San Juan 20:27 - Xochapa Mixteco

²⁷ Saa ndi̱kaꞌan ra xiꞌin ra Tomás, káchi ra saa: ―Tuvi nuu ndaꞌa un yóꞌó, ta koto un ndaꞌa i saa taxi un ndaꞌa un tuvi un ya nuu ndi̱kiꞌvi nuu itun íyo kàà nuu, ta köo ka un iin ra köo xíin kandixa, ra kándixa ná nduu un vitin ―káchi Jesús xiꞌin ra.

San Juan 20:27 Mawu Ofanana

San Mateo 17:17

Saa ndi̱kuiin Jesús ndi̱kaꞌan ra: ―¡Ndachu tuun ni ini ndo, köo xíin ndo kandixa ndo Ndioxi! ¿Án ndiꞌi saa vi kivi koo i xiꞌin ndo, kaꞌán ndo? ¡Ni kündee ka ini i xiꞌin ndo! ¡Vaꞌa! ¡Taxi ndo ra loꞌo ñaa ná kixi ra nuu i! ―káchi ra xiꞌin nda.

San Marcos 9:19

Saa ndi̱kuiin ra, káꞌan ra xiꞌin nda: ―¿Ndachu tuun ni nima ndo köo kándixa ndo? ¿Án nda iin ya köo kúchiñu ndo ikán mií ndo? ¿Án ndiꞌi saa ichí koo i xiꞌin ndo káꞌan ndo? Taxi ndo ra loꞌo ñaa ná kixi ra chichoꞌo ―káchi ra xiꞌin nda.

San Lucas 24:39

Naꞌa ndo koto ndo ndaꞌa i tin xaꞌa i, ta saa kundaa ini ndo yeꞌe ku i. Tiin ndaa ndo yeꞌe saa kuni ndo, chi nima ta köo kuñu ya ni leke ya köo, ta yeꞌe ra íyo kuñu i tin leke i ―káchi ra xiꞌin na.

San Lucas 24:40

Tá ndi̱kaꞌan ra saa, ta ndikun si̱naꞌa ra ndaꞌa ra tin xaꞌa ra, nuu ndi̱xani clavo.

San Lucas 9:41

Ta saa ndi̱kuiin Jesús káꞌan ra, káchi ra saa: ―¿Ndá ivi ku ndóꞌo̱? Tuun ni nima ndo chi köo ndáa ini ndo Ndioxi. ¡Kündee ka ini i xiꞌin ndo! ―káchi ra. Ta saa ndi̱kaꞌan ra xiꞌin ra ikán: ―Naꞌa choꞌo xiꞌin seꞌe un ―káchi ra.

San Juan 20:20

Tá sindiꞌi ra ndi̱kaꞌan ra saa, ta si̱naꞌa ra ndaꞌa ra tin ñaꞌñu xiín ra nuu íyo yavi ya ti̱kueꞌe ra. Saa ku̱sini ni nda xi̱taꞌan xiꞌin ra xaꞌa ya xi̱ni ñaꞌa nda.

San Juan 20:25

Saa ndi̱kaꞌan nda taꞌan ra xiꞌin ra, káchi nda saa: ―Xi̱ni nde Tata yo Jesús ―káchi nda xiꞌin ra. Saa ndi̱kuiin ra káꞌan ra: ―Köo kándixa i ndóꞌo̱, nda ná kuni nuu i ndaꞌa ra nuu ka̱ni na clavo, ta tuvi ndaꞌa i nuu ndi̱xani ya. Ta saa chikaa ndaꞌa i nuu yavi nuu ndi̱kiꞌvi kàà xiín íyo nuu itun, nda saa kandixa i ―káchi ra Tomás xiꞌin nda.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

ROMANOS 5:20

Tá ta̱xi Ndioxi ley ra ndaꞌa na, saa kua ku̱ndaa ini na ya ndee ni íyo kuachi na nuu ra. Tá ndee ni nda̱a kuachi na ta saa ndee ni ka ndaa tu ya vaꞌa i̱kan Ndioxi xiꞌin va na, xaꞌa ya kúꞌvi ni ini ra xíni ra na.