San Juan 18:30 - Xochapa Mixteco

³⁰ Saa ndi̱kuiin nda káꞌan nda: ―Tá tu ra vaꞌa ku ra, ndikuu ¿ta ndachu kundaka nde ra kixi ra nuu un? ―káchi nda xiꞌin ra Pilato.

San Juan 18:30 Mawu Ofanana

San Marcos 10:33

―Xíto mií ndo vitin kuandaa yo kuaꞌan yo ñuu Jerusalén, ta ikán ku nuu ndixiko na yeꞌe ra kúu Taa ra xa̱a ñuu ivi yóꞌó ndaꞌa na naꞌnu nuu sutu xiꞌin nda maestro nda sínaꞌa ley ya ta̱a ra Moisés. Saa taxi na kuachi xaꞌa i ndaꞌa na köo kúu Israel ya kaꞌni na yeꞌe.

San Marcos 15:3

Saa xa̱á nda naꞌnu nuu sutu táxi nda kuaꞌa ni kuachi xaꞌa ra.

San Lucas 24:7

Ndi̱kaꞌan ra xiꞌin ndo, káchi ra saa: “Nduxa tiin nda taa yeꞌe, Taa ra xa̱a ñuu ivi yóꞌó, ta ndi̱taxi nda yeꞌe ndaꞌa naꞌa na väꞌa, saa chinuu nda yeꞌe nuu cruzin, kuvi i, sundi kivi uni nditaku i”, ka̱chi ra xiꞌin ndo ―káchi tatun Ndioxi ikán xiꞌin ná.

San Juan 18:29

Xaꞌa ya ikán kua ke̱ta ra Pilato keꞌe, ta ndi̱ndakan tuꞌun ñaꞌa ra káchi ra saa: ―¿Ndá kuachi kua i̱kan ra yóꞌó, yakan táxi ndo kuachi xaꞌa ra? ―káchi ra xiꞌin nda.

San Juan 18:31

Saa ndi̱kaꞌan ra Pilato xiꞌin nda, káchi ra saa: ―Kundaka ndo ra kuꞌun ra xiꞌin ndo, ta vaꞌa xaa nduvaꞌa mií ndo xiꞌin ra, xaꞌa kuꞌva káꞌan ley mií ndo ―káchi ra xiꞌin nda. Saa ndi̱kuiin nda naꞌnu nuu na judío, káchi nda saa: ―Ndeꞌe ta köo ichí ndaꞌa nde ya kaꞌni nde nda iin naꞌa ―káchi nda xiꞌin ra Pilato.

San Juan 19:12

Saa ta ndikun mií hora ikán kua xa̱á xíka ini ra ndá kuꞌva koo saña ra Jesús. Sundi na judío ta ndáꞌi koꞌo na nuu ra káꞌan na xiꞌin ra, káchi na saa: ―Tá ná saña un ra, ta süvi ka migo ra rey César kúu un, chi ndá ka na káꞌan kúu na rey ta na kuakiꞌvi contra ra rey César ku na ―káchi na xiꞌin ra Pilato.

Los Hechos 3:13

Chi Ndioxi ra kaꞌnu, ra ka̱ñuꞌu ni xii sikua yo ra Abraham xiꞌin ra Isaac tin ra Jacob, ra ikán ku ra nda̱sa chee ni Jesús ra kúu Seꞌe ra, ta suvi ra ikán ku ra ti̱in ndo taxi ndo ndaꞌa na chiñu ta köo ndi̱xiin ndo saña ra tá ku̱ni ra Pilato saña ñaꞌa ra.

2 Timoteo 2:9

Ta suvi xaꞌa tuꞌun vaꞌa ikán kua ndee ni ndóꞌo̱ i ndíkaa i veꞌe kàà yóꞌó, nda tá íyo iin ra ndee ni kaꞌnu kuachi kúu mií, saa íyo i, núꞌni i xiꞌin kàà ndíkaa i. Ta vaꞌa chi tuꞌun Ndioxi ta köo núꞌni vi ya.

1 Pedro 4:15

Yakan tá ndóꞌo̱ ndo, ta süvi xaꞌa ya xáꞌni ndo ndìì án ya kuiꞌna ndo, án ya íkan ndo ndá ka ya väꞌa, án ya kuakiꞌvi niꞌnu yuꞌu ndo xiꞌin naꞌa kua ndóꞌo ndo.