San Juan 19:27 - Xochapa Mixteco

²⁷ Sindiꞌi saa ndi̱kaꞌan ra xiꞌin ra xi̱taꞌan xiꞌin ra, káchi ra saa: ―Yá ñaa nduu siꞌí un vitin ―káchi ra xiꞌin ra. Nda kivi ikán ndi̱kiꞌin ra yá íyo yá veꞌe ra.

San Juan 19:27 Mawu Ofanana

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

San Marcos 3:34

Ñaa ndi̱koto ra nuu ndiꞌi na ndóo nuu ra, ta ndi̱kaꞌan ra, káchi ra saa: ―Na yóꞌó ku siꞌí i xiꞌin ñani i.

San Lucas 18:28

Saa ndi̱kuiin ra Pedro káchi ra saa: ―Tata, ndeꞌe ta xa iin si̱ndoo yaa nde ñaꞌa ya kúu mií nde, ta xa̱a nde ndíkun nde yóꞌo̱ ―káchi ra.

San Juan 1:11

Ki̱xi ra nuu na ñuu ra, ta na ñuu ra köo ndi̱xiin na ndikiꞌin ñaꞌa na.

San Juan 16:32

Ta kama ni tindaa hora, siloꞌo ni kúmani ta kuita niꞌnu ndiꞌi ndo kuꞌun ndo, ta sindoo ndaꞌa ndo yeꞌe. Sundi yeꞌe ta köo íyo mií i, chi Iva i ta íyo ra xiꞌin i.

Los Hechos 21:6

Ñaa nu̱mi taꞌan nde tin nda̱i taꞌan nde, saa nda̱a tuku nde sata barco kuaꞌan nde. Ta ndi̱ko koo na ikán kuanuꞌu na veꞌe na.