San Juan 20:18 - Xochapa Mixteco

¹⁸ Saa ke̱e yá María Magdalena, kuaꞌan yá ndituꞌun yá xiꞌin nda xi̱taꞌan xiꞌin Jesús, ya xi̱ni yá ra, ta ndi̱tuꞌun ndiꞌi yá xiꞌin nda xaꞌa ya ndi̱kaꞌan ra xiꞌin yá.

San Juan 20:18 Mawu Ofanana

San Mateo 27:56

Tañu ná ikán ndíkaa yá María Magdalena xiꞌin yá María, siꞌí ra Jacobo xiꞌin ra José, xiꞌin inka siꞌí uvi saa nda seꞌe ra Zebedeo.

San Mateo 28:10

Ñaa ndi̱kaꞌan ra xiꞌin ná, káchi ra saa: ―Ku ïꞌvi ndo, kuáꞌan ndo kaꞌan ndo xiꞌin nda xi̱taꞌan xiꞌin i ná kuꞌun nda estado Galilea, ta ikán kuni nda yeꞌe ―káchi ra xiꞌin ná.

San Lucas 24:10

Ná síꞌi ná xi̱ni ya ku̱u ikán ku ná ndi̱tuꞌun xiꞌin nda ítaꞌan xiꞌin Jesús ta ná ikan ku ná náni: María yá ñuu Magdala, inka yá náni Juana, inka yá náni María, siꞌí ra Jacobo, xiꞌin inka ka ná síꞌi.

San Juan 19:25

Ta yati xaꞌa cruzin nuu ínuu Jesús ndíchi siꞌí ra xiꞌin kuꞌvi yá, xiꞌin yá María síꞌi ra Cleofas xiꞌin yá María Magdalena.

San Juan 20:1

Ta xitaan ni kivi domingo, naá ka ke̱e yá María Magdalena kuaꞌan yá nuu ndi̱nduxin Jesús, ta xi̱ni yá xa ku̱taꞌa yu̱ú ya chee ni ndási yuꞌu kava ikán.