San Juan 21:15 - Xochapa Mixteco

¹⁵ Tá sindiꞌi nda xi̱xi nda, ta ndi̱kaꞌan Jesús xiꞌin ra Simón Pedro, káchi ra saa: ―Simón, seꞌe ra Jonás, ¿án kúꞌvi ka ini yóꞌo̱ xíni un yeꞌe, nuu ya kúꞌvi ini nda yóꞌó xíni nda yeꞌe? ―káchi Jesús xiꞌin ra. Saa ndi̱kuiin ra, káchi ra saa: ―Uun, kúꞌvi ni ini i xíni i yóꞌo̱, Tata. Xíni mií un ndá kuꞌva kúꞌvi ini i xíni i yóꞌo̱ ―káchi ra xiꞌin Jesús. Saa ndi̱kaꞌan Jesús xiꞌin ra, káchi ra saa: ―Tá tu saa, ta vaꞌa kundaa un levo sana i ―káchi ra xiꞌin ra.

San Juan 21:15 Mawu Ofanana

San Mateo 10:37

’Ndiꞌi naꞌa, na kúni kuꞌun ichí i, xíniñuꞌu na kuꞌvi ni ka ini na kuni na yeꞌe nuu na veꞌe na. Saa tu naꞌa, na kúꞌvi ni ka ini xíni iva na, án siꞌí na, án seꞌe taa na, án seꞌe síꞌi na, ta na yóꞌó ta küvi kundikun na yeꞌe.

San Mateo 16:17

Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.

San Mateo 18:10

Saa ndi̱tuꞌun tuku ra iin tuꞌun ndíchi xiꞌin na sínaꞌa ra na, káchi ra saa: ―Koto ndo ndïkani ini ndo ya köo ndáa yaꞌvi na vali yóꞌó. Saa chi na tatun ndáa na vali yóꞌó, ta ndiꞌi saa kivi íyo na xiꞌin Iva i Ndioxi nuu ndivi.

San Mateo 26:33

Saa ndi̱kuiin ra Pedro, káꞌan ra: ―Tata, vani sindikoo ndaꞌa ndiꞌi nda yóꞌo̱, sundi yeꞌe ta sïndikoo ndaꞌa i yóꞌo̱ ―káchi ra xiꞌin Jesús.

San Mateo 26:35

Saa ndi̱kaꞌan ra Pedro xiꞌin ra, káchi ra saa: ―Tata, vani kuvi i xaꞌa un, sundi ndïkuaa i yóꞌo̱ ―káchi ra. Tá ndi̱kaꞌan ra ikán saa ndi̱kaꞌan ndiꞌi nda.

San Marcos 14:29

Saa ndi̱kuiin ra Pedro, káꞌan ra, káchi ra saa: ―Vani ndiꞌi nda ná kunu kuꞌun, ta sindoo ndaꞌa mií nda yóꞌo̱, sundi yeꞌe ta sïndoo i yóꞌo̱ ―káchi ra xiꞌin Jesús.

San Lucas 12:32

Saa ndi̱kaꞌan ka Jesús, káchi ra saa: ―Ndóꞌo̱ ndíkun sata i ta ku ïꞌvi ndo chi tá íyo iin tiꞌvi levo vali sana i saa íin ndo. Ta kúsini ni va Ndioxi taxi ra koo ndo xiꞌin ra nuu xáꞌnda chiñu ra.

San Lucas 22:32

Sundi yeꞌe ta xa káꞌan ni i xaꞌa un xiꞌin Ndioxi ya ná ndïko koo ini un ya ndáa ni ini un xíni un ra. Tá ndi̱ko koo un nuu ra, ta xaꞌa un ndee xiꞌin ndiꞌi na itáꞌan xiꞌin un ―káchi Jesús xiꞌin ra Simón Pedro.

San Juan 1:42

Ta saa ndi̱kundaka ra Andrés, ra Simón ñani ra kuaꞌan xiꞌin ra nuu Jesús. Tá ndi̱xaa nda, ta ndi̱koto vaꞌa Jesús nuu ra saa ndi̱kaꞌan ra xiꞌin ra, káchi ra saa: ―Yóꞌo̱ ku Simón, seꞌe ra Jonás, ta vitin kunani un Cefas ―káchi ra xiꞌin ra. (Ta Cefas kúni kachi ya “Pedro”).

San Juan 13:37

Saa ndi̱kaꞌan ra Pedro xiꞌin ra, káchi ra saa: ―Tata, ¿ndachu küvi kuꞌun i xiꞌin un vitin? Ta xa íyo tuꞌva i, vani nda kuvi i xaꞌa va un ―káchi ra xiꞌin Jesús.

San Juan 16:27

Saa chi Iva i ta kúꞌvi ni ini ra xíni ra ndóꞌo̱, saa chi kúꞌvi ni ini ndo xíni ndo yeꞌe, ta kándixa ndo yeꞌe ya ke̱e i nuu ra.

San Juan 21:12

Saa ndi̱kaꞌan Jesús xiꞌin nda, káchi ra: ―Naꞌa ndo kuxi ndo ―káchi ra xiꞌin nda. Ta nda iin nda ítaꞌan xiꞌin ra köo ndi̱ndakan tuꞌun ñaꞌa: “¿Unku yóꞌo̱?”, ndi̱kachi nda xiꞌin ra. Nda iin nda köo ndi̱kaꞌan, saa chi xa xíni nda, Jesús ra chee nuu nda ku ra.

San Juan 21:7

Saa ndi̱kaꞌan ra ku̱ꞌvi ni ini Jesús xi̱ni ra xiꞌin ra Pedro, káchi ra saa: ―¡Tata yo Jesús va ku ra! ―káchi ra xiꞌin ra. Tá xi̱ni soꞌo ra Simón Pedro ya ndi̱kaꞌan ra ikán, ta ndi̱kun ndi̱kundixi ra toto ra. Ta saa ndi̱kiꞌvi ra kuaꞌan ra ini tikuii ya kúni ra xaa kama ra nuu Jesús.

