San Juan 19:35 - Xochapa Mixteco

³⁵ Ta ra ndítuꞌun ya yóꞌó ku iin ra xi̱ni xiꞌin nuu ya, ta ndíkuiin ra xaꞌa ya káꞌan ra ya kúu ya ndaa ni ya ná kandixa tu ndóꞌo̱ va ya káꞌan ra.

San Juan 19:35 Mawu Ofanana

San Juan 11:15

Ta yeꞌe kúsini i xaꞌa ya köo i ndi̱xiyo ikán tá ndi̱xiꞌi ra. Chi ya ndo̱ꞌo ra ta ya vaꞌa xaꞌa ndóꞌo̱ kua, ya ná kandixa ndo yeꞌe. Ta vaꞌa ná koꞌo yo koto yo ra ―káchi Jesús xiꞌin nda.

San Juan 11:42

Xíni i ndiꞌi saa ichí xíni soꞌo un káꞌan i xiꞌin un. Sundi ndi̱kaꞌan i saa xiꞌin un xaꞌa ndiꞌi naꞌa chútu ni yóꞌó ya ná kuni soꞌo ndiꞌi na, ta saa kundaa ini na ya ti̱ꞌvi un yeꞌe vaxi i ―káchi Jesús.

San Juan 14:29

Káꞌan kuee i xiꞌin ndo vitin, tá ndi̱xinu ndiꞌi ya ndi̱kaꞌan i xiꞌin ndo ta saa kandixa ndo yeꞌe.

San Juan 15:27

Ta saa tu ndóꞌo̱ va, ndikuiin ndo xaꞌa i nuu naꞌa, chi ndóꞌo̱ ta nda núnu̱ú xa̱á ndo íyo ndo xiꞌin i ―káchi ra xiꞌin nda.

San Juan 19:26

Tá xi̱ni Jesús siꞌí ra ndíchi yá xiꞌin inka ra xi̱taꞌan xiꞌin ra, ra ku̱ꞌvi ni ini ra xi̱ni ñaꞌa ra, saa ndi̱kaꞌan ra xiꞌin siꞌí ra, káchi ra saa: ―Nana, ra yóꞌó nduu seꞌe un vitin ―káchi ra xiꞌin yá.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 21:24

Ta yeꞌe ku ra ikán, ra xi̱taꞌan xiꞌin Jesús, ta táa i ya yóꞌó ya ná kundaa ini ndo. Tá íyo ya xi̱ni i, saa íyo ya ndítuꞌun i xiꞌin ndo. Ta ya ndítuꞌun i xiꞌin ndo ta ya ndaa ni ku ya.

Los Hechos 10:39

Yeꞌe xiꞌin nda taꞌan i ku nde kúu testigo xaꞌa ndiꞌi ya vaꞌa i̱kan Jesús ñuu Jerusalén xiꞌin ndiꞌi ka ñuu ya ñúꞌu estado Judea. Xaꞌa ya vaꞌa i̱kan ra ta xa̱ꞌni ñaꞌa na, chi̱nuu na ra nuu itun cruzin, ta ikán ndi̱xiꞌi ra.

ROMANOS 15:4

Ndiꞌi tuꞌun Ndioxi ya ta̱a na xinaꞌa xaꞌa ya sinaꞌa ya yoo kua ta̱a na ya. Chi tuꞌun Ndioxi ta chíndee ya yóo, xáꞌa ya ndee xiꞌin yo tá ndóꞌni yo nuu tindoꞌo, saa chíndee ya yóo táxi ya ndee ndaꞌa yo ya kuekuee kundatun yo ya sixinu Ndioxi ya ndi̱kaꞌan ra taxi ra ndaꞌa yo.

1 Pedro 5:1

Ta xáku ndaꞌvi ni i nuu nda ñani yo, nda xikuaꞌa nda ñúꞌu xiꞌin ndo, nda ndóso nuu na ñani yo na veꞌe ñuꞌu, nda xikuaꞌa taꞌan yeꞌe. Chi yeꞌe ta ndíkuiin i xaꞌa Tata yo Jesucristo ya ndee ni ndi̱xuꞌvi ra xaꞌa yo. Ta kivi tá ná ndiko koo ra ta saa kuni yo ya yéꞌe̱ luvi ni xiꞌin ndee chee ni kúu mií ra, ya ndituvi kuni yo.

1 Juan 5:13

Táa i tutu yóꞌó xaa nuu ndiꞌi ndóꞌo̱ na kándixa Jesús ra kúu Seꞌe Ndioxi. Táa i ya xaa nuu ndo ya ná kundaa ini ndo ya koo ndo xiꞌin Ndioxi ndiꞌi saa tiempo ya vaxi, saa táa i ya nuu ndo ya ná kandixa ni ndo tixin kivi ra.

3 Juan 1:12

Ta ra Demetrio ta vaꞌa ni va ínuu tuꞌun ra nuu naꞌa, ínuu vaꞌa ni tuꞌun ra saa chi tá kuꞌva káꞌan tuꞌun Ndioxi, saa íyo ra. Ta saa tu ndeꞌe va, xíni nde ya ndixa kua káꞌan na xaꞌa ra, ta ni mií un xíni un ya ndaa kua káꞌan nde xaꞌa ra.