San Juan 20:17 - Xochapa Mixteco

¹⁷ Saa ndi̱kaꞌan Jesús xiꞌin yá, káchi ra saa: ―Tïin un yeꞌe saa chi täꞌan ndiko koo i kuꞌun i nuu Iva i. Sundi vaꞌa kuꞌun un ndituꞌun un xiꞌin nda xi̱taꞌan xiꞌin i, ya ndiko koo i kuꞌun i nuu Iva i xiꞌin Iva ndóꞌo̱, Ndioxi mií i ku ra ta saa kúu tu ra Ndioxi ndóꞌo̱ va ―káchi Jesús xiꞌin yá.

San Juan 20:17 Mawu Ofanana

San Mateo 12:50

Saa chi ndiꞌi na íkan ya kúni Iva i Ndioxi, ra íyo nuu ndivi, ta na ikán ku ñani i xiꞌin kuꞌva i tin siꞌí i ―káchi Jesús.

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

San Mateo 28:7

Ta kuáꞌan ndo, kama ni kuꞌun ndo kaꞌan ndo xiꞌin nda xi̱taꞌan xiꞌin ra, kachi ndo saa: “Xa ndi̱taku ra tañu na ndíi, ta xiꞌna ka ra kunuu nuu ndo kuꞌun ra chí estado Galilea, ikán kuni ndo ra”. Ya yóꞌó ku ya vaxi i kaꞌan i xiꞌin ndo ―káchi tatun Ndioxi xiꞌin ná.

San Marcos 12:26

Ta saa tu ya káꞌan ndo ya ndïtaku na ndíi va, ¿án täꞌan kundaa ini ndo xiꞌin ya ta̱a ra Moisés xinaꞌa tá ndi̱kaꞌan Ndioxi xiꞌin ra nuu xíxi itun iñu? káchi ra saa: “Yeꞌe ku Ndioxi ra káñuꞌu ra Abraham xiꞌin ra Isaac tin ra Jacob” káchi Ndioxi.

San Marcos 16:19

Tá sindiꞌi Tata yo Jesús ndi̱kaꞌan ra xiꞌin nda, saa ndi̱ko koo ra kuaꞌan ra nuu ndivi i̱kan Ndioxi, ta ndi̱kunduꞌu ra ñaꞌñu kuáꞌá Ndioxi.

San Lucas 10:4

Ta küniꞌi ndo leka ndo kuꞌun xiꞌin ndo, ni xuꞌun küꞌun xiꞌin ndo, ni nduxan küꞌun xiꞌin ndo. Ta ni kündita ndo ichí ya kaꞌan ndioxi ndo xiꞌin nda iin naꞌa.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 13:3

Xa xíni Jesús ya ta̱xi ndiꞌi Iva ra ñaꞌa ndaꞌa ra, ta xíni ra ke̱e ra nuu Ndioxi, ta saa ndiko koo ra kuꞌun ra.

San Juan 14:2

Veꞌe Iva i, ta íyo kuaꞌa ni nuu koo ndo. Tá tu süvi ya ndaa kua ta käꞌan i saa xiꞌin ndo, ndikuu. Ta vitin kuꞌun i xaa vií i nuu koo ndo.

San Juan 14:28

Xa xi̱ni soꞌo ndo ya ndi̱kaꞌan i xiꞌin ndo: Kuꞌun i, ta sindiꞌi saa ndiko koo tuku i koo i xiꞌin ndo. Tá tu kúꞌvi ni ini ndo xíni ndo yeꞌe, ta kusini ni ndo chi ndi̱kaꞌan i xiꞌin ndo kuꞌun i nuu Iva i, chi Iva i ta chee ni ka ra ikán nuu yeꞌe.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 16:28

Nuu Iva i ke̱e i vaxi i ñuu ivi yóꞌó, ta vitin sindoo i ñuu ivi yóꞌó ta ndiko koo tuku i kuꞌun i nuu ra ―káchi Jesús xiꞌin nda.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 17:25

Tata Iva yo, ra vaꞌa, ra ndaa ni kuu mií un. Na ndíkun ñuu ivi yóꞌó ta köo xíni na yóꞌo̱, sundi yeꞌe ta xíni i yóꞌo̱, ta na ndíkun yeꞌe xa xíni na yóꞌo̱ ku ra ti̱ꞌvi yeꞌe vaxi i.

San Juan 17:5

Tata Iva i Ndioxi, vitin xaa kaꞌnu un yeꞌe, taxi un koo i xiín un nuu luvi ni ndi̱xiyo i xiꞌin un yachi tá täꞌan xikoo ñuu ivi yóꞌó.