San Juan 8:42

―Tá tu ndixa Ndioxi ku Iva ndo ta kuꞌvi ini ndo kuni ndo yeꞌe, ndikuu. Saa chi yeꞌe ta nuu Ndioxi ke̱e i xa̱a i ñuu ivi yóꞌó, süvi xaꞌa ya kúni mií i kua xa̱a i, chi Ndioxi ku ra ti̱ꞌvi yeꞌe vaxi i.

Los Hechos 20:28

Ta ndóꞌo̱ ku ndo ndi̱kaxin Tachi I̱í Ndioxi ya kundiso chiñu ndo xiꞌin na veꞌe ñuꞌu. Tá íkan nda ndáa levo sana nda, saa ikan ndo. Xaa kuenta ni ndo xiꞌin mií ndo tin xaa kuenta ni ndo xiꞌin na kuaꞌan ichí Jesús. Chi na ikán ku na sa̱ta ra xiꞌin ni̱í mií ra nduta ndi̱xita nuu cruzin.

Los Hechos 20:29

Chi xíni i, tá köo ka i íyo xiꞌin ndo ta kixi naꞌa sindaꞌvi na ndóꞌo̱. Tá íkan kiti ndivaꞌi xáa nduvaꞌa ni ri xiꞌin levo saa ikan na xiꞌin ndo, xaa nduvaꞌa ni na xiꞌin ndo.

ROMANOS 14:1

Na taꞌan yo, ndúku i ya mani nuu ndo ya ndikuiso vií ndo na taꞌan yo, na vita ni ini xiꞌin tuꞌun Ndioxi. Tá tu köo íyo yuꞌu ndo xiꞌin na xaꞌa ya káꞌan na, ta käni taꞌan ndo xiꞌin na.

ROMANOS 15:1

Yo köo xíka uvi ini ta xíniñuꞌu yo kiꞌin yo kuenta xiꞌin na taꞌan yo, na vita ni ini xiꞌin tuꞌun Ndioxi, na täꞌan kundaa vaꞌa ini xiꞌin tuꞌun ra. Ta ná ïkan yo ndisaa ya kúni mií yo.

1 Corintios 8:11

Ta ìyo ni ndiꞌi xaꞌa ra xaꞌa kuachi ndóꞌo̱, chi ndóꞌo̱, ta xa xíni vaꞌa ndo ya köo kuachi xaꞌa ya ikán. Sundi ìyo ni ndiꞌi xaꞌa iin taa ra ndi̱xiꞌi Tata yo Jesucristo xaꞌa.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

Efesios 4:14

Chi saa kua ïkan ka yo tá kuꞌva íkan na vali, ta ni ndöꞌo yo tá kuꞌva ndóꞌo itun barco chi tá vaxi tachi saa kua kánda nu kuaꞌan nu, ta saa yoo, kändixa ndikuu yo ndiꞌi nuu ñaꞌa ya síin ni káa sínaꞌa ndá ka nda väꞌa sínaꞌa, chi nda ikán ta nda kúni sindaꞌvi yoo va ku nda.

Efesios 6:24

Ta mií Ndioxi ná chikaa ni ya vaꞌa ndiꞌi ndóꞌo̱ yáꞌa ni kúꞌvi ini xíni Tata yo Jesucristo. Saa ná koo.

HEBREOS 13:20

Ta mií Iva yo ku ra táxi koo vaꞌa ni ini yo, mií ra ku ra si̱taku Tata yo Jesucristo tañu na ndíi, ta mií ra ku ra ndáa ni ndóꞌo̱ tá kuꞌva íkan iin ra ndee ni vaꞌa ndáa levo sana ra, saa íkan ra xiꞌin ndo. Ta ki̱ndoo ra xiꞌin ndo ya ikan ra ya xa̱á xiꞌin ndo xaꞌa nií ra nduta ndi̱xita nuu cruzin. Ta nda iin ichí ndïsama ini ra xaꞌa ya ki̱ndoo ra xiꞌin ndo.

HEBREOS 4:13

Nda iin ñaꞌa ya si̱kuaꞌa Ndioxi küvi tiseꞌe ya nuu ra, saa chi mií ra si̱kuaꞌa ndiꞌi ya, ta íyo túvi ndiꞌi ya nuu ra. Ta suvi mií ra ku ra xaꞌa yo kuenta nuu xaꞌa ndiꞌi ñaꞌa ya íkan yo.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.

1 Pedro 2:2

Koo ndo tá kuꞌva íin na vali, na sikan ka̱ku, na ndee ni káꞌun ini ta kúni ni na chichin na, kuꞌva saa xíniñuꞌu ndo nduku ni ndo nina tuꞌun ya vaꞌa, ya kúu tuꞌun Tata yo, saa kua nduu ndo na ndinuꞌu ni ndíkun ichí ra, ya kaku ndo.

1 Pedro 2:25

Chi yoo ta tá íin kiti levo, kiti nda̱ñuꞌu saa ndi̱xiyo yo. Ta vitin ndi̱ko koo yo nuu Tata yo Jesucristo ta ndee ni vaꞌa ndáa ra yoo, tá íkan iin ra ndee ni vaꞌa ndáa kiti levo sana ra, saa íkan ra xiꞌin yo.

1 Juan 4:19

Kúꞌvi ini yo xíni yo Ndioxi xiꞌin na taꞌan yo, saa chi xiꞌna mií ra ku ra xa̱á kúꞌvi ni ini xi̱ni yoo.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.