San Juan 19:20 - Xochapa Mixteco

²⁰ Ta uni nuu tuꞌun ku ya ndóso nuu vitun ikán, ta iin káꞌan uni saa ya, ta xiꞌna tuꞌun mií na judío kua ta̱a na, saa ta̱a na tuꞌun griego xiꞌin tuꞌun na Roma, ya latín. Ta kuaꞌa ni na judío ka̱ꞌvi tuꞌun ndóso nuu vitun ikán, saa chi yati nuu ñuu Jerusalén kua chi̱nuu na Jesús nuu cruzin.

San Juan 19:20 Mawu Ofanana

San Lucas 23:38

Ñaa ka̱ni na iin itun tabla loꞌo nuu cruzin chí xiní ra, ta uni nuu tuꞌun ndóso nuu nu, tuꞌun griego, tin tuꞌun latín, xiꞌin tuꞌun hebreo kua ndóso nuu nu, káchi ya saa: “Ra Rey na judío ku ra yóꞌó”, káchi ya.

San Juan 19:13

Saa tá xi̱ni soꞌo ra Pilato tuꞌun ikán ta xa̱ꞌnda ra chiñu ta̱va na Jesús. Saa ndi̱kunduꞌu ra nuu tai toꞌo itun íin keꞌe nuu si̱kuaꞌa na xiꞌin nina yu̱ú. Ta ñaꞌñu ikán náni ya Gabatá tuꞌun mií na judío.

San Juan 19:42

Ikán si̱nduxin na Jesús, saa chi ndee ni kúu xáa súvi na kivi i̱í viko pascua, ya ndíkundee na judío, ta xaꞌa ya yati íyo kava ikán yakan ndi̱xaꞌan nda si̱nduxin nda Jesús.

San Juan 5:2

Ta yati yeꞌe ya náni yeꞌe levo ñuu Jerusalén ikán íyo iin nuu chútu tikuii, ta náni ya Betesda tuꞌun hebreo, ta ikán ndi̱xiyo uꞌun yeꞌe nama yu̱ú, ndási xiní ya ta núna xaꞌa ya.

Los Hechos 21:37

Tá chíkaa na ra Pablo ini cuartel ikán, saa ndi̱kaꞌan ra xiꞌin ra ndíso chiñu nuu nda lapa ikán, káchi ra saa: ―¿Án taxi un ná ndituꞌun loꞌo i xiꞌin un? ―káchi ra xiꞌin ra. Saa ndi̱kuiin ra káꞌan ra: ―¿Án xíni un kaꞌan un tuꞌun griego?

Los Hechos 21:40

Saa ndi̱kuiin ra ikán káꞌan ra: ―Vaꞌa kaꞌan un xiꞌin va na ―káchi ra. Saa ndi̱kundichi ra Pablo nuu escalera ikán, xíka ndaꞌa ra nuu na ya ná kutaxin yuꞌu na. Saa ku̱taxin yuꞌu na. Tá ku̱taxin yuꞌu na, ñaa xa̱á ra káꞌan ra xiꞌin na. Tuꞌun mií ra ya hebreo, káchi ra saa:

Los Hechos 22:2

Saa tá xi̱ni soꞌo na ya káꞌan ra tuꞌun mií na ya hebreo xiꞌin na, ta iin ku̱taxin yuꞌu na, saa ndi̱kaꞌan ra xiꞌin na, káchi ra saa:

Los Hechos 26:14

Ñaa ndi̱koyo ndiꞌi nde kuaꞌan nde nuu ñuꞌú, saa xi̱ni soꞌo i tachi iin taa káꞌan ra xiꞌin i tuꞌun hebreo, káchi ra saa: “Saulo, Saulo, ¿ndachu kua ndíkun un xíka un sata i sítixuꞌvi un yeꞌe? Tá íkan sindiki ri kéta xaꞌa itun káni na ri, saa íkan un, chi sítixuꞌvi un mií va un”, káchi ra xiꞌin i.

HEBREOS 13:12

Ta saa ndo̱ꞌo tu Jesús va, ta̱va na ra nda nuu ñuu Jerusalén ta ikán xa̱ꞌni na ra xaꞌa yo, ta xiꞌin nií mií ra ku rá nda̱sa i̱í ra yoo, nda̱sa vaꞌa ra yo, si̱ndiꞌi xaꞌa ra kuachi yo nuu Ndioxi.

El Apocalipsis 16:16

Ta uni saa tachi nduvaꞌa ikán si̱kitaꞌan ya ndiꞌi nda rey ya kani taꞌan nda iin ñaꞌñu ya náni Armagedón, tuꞌun hebreo.

El Apocalipsis 9:11

Ta ya chee ni xáꞌnda chiñu nuu tika ikán ku iin tachi nduvaꞌa ya ndíso chiñu xiꞌin yavi nǎꞌa ya kunu ni ikán. Ta kivi tachi nduvaꞌa ikán kua náni Abadón tuꞌun hebreo, ta tuꞌun griego náni ya Apolión. Ta iin nuu káꞌan uvi saa tuꞌun, káchi ya saa: “Ya síndiꞌi xaꞌa ndiꞌi ñaꞌa”, káchi ya.