San Juan 3:6 - Xochapa Mixteco

⁶ Ndiꞌi na káku tá kuꞌva káku na ñuu ivi yóꞌó ta kuenta na ñuu ivi yóꞌó ku na. Ta ndiꞌi na káku tixin Tachi I̱í Ndioxi, ta kuenta Tachi I̱í Ndioxi ku na.

San Juan 3:6 Mawu Ofanana

San Juan 1:13

Ta mií ya ndaa seꞌe Ndioxi ndúu na, chi köo ndi̱kaku na tá kuꞌva káku seꞌe iin taa xiꞌin iin ñaꞌa. Sundi ka̱ku na tá kuꞌva kúni mií Ndioxi.

San Juan 3:7

Ta ndïkanda ini un xaꞌa ya káꞌan i xiꞌin un ya xíniñuꞌu ndikaku uvi tuku naꞌa.

ROMANOS 7:18

Xa kúndaa va ini i, chi köo mií ya vaꞌa íyo vi ikin kuñu i, xaꞌa ya kúu i ra ñuu ivi yóꞌó. Saa chi ya vaꞌa ku ya kúni i ikan va i, sundi köo mií ndee ikin kuñu i ya ikan ya vaꞌa.

ROMANOS 7:25

Ta ndixaꞌvi ni Ndioxi xaꞌa chiñu ya xa̱a súvi Tata yo Jesucristo! Chi iindaa ra ikán ku ra kuchiñu sikaku yoo nuu ndee ya väꞌa. Ta vitin ku̱ndaa ini i, ni ndinuꞌu ni va ini i kúni i xaa súvi i ley Ndioxi, sundi xaꞌa ya kúu i ra ivi yóꞌó, yakan vita ni i nuu kuachi, kúchiñu ya xáꞌnda chiñu ya nuu i.

ROMANOS 7:5

Chi tá täꞌan kandixa yo Jesucristo ta ndi̱xika yo ichí väꞌa nuu xa̱ꞌnda chiñu ni ndiꞌi ñaꞌa ya väꞌa nuu yo, tá ndi̱xiyo yo tixin ley ya ta̱a ra Moisés, ta si̱ndikaꞌán ni ka ya ikán ini yo ikan yo kuachi ku̱too ni mií ikin kuñu yo ikan ya. Ta ndiꞌi ñaꞌa i̱kan yo ta süvi ya vaꞌa ku ya, chi ya xa̱ꞌni mií va yo ndi̱xiyo ya.

ROMANOS 8:13

Saa chi tá íkan yo ya kúni kuñu yo, ta saa kua ku̱aꞌan yo ichí nuu ndíꞌi xaꞌa yo, kuvi yo. Ta saa ni, tá xiꞌin ndee Tachi Ndioxi síndiꞌi xaꞌa yo ya väꞌa, ya kúni ikin kuñu yo, ta saa kua ndixa kutaku yo nuu Ndioxi.

1 Corintios 6:17

Ta saa ndiꞌi yo ndíkitaꞌan xiꞌin Tata yo Jesucristo, ta iin nuu ndúu yo xiꞌin ra tixin tachi ra.

2 Corintios 5:17

Saa chi ndiꞌi yo xa ndi̱kitaꞌan xiꞌin Cristo, ta ndu̱u yo na xa̱á i̱kan Ndioxi. Ndiꞌi kuꞌva ya väꞌa, ya yata ndi̱xiyo ini yo, ta xa ki̱ndoo ndiꞌi ya chí sata.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

Efesios 2:3

Saa ndi̱xiyo ndiꞌi va yo yachi: I̱kan ni yo ndiꞌi nuu ñaꞌa ya väꞌa, ya ku̱too ni mií ikin kuñu yo ikan ya. I̱kan yo tá kuꞌva íkan ndiꞌi naꞌa, xa̱a súvi ni yo ndiꞌi ñaꞌa ya ndi̱kani ini yo vaꞌa ni nuu yo, túvi yo. Ta xaꞌa ya ikán kua xíniñuꞌu yo sitixuꞌvi ni Ndioxi yoo, chi sáa ni ini ra xíni ra ya väꞌa íkan yo.

Colosenses 2:11

Ta xaꞌa ya xa ndu̱u ndo iin xiꞌin Tata yo Jesucristo kua kúu mií ndo tuni Ndioxi, ta süvi xiꞌin ndaꞌa na ivi yóꞌó kua ndíkunuu tuni Ndioxi ndóꞌo̱, chi mií Ndioxi ku ra chi̱nuu ya ndóꞌo̱. Xaꞌa ya si̱kaku Tata yo Jesucristo ndóꞌo̱ kua ndi̱saña ndo nuu ndee ya väꞌa ku̱u mií ndo ikin kuñu ndo.

1 Juan 3:9

Ndiꞌi na kúu seꞌe Ndioxi ta köo íkan ka na ya väꞌa, chi Ndioxi ta xa íyo ra nima na, yakan küvi ka ikan na ya väꞌa, chi na xa ndi̱kaku uvi ku na i̱kan ra, ndu̱u na seꞌe ra.