San Juan 19:38 - Xochapa Mixteco

³⁸ Ta sindiꞌi tá ku̱u ndiꞌi ya yóꞌó, saa ndi̱xaꞌan ra José ra ke̱e ñuu Arimatea, nuu ra Pilato ndu̱ku ra ichí nuu ra, ya taxi ra ikin kuñu Jesús ndaꞌa ra ya sinduxin ñaꞌa ra. Ta saa ta̱xi ra Pilato ichí ndaꞌa ra ya kuꞌun ikin kuñu Jesús xiꞌin ra si̱nduxin ra. Ta ra ikán xi̱ndikun sěꞌe ñaꞌa ra, xaꞌa ya íꞌvi ra nuu na chiñu nuu na judío.

San Juan 19:38 Mawu Ofanana

San Juan 12:42

Vani köo ndi̱xiin sava na kandixa na ra, sundi kuaꞌa ni na chiñu kúu mií chiñu ndee ka̱ndixa ñaꞌa, ta köo ndi̱tuꞌun na xiꞌin naꞌa, xaꞌa ya íꞌvi na nuu nda fariseo, chi koto ka tava ndaꞌa ñaꞌa nda veꞌe ñuꞌu sinagoga.

San Juan 7:13

Ta nda iin na köo káꞌan túvi xaꞌa ra nuu inka naꞌa, chi íꞌvi na nuu na chiñu naꞌnu nuu na judío.

San Juan 9:22

Ndi̱kaꞌan iva siꞌí ra saa xaꞌa ya íꞌvi na nuu nda naꞌnu nuu na judío, chi xa chi̱taꞌan tuꞌun nda tá ndá naꞌa káꞌan xaꞌa Jesús ya kúu ra Cristo, ta tava ndaꞌa ñaꞌa nda ini veꞌe ñuꞌu sinagoga, káchi nda.

Los Hechos 13:29

Saa tá ndi̱xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xaꞌa ra kundoꞌo ra, saa xa̱ꞌni na ra. Ñaa si̱nuu na ikin kuñu ra nuu itun cruzin ya kuꞌun ra nduxin ra.

Filipenses 1:14

Ta xaꞌa ya ndóꞌo i saa ndíkaa i veꞌe kàà yóꞌó kua chíndee taꞌan ya xiꞌin kuaꞌa ni na ñani yo ndúndee ka ini na, köo íꞌvi na kaꞌan ndoso na tuꞌun vaꞌa xaꞌa Tata yo Jesucristo.