San Juan 20:19 - Xochapa Mixteco

¹⁹ Ta ñǔu suvi mi kivi ikán, kivi domingo kivi nuu xaꞌa semana, ndi̱kitaꞌan ndiꞌi nda xi̱taꞌan xiꞌin ra ndóo nda ini veꞌe. Ta ndási tuun yeꞌe ndóo nda, xaꞌa ya íꞌvi nda nuu na chiñu. Saa iin ku̱u soꞌva ndi̱tuvi Jesús ndíchi ra maꞌñu nuu ndóo nda, saa chi̱ndee ra nda, káchi ra saa: ―Ná koo vaꞌa ni ini ndo ―káchi ra xiꞌin nda.

San Juan 20:19 Mawu Ofanana

San Mateo 10:13

Tá ndi̱kuiso vaꞌa na veꞌe ikán ndóꞌo̱ ta kaꞌan ndo xiꞌin Ndioxi xaꞌa na ná niꞌi na ya vaꞌa nuu ra, tá tu köo ndi̱xiin na ndikuiso na ndóꞌo̱, ta ya vaꞌa niꞌi na nuu Ndioxi, ta nïꞌi ka na ya.

San Mateo 18:20

Saa chi nuu ndíkitaꞌan uvi ndo, án uni ndo tixin kivi yeꞌe, ta ikán íyo i xiꞌin ndo ―káchi Jesús.

San Marcos 16:14

Tá sindiꞌi ta ndi̱tuvi ra nuu uxi iin saa nda, tá ndóo nda xíxi nda nuu mesa. Ta saa ndi̱ndaꞌi ra xiꞌin nda xaꞌa ya tuun nima nda, ya köo ndi̱xiin nda kandixa nda ya ndi̱kaꞌan na taꞌan nda xiꞌin nda ya ndi̱taku ra.

San Juan 14:27

’Táxi i tuꞌun vaꞌa ndaꞌa ndo ya koo vaꞌa ni ini ndo, ta köo táxi i ya tá kuꞌva táxi na ñuu ivi yoꞌo ya, síndoo i tuꞌun vaꞌa yóꞌó ya koo ya xiꞌin ndo. Ta ya táxi i koo vaꞌa ini ndo, ta süvi taꞌan ya táxi na ñuu ivi yóꞌó kua. Ta ku ïꞌvi ndo, ni kündiꞌi ini ndo.

San Juan 16:22

Ta saa ndóꞌo̱, vitin ta kúsuchi ni ini ndo, sundi ndiko koo tuku i koto i ndóꞌo̱, ta saa kusini ni ndo ndiꞌi saa ichí, ta nda iin naꞌa küchiñu kindaa ya kúsini ndo.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

San Juan 20:26

Saa ndi̱yaꞌa una kivi ta ndi̱kitaꞌan ndiꞌi tuku nda ndóo nda ini veꞌe ikán. Ta íyo ra Tomás xiꞌin nda. Ta ndási tuun tuku yeꞌe ndóo nda, saa ndi̱xaa Jesús ndi̱kundichi sava tuku ra maꞌñu nda, saa chi̱ndee ra nda, káchi ra saa: ―¡Ná koo vaꞌa ni ini ndo! ―káchi ra xiꞌin nda.

San Juan 21:1

Sindiꞌi ikán ta ndi̱tuvi tuku Jesús nuu nda xi̱taꞌan xiꞌin ra, ndi̱tuvi ra nuu nda yuꞌu nduta ñûꞌu náni Tiberias. Ta soꞌva ku̱u tá ndi̱tuvi ra nuu nda.

San Juan 21:14

Ya yóꞌó ku ichí uni, nuu ndi̱tuvi ra nuu nda xi̱taꞌan xiꞌin ra tá sindiꞌi ndi̱taku ra.

San Juan 7:13

Ta nda iin na köo káꞌan túvi xaꞌa ra nuu inka naꞌa, chi íꞌvi na nuu na chiñu naꞌnu nuu na judío.

