San Juan 19:17 - Xochapa Mixteco

¹⁷ Ta saa ke̱ta Jesús ndíso ra cruzin kuaꞌan ra xiꞌin na. Ta ndi̱xaa ra xiꞌin na ñaꞌñu nuu náni Leke Xiní Ndìì, ta tuꞌun hebreo náni ya Gólgota.

San Juan 19:17 Mawu Ofanana

San Mateo 10:38

Ndiꞌi na köo xíin kusoko cruzin mií na, ta xïin na xaa súvi na tuꞌun i, ta na yóꞌó, ta köo kúu mií na ichí kundikun na yeꞌe.

San Mateo 16:24

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Tá ndá naꞌa kúni kundikun yeꞌe, ta xíniñuꞌu na ndindoso ini na xaꞌa mií na, saa ndikundiso na cruzin na, ta ndikundikun na yeꞌe.

San Mateo 27:37

Saa chi̱nuu nda iin vitun loꞌo xiní cruzin nuu ínuu ra, ta nuu nu ikán ta̱a nda kuachi ra, káchi ya saa: “Jesús, ra rey na judío ku ra yóꞌó”, káchi ya ta̱a nda.

San Marcos 10:21

Saa ndi̱koto Jesús nuu ra ta ndi̱taꞌvi ni ini ra xi̱ni ñaꞌa ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siin ya ikan un. Kuáꞌan xiko ndiꞌi ñaꞌa ya kúu mií un, ta chindee un na ndaꞌvi. Saa kua kuchiñu ndukuika un xiꞌin Ndioxi nuu ndivi. Xaa súvi ya ñaa, ta saa kixi un kundikun un yeꞌe, vani tixuꞌvi un án nda kuvi un xaꞌa i ―káchi Jesús xiꞌin ra.

San Marcos 15:26

Saa ti̱kaa nda iin vitun loꞌo nuu ndóso letra ya káꞌan xaꞌa kuachi ra, káchi ya saa: “Ra yóꞌó ku rey na judío”, káchi ya.

San Marcos 15:32

Tá tu ndixa ra ti̱ꞌvi Ndioxi vaxi sikaku yoo ku ra, tá tu ra rey nuu yo Israel ku ra, ta ná nuu ra ndaꞌa cruzin, saa kandixa yo ra ―káchi nda. Saa kánaꞌa tu nda tíkaa ndaꞌa cruzin ñaꞌñu xiín va ra xíꞌin ra.

San Marcos 8:34

Sindiꞌi saa ka̱na Jesús nda ítaꞌan xiꞌin ra xiꞌin ka naꞌa ikán, saa ndi̱kaꞌan ra xiꞌin na, káchi ra saa: ―Tá ndá ndóꞌo̱ kúni kundikun yeꞌe ta ïkan ka ndo ndisaa ya kúni mií ndo, xaꞌa ndee ini ndo ndoꞌo ndo xaꞌa i ta kundikun ndo kixi ndo sata i.

San Lucas 14:27

Tá tu kúni ndo kundikun ndo yeꞌe ta vaꞌa kundiso ndo cruzin ndo ta saa kundikun ndo yeꞌe.

San Lucas 23:26

Saa ta ndi̱kundaka nda lapa ikán Jesús kuaꞌan ra xiꞌin nda chinuu nda ndaꞌa itun cruzin. Tá kuaꞌan nda ichí ta ndi̱kitaꞌan nda xiꞌin iin ra náni Simón, ra ke̱e ñuu Cirene ndi̱ko koo ra kuaꞌan ra ñuu Jerusalén ndi̱xaꞌan ra iku. Saa ti̱in nda ra chíndee taꞌan ra xiꞌin Jesús ndíso ra itun cruzin xiꞌin ra ndíkun ra kuaꞌan ra sata Jesús.

San Lucas 23:33

Ñaa tá ndi̱xaa nda iin iku náni Leke Xiní Ndìì, ta ikán chinuu nda Jesús nuu itun cruzin xiꞌin uvi saa nda kuaꞌan xiꞌin ra. Iin ra chi̱nuu nda ndaꞌa cruzin ñaꞌñu kuáꞌá ra ta inka ra chi̱nuu nda ñaꞌñu ítin ra.

San Lucas 23:38

Ñaa ka̱ni na iin itun tabla loꞌo nuu cruzin chí xiní ra, ta uni nuu tuꞌun ndóso nuu nu, tuꞌun griego, tin tuꞌun latín, xiꞌin tuꞌun hebreo kua ndóso nuu nu, káchi ya saa: “Ra Rey na judío ku ra yóꞌó”, káchi ya.

San Lucas 9:23

Ta saa ndi̱kaꞌan ra xiꞌin ndiꞌi na ndóo ikán káchi ra saa: ―Tá ndá ndóꞌo̱ kúni xaa súvi ya káꞌan Ndioxi, ta ïkan ka ndo ndisaa ya kúni mií ndo, saa kuchiñu ndo ikan ndo ya kúni Ndioxi. Ta naꞌa ndo kundikun ndo yeꞌe kundiso ndo cruzin ndo, koo ndúvi ndo ndiꞌi saa kivi ya ndoꞌo ndo xaꞌa i.

San Juan 19:13

Saa tá xi̱ni soꞌo ra Pilato tuꞌun ikán ta xa̱ꞌnda ra chiñu ta̱va na Jesús. Saa ndi̱kunduꞌu ra nuu tai toꞌo itun íin keꞌe nuu si̱kuaꞌa na xiꞌin nina yu̱ú. Ta ñaꞌñu ikán náni ya Gabatá tuꞌun mií na judío.

San Juan 5:2

Ta yati yeꞌe ya náni yeꞌe levo ñuu Jerusalén ikán íyo iin nuu chútu tikuii, ta náni ya Betesda tuꞌun hebreo, ta ikán ndi̱xiyo uꞌun yeꞌe nama yu̱ú, ndási xiní ya ta núna xaꞌa ya.

Los Hechos 7:58

Ti̱in na ra ta̱va na ra kuaꞌan ra xiꞌin na nda nuu ñuu. Ta ikán ta̱va na toto súkun na. Ñaa xa̱á na kóꞌni na yu̱ú sata ra xáꞌni ñaꞌa na. Ta íyo iin ra kuâán, ra náni Saulo, ra ikán ndi̱kuiso chiñu xiꞌin toto sukun na.