San Juan 5:29 - Xochapa Mixteco

²⁹ Ta ndiꞌi na i̱kan ya vaꞌa ta nditaku na koo na xiꞌin Ndioxi ndiꞌi saa kivi, ta ndiꞌi na i̱kan ya väꞌa ta nditaku na kuꞌun na nuu ndoꞌo ni na ―káchi Jesús xiꞌin nda.

San Juan 5:29 Mawu Ofanana

San Lucas 14:14

Kuáꞌan kana na ñaa kuxi na xiꞌin un, ta saa koo vaꞌa ini un. Saa chi na ikán ta küchiñu na ndasa nuu na ñaꞌa un, sundi yóꞌo̱, ta niꞌi ka un ya vaꞌa nuu Ndioxi tiempo ná nditaku na ndaa ini, na xa ndi̱xiꞌi ―káchi Jesús xiꞌin ra.

Los Hechos 24:15

Chi yeꞌe ta kándixa i ya sitaku Ndioxi na ndíi, nditaku na vaꞌa tin na väꞌa ikan ra. Ta saa tu mií va na, kándixa na taꞌan ya yóꞌó.

1 Timoteo 6:18

Vaꞌa kaꞌan un xiꞌin nda ñani yo, nda ndúkuika ni, ya xíniñuꞌu nda ikan ni nda ya vaꞌa. Ta ná küxiꞌnda nda, ná kusini ni nda nditaꞌvi nda ñaꞌa nda xiꞌin inka naꞌa.

HEBREOS 10:27

Chi ndiꞌi naꞌa, na íkan saa kivi tá ná xaa nduvaꞌa Ndioxi xiꞌin na, ta ndee ni sitixuꞌvi ra na xaꞌa kuachi na, ta saa kua taán ra na koko na nuu ndee ni xíxi ñu̱ꞌu̱. Ikán ku nuu sindiꞌi xaꞌa yaa ra na sáa ini xíni ra.

HEBREOS 13:16

Ta ndïndoso ini ndo ya ikan ndo ya vaꞌa xiꞌin taꞌan ndo. Saa chindee ndo na taꞌan ndo xiꞌin ya kúu mií ndo, saa chi tá íkan ndo saa ta tá íin ya sóko ndo nuu Ndioxi saa íin ya íkan ndo, ta kúvaꞌa ni ini Ndioxi xiꞌin ya íkan ndo.

1 Pedro 3:11

Ta vaꞌa ná kuxika na nuu ya väꞌa íkan na, ta saa xáa na ikan na ya vaꞌa. Ná nduku ka na kuꞌva ya koo vaꞌa na xiꞌin taꞌan na, ta ná koo vaꞌa ni ini na.