Nazaret. Iin taa ra vaꞌa ni ku ra. Suvi mií Ndioxi ku ra ndi̱kaxin ra i̱kan ra kuaꞌa ni ya vaꞌa, chi̱ndee ni ra yoo, i̱kan ni ra yatuꞌun Ndioxi nuu yo. Ta tixin ndiꞌi ya yóꞌó si̱naꞌa Ndioxi yoo ndá taa ku Jesús.

1 Juan 5:9

Tá ndítuꞌun naꞌa xiꞌin yo ta kándixa yo ya káꞌan na xiꞌin yo, ta na ivi taꞌan mií yo ku na. Ta ndisaa ka vi ya káꞌan Ndioxi xaꞌa Seꞌe ra, ndáa yaꞌvi ni ya káꞌan ra, saa chi mií Ndioxi ku ra káꞌan xaꞌa Seꞌe ra nuu yo.