San Juan 21:17 - Xochapa Mixteco

¹⁷ Ichí uni ndi̱ndakan tuꞌun tuku Jesús ra Simón Pedro, káchi ra saa: ―Simón, seꞌe ra Jonás, ¿án kúꞌvi ini un xíni un yeꞌe? ―káchi ra xiꞌin ra. Ta saa ku̱chiꞌña ni ini ra, saa chi xa ndi̱xinu uni ichí kua ndákan tuꞌun ñaꞌa ra, ¿án kúꞌvi ini ra xíni ñaꞌa ra? Saa ndi̱kuiin ra Simón Pedro, káchi ra saa: ―Tata, mií un ku un xíni ndiꞌi ñaꞌa. Ta xíni un ya kúꞌvi ni ini i xíni i yóꞌo̱ ―káchi ra xiꞌin ra. Saa ndi̱kuiin Jesús káchi ra saa: ―Tá tu saa, ta kundaa levo sana i ―káchi Jesús xiꞌin ra.

San Juan 21:17 Mawu Ofanana

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

San Marcos 14:72

Saa ra ka̱na va cheꞌle ichí uvi. Saa ndi̱kaꞌán ini ra Pedro ya ndi̱kaꞌan Jesús xiꞌin ra, ka̱chi ra saa: “Täꞌan ka vi kana cheꞌle ichí uvi, ta xa uni ichí ndikuaa un yeꞌe, kaꞌan un ya köo xíni un yeꞌe”, ka̱chi Jesús xiꞌin ra. Tá ndi̱kaꞌán ini ra tuꞌun ndi̱kaꞌan Jesús xiꞌin ra, saa xa̱á ra xáku ni ra.

San Juan 12:8

Chi na ndaꞌvi ta ndiꞌi saa kivi koo na xiꞌin ndo. Sundi yeꞌe, ta süvi ndiꞌi saa kivi koo i xiꞌin ndo ―káchi Jesús xiꞌin ra.

San Juan 13:38

Saa ndi̱kuiin Jesús, káchi ra saa: ―¿Án ndixa ku un, íyo tuꞌva un ya kuvi un xaꞌa i? Ya ndixa kua káꞌan i xiꞌin un, ñǔu vitin, ta xa uni ichí vi ndikuaa un ya köo xíni un yeꞌe, saa kana chele ―káchi Jesús xiꞌin ra Pedro.

San Juan 14:15

’Tá tu kúꞌvi ini ndo xíni ndo yeꞌe, ta xaa súvi ndo ya káꞌan i xiꞌin ndo.

San Juan 15:10

Tá tu xáa súvi ndo ya xáꞌnda chiñu i nuu ndo, ta saa kua koo tuun ndo xiꞌin i, chi kúꞌvi ni ini i xíni i ndóꞌo̱, ta kuꞌva saa kua xáa súvi yeꞌe ya xáꞌnda chiñu Iva i yakan íyo tuun i xiꞌin ra ta kúꞌvi ni ini ra xíni ra yeꞌe.

San Juan 16:30

Vitin kúndaa ini nde, xa xíni vaꞌa un xaꞌa ndiꞌi ñaꞌa, yakan köo xíniñuꞌu un ndakan tuꞌun na yóꞌo̱. Xaꞌa ya ñaa kua kándixa nde ya ti̱ꞌvi Ndioxi yóꞌo̱ vaxi un ñuu ivi yóꞌó ―káchi nda xiꞌin ra.

San Juan 18:27

Saa ndi̱kuaa tuku ñaꞌa ra Pedro. Ñaa ndikun ka̱na cheꞌle.

San Juan 18:4

Sundi Jesús ta xa xíni ndiꞌi ra unkua kundoꞌo ra, saa ke̱ta ra ndi̱ndakan tuꞌun ñaꞌa ra, káchi ra saa: ―¿Unku na ndúku ndo? ―káchi ra xiꞌin nda.

San Juan 21:18

Ta saa ndi̱kaꞌan ka ra xiꞌin ra, káchi ra saa: ―Ya ndixa káꞌan i xiꞌin un, tá ndi̱xiyo kuâán un, ta ndíkundixi un toto un, ta kuaꞌan un nuu kúni mií un, sundi tá ná kuchee un ta tanii ndaꞌa un nuu na, ta inka na sikundixi yóꞌo̱, ta kundaka na yóꞌo̱ kuꞌun un xiꞌin na nuu köo kúni un kuꞌun un ―káchi ra xiꞌin ra.

San Juan 4:16

Saa ndi̱kuiin Jesús káꞌan ra: ―Kuáꞌan kaꞌan xiꞌin ií un ná kixi ra xiꞌin un ―káchi ra xiꞌin yá.

Los Hechos 1:24

Saa xa̱á nda káꞌan nda xiꞌin Ndioxi, káchi nda saa: ―Tata, yóꞌo̱ ku ra xíni unku ya íyo nima ndiꞌi ivi, ta vitin sinaꞌa un nda yóꞌó nuu nde, unku nda ndi̱kaxin un

Los Hechos 11:10

Uni ichí ku̱u saa. Tá ndiꞌi ta ndi̱ko koo tuku sábana ikán kuaꞌan ya nuu ndivi.

Los Hechos 15:8

Ta Ndioxi ku ra xíni ndiꞌi ya íyo nima ivi, ta iin káchi ta̱xi ra Tachi I̱í ra ndaꞌa yo na kúu judío xiꞌin na köo kúu judío. Tá kuꞌva i̱kan ra xiꞌin yoo saa i̱kan tu ra xiꞌin na ikán va.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

Efesios 4:30

Ta ïkan ndo ya väꞌa, ya táxi ndo kusuchi ini Tachi I̱í Ndioxi, chi Tachi I̱í ra kua xiꞌna ndi̱niꞌi ndo nuu ra, ya yóꞌó ta tá káa tuni mií ra saa káa ya nuu ki̱ndoo ra xiꞌin ndo ya sikaku ra ndóꞌo̱ kivi vaxi.

1 Pedro 1:6

Xaꞌa ya ñaa kua kusini ni ndo vitin, vani vaxi kivi ya ndee ni kuaꞌa nuu tindoꞌo kixi nuu ndo koto ndoso ya ndóꞌo̱, ta kuaꞌa ndee ni ini ndo xiꞌin ya.

2 Pedro 3:1

Ñani yo xiꞌin kuꞌva yo, ya yóꞌó ku tutu ya uvi táa i xaa ndaꞌa ndo. Ta̱a i uvi saa ya xaa ya ndaꞌa ndo ya ndíkani i nuu ndo ya ná koo vaꞌa ni ya xínituni ndo saa ndikani ndaku ni ini ndo.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.

El Apocalipsis 3:19

Káꞌan i tuꞌun uꞌvi ni yóꞌó xiꞌin ndo, chi saa káꞌan uꞌvi i xiꞌin naꞌa, na kúꞌvi ini i xíni i. Saa táxi i tíxuꞌvi ni na ya ná ndiko koo ini na kuꞌun na ichí vaꞌa. Saa ndóꞌo̱, xíniñuꞌu ndo ndiko koo ini ndo xaꞌa ya väꞌa íkan ndo, ta ndinuꞌu ni ini ndo ndiko koo ini ndo kundikun ndo Ndioxi.