San Juan 21:25 - Xochapa Mixteco

²⁵ Íyo kuaꞌa ni ka chiñu ya i̱kan Jesús ñuu ivi yóꞌó, tá ná taa na tá iin tá iin ya i̱kan ra ta näni vi nuu chutu tutu ñuu ivi yóꞌó, ndíkuu. Chi yáꞌa ni kuaꞌa kuu ya. Saa ná koo.

San Juan 21:25 Mawu Ofanana

San Mateo 11:5

Tá kúu na kuáa̱ ta ndíkuna nuu na, na küvi kaka ta ndíkaka na, na ndóꞌo kueꞌe táꞌi náni lepra ta ndúvaꞌa ndiꞌi na, na sóꞌo ta xúna soꞌo na, na ndíi ta ndítaku na. Saa ndítuꞌun i xiꞌin ndiꞌi na ndaꞌvi tuꞌun vaꞌa xaꞌa Ndioxi.

San Mateo 19:24

Ta ná kaꞌan ka i xiꞌin ndo: Tá ya kúvi kua ta án sana vaꞌa ka kiꞌvi iin kiti camello chee ni ta yaꞌa ri yavi loꞌo kaꞌa iin tiku, ta saa na kuika uꞌvi ni ka saa kiꞌvi na ikán ichí nuu xáꞌnda chiñu Ndioxi ―káchi Jesús xiꞌin na.

San Marcos 5:16

Ta ndiꞌi na xi̱ni ya ndo̱ꞌo ra ku̱u mií tachi nduvaꞌa xiꞌin ya ndo̱ꞌo kiti kini, ndítuꞌun na xiꞌin inka naꞌa xaꞌa ya xi̱ni na.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 20:35

Taꞌan ya xi̱ni ndo i̱kan i kua xíniñuꞌu ndo ikan ndo, ya kuchiñu ndo chindee ndo inka na köo kúndee ini xaa chiñu. Ndi̱kaꞌán ndo ya ndi̱kaꞌan Tata yo Jesús, káchi ra saa: “Vaꞌa ni ka kée na táxi ñaꞌa ndaꞌa inka na, süvi ka vi na ndíkiꞌin ya”, káchi Tata yo ―káchi ra Pablo xiꞌin na.

HEBREOS 11:32

Xa kuaꞌa ni ya ndi̱kaꞌan i xiꞌin ndo ndá kuꞌva xi̱ndaa ni ini na ikán Ndioxi, ta kúmani kuaꞌa ya ndituꞌun i xaꞌa xiꞌin ndo tá kúu ra Gedeón xiꞌin ra Barac tin ra Sansón xiꞌin ra Jefté tin ra David xiꞌin ra Samuel, tin nda ndi̱kaꞌan ndoso tuꞌun yuꞌu Ndioxi xinaꞌa.