San Juan 20:27

Saa ndi̱kaꞌan ra xiꞌin ra Tomás, káchi ra saa: ―Tuvi nuu ndaꞌa un yóꞌó, ta koto un ndaꞌa i saa taxi un ndaꞌa un tuvi un ya nuu ndi̱kiꞌvi nuu itun íyo kàà nuu, ta köo ka un iin ra köo xíin kandixa, ra kándixa ná nduu un vitin ―káchi Jesús xiꞌin ra.

San Juan 7:33

Saa ndi̱kaꞌan Jesús xiꞌin na, káchi ra saa: ―Siloꞌo ni va tiempo íyo i xiꞌin ndo, ta saa ndiko koo i kuꞌun i nuu ra ti̱ꞌvi yeꞌe vaxi i.

ROMANOS 8:29

Ta tá täꞌan ka kuaꞌa ñuu ivi yóꞌó, ta xa xíni mií ra unku na ndi̱kaxin ra ya kundikun na ra. Xa saa chi̱tuni mií ra ya nduu na seꞌe ra tá kuꞌva káa Jesucristo Seꞌe ra. I̱kan ra saa ya ná nduu Jesucristo, ra núnu̱ú nuu ndiꞌi ñani ra xiꞌin kuꞌva ra.

2 Corintios 6:18

Ta yeꞌe, nduu i Iva ndo, ta ndóꞌo̱, nduu ndo seꞌe taa i tin seꞌe síꞌi i, káchi Iva yo Ndioxi, ra ndee ni ndee kúu mií.

Gálatas 3:26

Chi xaꞌa ya kándixa yo Jesucristo kua ndúu ndiꞌi yo seꞌe Ndioxi vitin.

HEBREOS 11:16

Sundi na ikán ta kúni na koo na inka ñuu ya vaꞌa ni káa, ta ñuu ikán ku ndivi ni̱nù. Xaꞌa ya ikán kua köo ndi̱kukaꞌán nuu Ndioxi xiꞌin na xaꞌa ya káꞌan na kúu ra Ndioxi na, saa chi xa nda̱sa vaꞌa ra iin ñuu nuu koo na xiꞌin ra.

HEBREOS 8:10

Ta ya yóꞌó ku trato ya kindoo i ikan i xiꞌin na Israel kivi vaxi: Ta soꞌva koo ya ikan i xiꞌin na kivi ikán: Chikaa i ley i koo ya xi̱ní na, saa taa i ya nima na. Ta iindaa mituꞌun yeꞌe kuu Ndioxi ra kañuꞌu na, saa tu mií va na kundikun na yeꞌe.

1 Pedro 1:3

Ta ná xaa kaꞌnu yo Iva yo Ndioxi ra kúu Iva Tata yo Jesucristo, saa chi kúndaꞌvi ni ini ra xíni ra yoo, ta yakan ta̱xi ra ndi̱kaku uvi tuku yo xaꞌa ya ndi̱taku Tata yo Jesucristo tañu na ndíi, saa kua ta̱xi ra ya kúndaa teꞌe ini yo

1 Juan 3:2

Ñani mani, vitin ta xa seꞌe Ndioxi kúu yoo, ta köo xíni yo ndá kuꞌva nduu yo kivi ná ndiko koo tuku Tata yo Jesucristo ñuu ivi yóꞌó. Sundi yoo ta kúndaa ini yo, kivi ná ndiko koo ra ta nduu yo tá kuꞌva káa mií ra, saa chi kivi ikán ta kuni xiꞌin nuu yo ra tá kuꞌva káa ra.

El Apocalipsis 21:3

Saa xi̱ni soꞌo i tuꞌun ya ke̱e nuu íin tai toꞌo itun i̱í, ta ndee ka vi ndi̱kaꞌan tachi na, káchi ya saa: ―Na ñuu yóꞌó ku na ku ñuu Ndioxi, saa koo ra xiꞌin na, ta na ñuu ra kuu na. Saa koo ra xiꞌin na, nda iin kivi sindikoo ra na.

El Apocalipsis 21:7

Ta ndiꞌi naꞌa na kúchiñu nuu ya väꞌa, na köo síndikoo yeꞌe, na yóꞌó ku na ndikuiso ndiꞌi ya vaꞌa taxi i ndaꞌa na. Ta ndiꞌi saa kivi ya vaxi koo i Ndioxi na, ta na ikán nduu na seꞌe mií i.