San Juan 5:35 - Xochapa Mixteco

³⁵ Tá íyo ñu̱ꞌu̱ xíxi ta ndee ni ndíyeꞌe ya, saa ndi̱xiyo ra Juan, ta ndóꞌo̱ ta ku̱sini ni ndo xi̱ni soꞌo ndo ya ndi̱kaꞌan ra xiꞌin ndo, ta uvi ndaa kivi va kua ku̱sini ni ndo.

San Juan 5:35 Mawu Ofanana

San Mateo 11:11

Saa ndi̱kaꞌan tuku Jesús xiꞌin na, káchi ra saa: ―Ya ndaa káꞌan i xiꞌin ndo, köo nda profeta naꞌnu ni ka nuu ra Juan ra síkuchi naꞌa. Ra Juan ku ra ndee ni ndee chiñu kuu mií, ta saa ni naꞌa, na köo chiñu ndee ni ndee kúu mií taꞌan ya íkan ra Juan, ta na ikán ka ku na ndee ni ka ndee chiñu kúu mií nuu xáꞌnda chiñu Ndioxi ―káchi Jesús xiꞌin na.

San Mateo 21:26

Tá ná kaꞌan yo na ivi ti̱ꞌvi ra, kachi yo, ta íꞌvi yo nuu naꞌa, saa chi ndiꞌi na ndíkani ini Ndioxi ti̱ꞌvi ra vaxi ra ―káchi nda.

San Marcos 1:5

Kuaꞌa ka vi na kuaꞌan nuu ra, kuaꞌan na ñuu Jerusalén xiꞌin ndiꞌi ka na ñuu ya ñúꞌu estado Judea, kuaꞌan na kuni soꞌo na ya káꞌan ra. Tá xíni soꞌo na ya káꞌan ra, saa náꞌma na kuachi na nuu Ndioxi, saa síkuchi ra Juan na ini ita Jordán.

San Marcos 6:20

saa chi íꞌvi ni ra Herodes xíni ñaꞌa ra xaꞌa ya xíni ra kúu ra iin taa ra vaꞌa, ra i̱í. Xaꞌa ya ikán kua köo ndi̱taxi ra kundivaꞌa ra. Ta saa ni, ndíꞌi ni ini ra xíni ra ya ndi̱kaꞌan ra Juan xiꞌin ra. Vani ndíꞌi ni ini ra xiꞌin tuꞌun ikán saa ni kútoo ni ra xíni soꞌo ra ya káꞌan ra Juan.

San Lucas 7:28

Ta saa ndi̱kaꞌan ka ra xiꞌin na, káchi ra saa. ―Ta ya ndaa kua káꞌan i xiꞌin ndo, ndiꞌi taa nda ka̱ku ndi̱kaꞌan ndoso tuꞌun yuꞌu Ndioxi, ta ra Juan ku ra chee ni nuu ndiꞌi nda. Sundi na táxi xáꞌnda chiñu Ndioxi nima na, na ikán ku na naꞌnu ni ka nuu ra Juan ―káchi Jesús xiꞌin na.

San Juan 6:66

Nda kivi saa ta kuaꞌa ni na ítaꞌan xiꞌin ra ndi̱ko koo, ta köo ndi̱xika ka na xiꞌin ra.

2 Pedro 1:19

Ta xaꞌa ya xa xi̱ni nde xiꞌin ya xi̱ni soꞌo nde kua ndinuꞌu ni kándixa nde tuꞌun ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, chi ya ndaa ni ku ya. Ta vaꞌa ni íkan ndo ya ndee ni xíni soꞌo ndo ya. Chi tuꞌun ikán ta tá káa ñu̱ꞌu̱ ya síndiyeꞌe nuu naá ni saa káa ya. Chi Cristo ku ra síndiyeꞌe nuu naá ni, ta tá káa kiti kimi kéta tá túvi, saa káa ra, ta kuꞌva saa síndiyeꞌe ra nima ndo.