San Juan 18:37 - Xochapa Mixteco

³⁷ Saa ndi̱kuiin ra Pilato káchi ra saa: ―¿Án saa va, án rey ku ndixa un? ―káchi ra xiꞌin ra. Saa ndi̱kuiin Jesús káꞌan ra, káchi ra saa: ―Ya ndixa kua, saa ndixa íyo va ya. Xaꞌa ya ñaa kua ka̱ku i xa̱a i ñuu ivi yóꞌó ya ndikuiin i kaꞌan i nina ya ndaa. Ta ndiꞌi na ndíkun ya ndaa, na ñaa ku na kándixa ya káꞌan i ―káchi Jesús.

San Juan 18:37 Mawu Ofanana

San Mateo 26:64

Saa ndi̱kuiin Jesús káꞌan ra: ―Tá íyo ya ndi̱kaꞌan un saa íyo ya, ikán ku i. Ta káꞌan tuku i xiꞌin ndo, vaxi kivi ta kuni ndo yeꞌe, Taa ra xa̱a ñuu ivi yóꞌó koo i nuu tai toꞌo, itun íyo ñaꞌñu kuáꞌá Ndioxi, ta ndee ni ndee kúu mií ra. Saa kuni ndo yeꞌe ndiko koo i kixi i tañu viko nuu ndivi ―káchi Jesús xiꞌin nda.

San Mateo 27:11

Tá ndíchi Jesús nuu ra gobernador Pilato, saa ndi̱ndakan tuꞌun ra Jesús, káchi ra saa: ―¿Án ndixa ra rey nuu na judío ku un? ―káchi ra xiꞌin ra. Saa ndi̱kuiin Jesús káꞌan ra: ―Tá íyo ya káꞌan un, saa ndixa íyo va ya ―káchi Jesús xiꞌin ra.

San Marcos 14:62

Saa ndi̱kuiin Jesús káꞌan ra: ―Ikán kuu i. Ta kuni ndo yeꞌe, Taa ra xa̱a ñuu ivi yóꞌó, kuni ndo kunduꞌu i ñaꞌñu kuaꞌá Ndioxi ra kaꞌnu, saa kuni ndo yeꞌe ndiko koo i kixi i tañu viko nuu ndivi ni̱nù ―káchi ra xiꞌin nda.

San Marcos 15:2

Saa ndi̱ndakan tuꞌun ñaꞌa ra Pilato, káchi ra saa: ―¿Án ndixa yóꞌo̱ ku rey nuu na Israel? ―káchi ra. Saa ndi̱kuiin Jesús, káchi ra saa: ―Tá íyo ya ndi̱kaꞌan un, saa ndi̱xa íyo va ya ―káchi Jesús xiꞌin ra.

San Lucas 22:70

Saa ndi̱ndakan tuꞌun ndiꞌi nda ra, káchi nda saa: ―¿Án Seꞌe Ndioxi ku un? ―káchi nda xiꞌin ra. Saa ndi̱kuiin Jesús káꞌan ra: ―Ikán ku i káchi mií ndo ―káchi ra xiꞌin nda.

San Lucas 23:3

Saa ndi̱ndakan tuꞌun ñaꞌa ra Pilato, káchi ra saa: ―¿Án ya ndixa kua yóꞌo̱ ku Rey nuu na judío? ―káchi ra. Saa ndi̱kuiin Jesús, káꞌan ra: ―Ya ndaa tá íyo ya káꞌan un saa íyo ndixa va ya ―káchi ra.

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

San Juan 1:17

Ta ley Ndioxi ta ndaꞌa xii sikua yo ra Moisés ta̱xi Ndioxi ya xa̱ꞌnda chiñu ya nuu yo. Sundi ya ndaa xiꞌin ya kúꞌvi ni ini Ndioxi xíni ra yoo ta tixin Jesucristo kua xa̱a ya nuu yo.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 3:32

Ta ra ikán káꞌan ra xaꞌa ñaꞌa ya xi̱ni soꞌo ra tin ya xi̱ni ra, ta nda iin na köo xíin kandixa ya káꞌan ra.

San Juan 7:17

Tá ndá ndo chíkaa ini xaa súvi ya kúni Ndioxi, ta vaꞌa kundaa ini ndo xaꞌa ya sínaꞌa i, án ya vaxi nuu Ndioxi kua án ya xáa xiní mií i kua káꞌan i xiꞌin ndo.

San Juan 8:14

Saa ndi̱kuiin Jesús káꞌan ra: ―Ni káꞌan i xaꞌa mií i, ta ndáa yaꞌvi ya káꞌan i xaꞌa i, saa chi xíni i míí chí ki̱xi i, ta xíni i míí chí kuꞌun i, sundi ndóꞌo̱ ta köo xíni ndo míí chí ki̱xi i, ni köo xíni ndo míí chí kuꞌun i.

