San Juan 18:29 - Xochapa Mixteco

²⁹ Xaꞌa ya ikán kua ke̱ta ra Pilato keꞌe, ta ndi̱ndakan tuꞌun ñaꞌa ra káchi ra saa: ―¿Ndá kuachi kua i̱kan ra yóꞌó, yakan táxi ndo kuachi xaꞌa ra? ―káchi ra xiꞌin nda.

San Juan 18:29 Mawu Ofanana

San Mateo 27:23

Saa ndi̱kaꞌan tuku ra Pilato xiꞌin na, káchi ra saa: ―Ta ¿unkua ndee ni i̱kan ra kua? ―káchi ra. Saa ndee ni ka ndi̱kaꞌan ndiꞌi na, káchi na saa: ―¡Chinuu ra ndaꞌa cruzin, ná kuvi ra! ―káchi ndiꞌi na.

San Juan 18:30

Saa ndi̱kuiin nda káꞌan nda: ―Tá tu ra vaꞌa ku ra, ndikuu ¿ta ndachu kundaka nde ra kixi ra nuu un? ―káchi nda xiꞌin ra Pilato.

San Juan 18:33

Saa ndi̱ko koo tuku ra Pilato nuu xáꞌnda chiñu ra, saa ka̱na tuku ra Jesús, ta ndi̱ndakan tuꞌun ñaꞌa ra káchi ra saa: ―¿Án yóꞌo̱ ku rey nuu na judío? ―káchi ra xiꞌin Jesús.

Los Hechos 25:16

Saa ndi̱kuiin i káꞌan i xiꞌin na: “Ndeꞌe Roma ta köo íkan nde saa chi köo táxi nde kuvi iin taa tá tu täꞌan kaꞌan nuu taꞌan na, nuu ndikuiin ra kaꞌan ra xaꞌa ra xiꞌin na táxi kuachi xaꞌa ra”, káchi i xiꞌin na.

Los Hechos 4:27

’Ta vitin ku nuu ti̱ndaa kivi ndi̱xinu ya ndi̱kaꞌan ra rey David, saa chi ra rey Herodes xiꞌin ra Poncio Pilato iin káchi ndi̱kitaꞌan nda ñuu yóꞌó, xiꞌin na inka ñuu na köo kúu judío xiꞌin sava na ñuu Jerusalén yóꞌó. Iin yuꞌu ku̱u na xiꞌin taꞌan na ndu̱ku na kuꞌva xa̱ꞌni na Jesús ra i̱í, ra kúu mií ichí un ya ta̱xi un ndaꞌa ra, Iva yo Ndioxi.