San Juan 5:27 - Xochapa Mixteco

²⁷ Ta ta̱xi ra ichí ndaꞌa Seꞌe ra ya xaa nani ra kuachi naꞌa, xaꞌa ya kúu ra Taa ra xa̱a ñuu ivi yóꞌó.

San Juan 5:27 Mawu Ofanana

San Mateo 9:6

Ta vitin sindaꞌa i ra yóꞌó, ta saa kundaa ini ndo, yeꞌe ku Taa ra kúu mií ichí Ndioxi, ta xáa kaꞌnu ini i xaꞌa kuachi na ñuu ivi ―káchi Jesús xiꞌin nda. Saa ndi̱kaꞌan ra xiꞌin ra kúꞌvi ikán, káchi ra saa: ―Kuándikoo, kuanuꞌu veꞌe un, ta ndikiꞌin xito un ná kuꞌun nu xiꞌin un ―káchi Jesús xiꞌin ra.

San Juan 5:22

Ta Iva ra köo xáa nani ra kuachi xiꞌin nda iin naꞌa, iindaa Seꞌe ra ku ra ta̱xi ndiꞌi ra ichí ndaꞌa ya xáa nani ra kuachi na,

San Juan 9:39

Saa ndi̱kaꞌan Jesús, káchi ra saa: ―Xa̱a i ñuu ivi yóꞌó ya ta ya situvi i ini naꞌa ndá kuꞌva íyo ini na kua xa̱a i. Tá kúu na íkan ya väꞌa, ta tá iyo na kuáa̱ saa íin na, ta na ikán ku na xúna i nuu. Ta ivi na vaꞌa ni túvi na, ta na ikán ku na ndúkuaa, saa chi xaꞌa ya vaꞌa ni na túvi na, ta köo táxi na kuna i nuu na ―káchi Jesús.

Los Hechos 10:42

Ta ti̱ꞌvi ra ndeꞌe kaꞌan ndoso nde tuꞌun Ndioxi tin ndituꞌun nde xiꞌin na xaꞌa Jesús chi ndaꞌa ra ikán kua ta̱xi Ndioxi ichí ya taxi ra kuachi xaꞌa na íyo kuachi ta saña ra na köo kuachi, saa ikán ra xiꞌin na táku tin na ndíi.

Los Hechos 17:31

Chi Ndioxi ta xa ndi̱kaxin ra Jesús, Seꞌe ra ya kixi ra iin kivi ya xaa nani ra kuachi xiꞌin ndiꞌi na ñuu ivi, ta nina xiꞌin ya ndaa ikan ra saa xiꞌin na. Chi Ndioxi ta̱xi ra xi̱ni ndiꞌi na ñuu ivi tá kivi si̱taku ra Jesús tañu na ndíi ―káchi ra Pablo xiꞌin na.

1 Corintios 15:25

Saa koo chi xíniñuꞌu Jesucristo ndikunduꞌu ra kaꞌnda chiñu ra nuu naꞌa, xiꞌin ndiꞌi nuu ñaꞌa ya ndi̱kuaꞌa, ta kuchiñu ra nuu ndiꞌi ndee ya sáa ini xíni ra, ta̱an ra ya tixin xaꞌa ra.

HEBREOS 1:2

Sundi tiempo ya kuaꞌan ndíꞌi ndóo yo vitin ta köo káꞌan ka ra xiꞌin yo tixin nda ikán, tixin Seꞌe ra kua káꞌan ra xiꞌin yo, chi tixin ra ikán kua si̱kuaꞌa ra ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Saa ta̱xi ndiꞌi ra ya ndaꞌa Seꞌe ra, ta ra ikán ku ra ndíso chiñu xiꞌin ndiꞌi ni kúu ñaꞌa ra.

1 Pedro 3:22

Ta nda̱a ra kuaꞌan ra nuu ndivi, índuꞌu ra ñaꞌñu kuáꞌá Ndioxi. Ta mií ra ku ra xáꞌnda chiñu nuu na tatun Ndioxi, saa xáꞌnda chiñu ra nuu ndiꞌi ndee ya íyo nuu ndivi tin ya íyo nuu ñuꞌú yóꞌó.