San Juan 8:45

Sundi yeꞌe ta xaꞌa ya káꞌan i ya ndaa xiꞌin ndo yakan köo kándixa ndo yeꞌe.

San Juan 8:46

¿Án ndá ndóꞌo̱ táxi kuachi i xaꞌa ndá ya väꞌa ikán i? Ya ndaa káꞌan i xiꞌin ndo, ta ¿ndachu köo xíin ndo kandixa ndo yeꞌe?

San Juan 8:47

Ndiꞌi na kúu kuenta Ndioxi ta xíni soꞌo na tuꞌun ra, ta ndóꞌo̱ ta süvi kuenta Ndioxi ku ndo, yakan köo xíin ndo kuni soꞌo ndo ya káꞌan i ―káchi Jesús xiꞌin na.

1 Timoteo 6:13

Ta nuu Ndioxi ra táxi táku ndiꞌi ñaꞌa ñuu ivi yóꞌó kua xáꞌnda chiñu i nuu un, xiꞌin nuu Tata yo Jesucristo kua xáꞌnda chiñu i nuu un, chi Jesucristo ku ra ndi̱kuiin xaꞌa ya ndaa tá kivi xi̱ndichi ra nuu ra Poncio Pilato,

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.

1 Juan 2:21

Táa i tutu yóꞌó xaa ya ndaꞌa ndo, chi xa xíni ndo ya ndaa ta süvi ndo täꞌan kundaa ini xiꞌin ya ndaa ku ndo. Chi ndóꞌo̱ ta xa kúndaa vaꞌa ini ndo xiꞌin ya ndaa, saa chi nuu íyo ya ndaa, ta köo ka ya vata íyo.

1 Juan 3:14

Saa chi yoo ta xaꞌa ya kúꞌvi ini yo xíni taꞌan yo yakan kúndaa ini yo tá íin yo xa ndíi ndi̱xiyo yo ta ndi̱taku yo. Chi na köo kúꞌvi ini xíni taꞌan tá íin na ndíi saa íin na nuu Ndioxi.

1 Juan 3:19

Ta xaꞌa ya kúꞌvi ini yo xíni taꞌan yo kua ndínaꞌa yo mií yo ya kúu yo kuenta ya ndaa, ta ndikundee ini yo xiꞌin ndee ya táxi Ndioxi ndaꞌa yo.

1 Juan 4:6

Ta yoo, ta kuenta Ndioxi ku yo, ta na ndíkun Ndioxi ku na xíni soꞌo ya káꞌan yo. Ta naꞌa na köo ndíkun Ndioxi ta köo xíin na kuni soꞌo na ya káꞌan yo. Tixin ya yóꞌó kua ndíkuni yo unku na kúu mií Tachi Ndioxi ya ndaa ta unku na kúu mií tachi nduvaꞌa ya vata.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.

El Apocalipsis 1:4

Yeꞌe Juan táa i tutu yóꞌó kuaꞌan ya nuu uxa veꞌe ñuꞌu ya ñúꞌu estado Asia. Ndikiꞌin ni ndo tuꞌun mani, saa ná koo vaꞌa ni ini ndiꞌi ndóꞌo̱ na ndíkitaꞌan káñuꞌu Ndioxi. Ndioxi ra xa táku nda kivi núnu̱ú, ta táku ra kivi vitin, saa kutaku ra ndiꞌi saa kivi ya vaxi. Ta mií ra xiꞌin uxa nuu Tachi ra ya íyo xiꞌin ra nuu xáꞌnda chiñu ra ná chikaa ni ya vaꞌa ndóꞌo̱, ta ná taxi ra ya koo vaꞌa ni ini ndo.

El Apocalipsis 3:14

Saa ndi̱kaꞌan tuku ra xiꞌin i, káchi ra saa: ―Taa un tutu yóꞌó kuꞌun ya ndaꞌa tatun Ndioxi ya ndáa naꞌa, na kándixa yeꞌe nuu ndíkitaꞌan na xáa kaꞌnu na yeꞌe ñuu Laodicea: “Ya yóꞌó kua káꞌan yeꞌe, ra kúu Amén. Ndee ni ndíkuiin i xaꞌa ya i̱kan Ndioxi, ra ndaa ni. Ta yeꞌe ku ra ndi̱xiyo núnu̱ú tá sikan xa̱á xi̱koo xaꞌa ñuu ivi ya si̱kuaꞌa Ndioxi.