San Juan 20:29 - Xochapa Mixteco

²⁹ Saa ndi̱kaꞌan Jesús xiꞌin ra, káchi ra saa: ―Tomás, kándixa un yeꞌe vitin saa chi xi̱ni un yeꞌe. Ta vaꞌa ni kée na köo ndi̱xini yeꞌe, ta kándixa na yeꞌe ―káchi Jesús xiꞌin ra.

San Juan 20:29 Mawu Ofanana

San Mateo 13:16

’Sundi ndóꞌo̱, ta kusini ni ndo, chi xíto ndo ya íkan i, ta xíni soꞌo ndo ya káꞌan i xiꞌin ndo.

San Lucas 1:45

¡Ta yóꞌo̱, vaꞌa ni kée un chi ka̱ndixa un tuꞌun ya ndi̱kaꞌan Ndioxi xiꞌin un, ta vitin ndátun un sixinu ra ya ndi̱kaꞌan ra xiꞌin un! ―káchi yá Elisabet xiꞌin yá María.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

San Juan 20:8

Saa ndi̱kiꞌvi inka ra kuaꞌan xiꞌin ra, ra xi̱ꞌna ndi̱xaa yuꞌu kava, ndi̱kiꞌvi ra ini kava ta xi̱ni ra ya ku̱u, saa ka̱ndixa ra.

San Juan 4:48

Ta saa ndi̱kaꞌan Jesús xiꞌin ra, káchi ra saa: ―Ndóꞌo̱, ta xïin ndo kandixa ndo yeꞌe. Nda kuni ndo yatuꞌun Ndioxi íkan i án iin seña kuni ndo ta saa vi kandixa ndo yeꞌe ―káchi Jesús.

2 Corintios 5:7

Ta vitin táku yo ta ndáa ni ini yo xíni yo ra, ta süvi xaꞌa ya xa xi̱ni xiꞌin nuu yo ra kua ndáa ini yo xíni yo ra.

HEBREOS 11:1

Xaꞌa ya ndinuꞌu ni ini yo ndáa ini yo Ndioxi yakan kúndaa teꞌe ini yo ya taxi ra ñaꞌa ndátun yo ndaꞌa yo. Vani täꞌan kuni yo ya, ta xíni yo taxi ra ya ndaꞌa yo.

HEBREOS 11:27

Xaꞌa ya xi̱ndaa ni ini ra Moisés xi̱ni ra Ndioxi, yakan kua köo ndi̱ndiꞌvi ra tá kivi ke̱ta ra ñuu Egipto. Vani ndi̱saá ni ra rey ikán xiꞌin ra, ta köo ndi̱ndiꞌvi ra nuu ra. Ta ndi̱xaꞌa ndee ndiꞌi ini ra, saa chi nda tá káa ra xi̱ni xiꞌin nuu Ndioxi, ra küvi kuni yo, saa ndi̱xiyo ra.

HEBREOS 11:39

Vani ndo̱ꞌo ni na ndaꞌvi ikán ta vaꞌa ni va káꞌan Ndioxi xaꞌa na, saa chi xi̱ndaa ni ini na xi̱ni na ra, sundi köo ndi̱kiꞌin na ya ki̱ndoo Ndioxi xiꞌin na taxi ra ndaꞌa na.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.