San Juan 20:26 - Xochapa Mixteco

²⁶ Saa ndi̱yaꞌa una kivi ta ndi̱kitaꞌan ndiꞌi tuku nda ndóo nda ini veꞌe ikán. Ta íyo ra Tomás xiꞌin nda. Ta ndási tuun tuku yeꞌe ndóo nda, saa ndi̱xaa Jesús ndi̱kundichi sava tuku ra maꞌñu nda, saa chi̱ndee ra nda, káchi ra saa: ―¡Ná koo vaꞌa ni ini ndo! ―káchi ra xiꞌin nda.

San Juan 20:26 Mawu Ofanana

San Mateo 17:1

Ndi̱yaꞌa iñu kivi saa ndi̱kundaka Jesús ra Pedro xiꞌin ra Jacobo tin ra Juan ñani ra, ndi̱kundaka ra nda kuaꞌan nda xiꞌin ra iin iku sukun ni, ta ikán ndóo uni mií nda xiꞌin ra.

San Marcos 16:14

Tá sindiꞌi ta ndi̱tuvi ra nuu uxi iin saa nda, tá ndóo nda xíxi nda nuu mesa. Ta saa ndi̱ndaꞌi ra xiꞌin nda xaꞌa ya tuun nima nda, ya köo ndi̱xiin nda kandixa nda ya ndi̱kaꞌan na taꞌan nda xiꞌin nda ya ndi̱taku ra.

San Lucas 24:36

Saa káꞌan ka nda xiꞌin na ya ndo̱ꞌo nda, ta iin ku̱u soꞌva ndi̱tuvi Jesús ndi̱kundichi sava ra maꞌñu na, káchi ra saa: ―Ná koo vaꞌa ni ini ndo ―káchi ra xiꞌin na.

San Lucas 9:28

Tá ndi̱kaꞌan ra tuꞌun ikán xiꞌin na, saa ndi̱yaꞌa una kivi ta ke̱e ra kuaꞌan ra iin iku kaꞌan ra xiꞌin Ndioxi. Saa ndi̱kiꞌin ra, ra Pedro tin ra Jacobo xiꞌin inka ra Juan, kuaꞌan nda xiꞌin ra kaꞌan ra xiꞌin Ndioxi.

San Juan 11:16

Saa ndi̱kaꞌan ra náni Tomás, ta káꞌan tu na xiꞌin ra náni ra Dídimo va, ndi̱kaꞌan ra xiꞌin nda ítaꞌan xiꞌin ra, káchi ra saa: ―Ná koꞌo yo kuvi tu yoo va xiꞌin ra ―káchi ra.

San Juan 14:27

’Táxi i tuꞌun vaꞌa ndaꞌa ndo ya koo vaꞌa ni ini ndo, ta köo táxi i ya tá kuꞌva táxi na ñuu ivi yoꞌo ya, síndoo i tuꞌun vaꞌa yóꞌó ya koo ya xiꞌin ndo. Ta ya táxi i koo vaꞌa ini ndo, ta süvi taꞌan ya táxi na ñuu ivi yóꞌó kua. Ta ku ïꞌvi ndo, ni kündiꞌi ini ndo.

San Juan 20:19

Ta ñǔu suvi mi kivi ikán, kivi domingo kivi nuu xaꞌa semana, ndi̱kitaꞌan ndiꞌi nda xi̱taꞌan xiꞌin ra ndóo nda ini veꞌe. Ta ndási tuun yeꞌe ndóo nda, xaꞌa ya íꞌvi nda nuu na chiñu. Saa iin ku̱u soꞌva ndi̱tuvi Jesús ndíchi ra maꞌñu nuu ndóo nda, saa chi̱ndee ra nda, káchi ra saa: ―Ná koo vaꞌa ni ini ndo ―káchi ra xiꞌin nda.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

San Juan 21:1

Sindiꞌi ikán ta ndi̱tuvi tuku Jesús nuu nda xi̱taꞌan xiꞌin ra, ndi̱tuvi ra nuu nda yuꞌu nduta ñûꞌu náni Tiberias. Ta soꞌva ku̱u tá ndi̱tuvi ra nuu nda.

San Juan 21:14

Ya yóꞌó ku ichí uni, nuu ndi̱tuvi ra nuu nda xi̱taꞌan xiꞌin ra tá sindiꞌi ndi̱taku ra.

Los Hechos 1:3

Saa ndi̱tuvi táku ra nuu nda ikán, si̱naꞌa ra mií ra nuu nda ya ndixa kua táku ra. Ta tixin uvi xiko kivi ndi̱tuvi ra nuu nda, ndíkani ra nuu nda xaꞌa ichí ya xáꞌnda chiñu Ndioxi.