San Juan 2:13 - Xochapa Mixteco

¹³ Tá xa tindaa kivi kana viko pascua ya táva na judío ta ke̱e Jesús kuaꞌan ra viko ñuu Jerusalén.

San Juan 2:13 Mawu Ofanana

San Mateo 21:12

Tá ndi̱xaa Jesús keꞌe yeꞌe veꞌe ñuꞌu kaꞌnu, saa xa̱á ra táva ndiꞌi ra na ndóo xíko xiꞌin na sáta, ya ná kana koo na kuꞌun na. Saa si̱nduva ra mesa na ndóo náma xuꞌun, xiꞌin tai na ndóo xíko sa̱ta̱.

San Marcos 11:15

Sindiꞌi tá ndi̱xaa nda ñuu Jerusalén, ta saa ndi̱xaa Jesús yeꞌe ñuꞌu. Ñaa xi̱ni ra ñúꞌu naꞌa xíko tin na sáta, saa xa̱á ra táva ndiꞌi ra na. Ta kíꞌin ra mesa na náma xuꞌun káta ndee ra, saa íkan tu ra xiꞌin na xíko kiti sata va.

San Lucas 19:45

Saa tá ndi̱ꞌi ikán ta ndi̱xaa ra ñuu Jerusalén, ndi̱keta ra ini veꞌe ñuꞌu kaꞌnu. Ñaa xa̱á ra táva ndiꞌi ra na ñúꞌu xíko tin na ñúꞌu sáta ini veꞌe ñuꞌu ikán.

San Lucas 2:41

Saa kúu ndiꞌi kuiya xáꞌan ra José xiꞌin yá María viko pascua ñuu Jerusalén, saa chi saa ini ndiꞌi na ñuu na.

San Juan 11:55

Ta kúmani siloꞌo saa tindaa viko pascua ya xákin na judío. Ta kuaꞌa ni na íyo ñuu vali ke̱e na kuaꞌan na ñuu Jerusalén, yachi ka kuaꞌan na xaa súvi na xiꞌin mií na ta saa kuu mií na ichí kuyati na nuu Ndioxi xaa toꞌo na ra.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 2:23

Tá ndi̱xiyo Jesús ñuu Jerusalén kivi kána viko pascua, ta kuaꞌa ni yatuꞌun i̱kan ra, saa kuaꞌa ni naꞌa ka̱ndixa kivi ra xaꞌa ya xi̱ni na ñaꞌa íkan ra.

San Juan 5:1

Tá sindiꞌi ndiyaꞌa ta ke̱e Jesús estado Galilea, ta ndi̱kiꞌin ra kuaꞌan ra ñuu Jerusalén, chi ikán koo iin viko kaꞌnu ya ndítava na judío.

San Juan 6:4

Ta xa kuaꞌan kúyati tindaa viko pascua ya ndítava na judío.