Los Hechos 1:3

Saa ndi̱tuvi táku ra nuu nda ikán, si̱naꞌa ra mií ra nuu nda ya ndixa kua táku ra. Ta tixin uvi xiko kivi ndi̱tuvi ra nuu nda, ndíkani ra nuu nda xaꞌa ichí ya xáꞌnda chiñu Ndioxi.

ROMANOS 15:33

Ta Iva yo Ndioxi ra táxi ya koo vaꞌa ni ini yo, ná koo ra xiꞌin ndo ndiꞌi saa kivi. Saa ná koo.

1 Corintios 15:5

Ta xiꞌna nuu ra Pedro ndi̱tuvi ra, saa ndi̱tuvi ra nuu uxi uvi saa nda xi̱taꞌan xiꞌin ra.

Efesios 2:14

Saa ta̱xi ra ya koo vaꞌa ni ini yo xiꞌin taꞌan yo, ta si̱kitaꞌan ra ndeꞌe judío xiꞌin ndiꞌi ndóꞌo̱ köo kúu judío, iin ñuu nda̱sa ra uvi saa yo. Chi yachi ta ku̱ndasi ni nuu ndiꞌi yo xi̱ni taꞌan yo, ndee ni ndi̱taꞌvi taꞌan yo, nda tá káa iin nama chee ni saa ndi̱xiyo ya taꞌvi mií yo. Ta nda tuꞌva ki̱xi Cristo ndi̱xiꞌi ra xaꞌa yo, ta nda saa kua si̱kitaꞌan ra yoo nuu ñaꞌa ya ta̱ꞌvi taꞌan xiꞌin yo, xiꞌin ya ndee ni ku̱ndasi nuu yo xi̱ni taꞌan yo.

Efesios 6:23

Ñani yo, mií Ndioxi ná taxi ni ya koo vaꞌa ini ndo, ta ná kundaa ni ini ndo kuni ndo ra xiꞌin ya kúꞌvi ni ini ra xíni ra ndóꞌo̱, ta saa ná koo Tata yo Jesucristo xiꞌin ndo ndiꞌi saa ichí.

Filipenses 1:2

Ta mií Iva yo Ndioxi xiꞌin Tata yo Jesucristo ná chikaa ni ya vaꞌa ndóꞌo̱ saa ná taxi ra koo vaꞌa ni ini ndo.

2 Tesalonicenses 3:16

Ta mií Iva yo ra táxi koo vaꞌa ni ini yo, ná taxi ra koo vaꞌa ni ini ndo ndiꞌi saa ichí xaꞌa ndiꞌi ya íkan ndo. Ta saa ná koo ra xiꞌin ndiꞌi ndo.

HEBREOS 7:2

Saa ta̱va ra Abraham iin iin ñaꞌa tañu ya uxi ki̱ndaa ra ndaꞌa nda rey ikán, ta ta̱xi ra ya ndaꞌa ra Melquisedec. Ta kivi ra Melquisedec kúni kachi ya: “rey ra ndaa ni ini”, ta kivi rey ra ke̱e ñuu Salem kúni kachi ya: “rey ra táxi ndóo vaꞌa ni naꞌa”.

3 Juan 1:14

saa chi ndátun i kama ni xaa i ñaa kuni i yóꞌo̱, ta saa kaꞌan yuꞌu yo xiꞌin taꞌan yo.

El Apocalipsis 1:4

Yeꞌe Juan táa i tutu yóꞌó kuaꞌan ya nuu uxa veꞌe ñuꞌu ya ñúꞌu estado Asia. Ndikiꞌin ni ndo tuꞌun mani, saa ná koo vaꞌa ni ini ndiꞌi ndóꞌo̱ na ndíkitaꞌan káñuꞌu Ndioxi. Ndioxi ra xa táku nda kivi núnu̱ú, ta táku ra kivi vitin, saa kutaku ra ndiꞌi saa kivi ya vaxi. Ta mií ra xiꞌin uxa nuu Tachi ra ya íyo xiꞌin ra nuu xáꞌnda chiñu ra ná chikaa ni ya vaꞌa ndóꞌo̱, ta ná taxi ra ya koo vaꞌa ni ini ndo.