San Juan 18:20 - Xochapa Mixteco

²⁰ Saa ndi̱kuiin Jesús káꞌan ra, káchi ra saa: ―Nuu ndiꞌi ni kúu naꞌa ndi̱kaꞌan i, tá si̱naꞌa i ini veꞌe ñuꞌu vali sinagoga án veꞌe ñuꞌu kaꞌnu, nuu ndíkitaꞌan ndiꞌi na judío. Ta nda iin ñaꞌa köo ndi̱kaꞌan sěꞌe i nuu na.

San Juan 18:20 Mawu Ofanana

San Mateo 24:26

Yakan tá káꞌan naꞌa xiꞌin ndo, káchi na saa: “Kuaꞌan ndo koto ndo iku yuyu kaa íyo ra ti̱ꞌvi Ndioxi vaxi sikaku na ñuu ivi”, kachi na xiꞌin ndo. Án kaꞌan na xiꞌin ndo, kachi na saa: “Naꞌa ndo koto ndo ini cuarto yóꞌó ndíkaa sěꞌe ra”, kachi na xiꞌin ndo, ta kändixa ndo ya káꞌan na xiꞌin ndo.

San Mateo 26:55

Saa ndi̱kaꞌan Jesús xiꞌin nda ikán, káchi ra saa: ―¿Án vaxi ndo xiꞌin ñaꞌa xiín xiꞌin carroti tiin ndo yeꞌe, tá kuꞌva íkan ndo xiꞌin na kuiꞌna, saa íkan ndo xiꞌin i? Ndiꞌi saa kivi ndi̱xiyo i si̱naꞌa i naꞌa veꞌe ñuꞌu kaꞌnu, ta köo ndi̱tiin ndo yeꞌe.

San Mateo 26:65

Tá xi̱ni soꞌo sutu ra ínuu nuu ndiꞌi sutu ya ndi̱kaꞌan Jesús, ta ndi̱saa ni ra, yakan xa̱ꞌnda ra toto ra ta ndi̱kaꞌan ra, káchi ra saa: ―¡Ra kánaꞌa xaꞌa Ndioxi va ku ra yóꞌó! Köo xíniñuꞌu ka yo kuni soꞌo yo kaꞌan inka naꞌa xaꞌa ra. Xa xi̱ni soꞌo mií va ndo ya ndee ni kini ndi̱kaꞌan ra xaꞌa Ndioxi.

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

San Mateo 9:35

Saa xíka Jesús ñuu naꞌnu tin ñuu vali, xíniꞌni ra xíka ra sínaꞌa ra naꞌa, tá veꞌe ñuꞌu sinagoga, tá veꞌe ñuu xíka ra. Sínaꞌa ra na tuꞌun vaꞌa xaꞌa ichí ya xáꞌnda chiñu Ndioxi. Ndíkani ra nuu na, saa síndaꞌa ra na ndóꞌo ndiꞌi nuu kueꞌe.

San Marcos 8:32

Teꞌe ni ndi̱kaꞌan ra xiꞌin nda ya kuvi ra, xaꞌa ya ikán kua ta̱va siin ñaꞌa ra Pedro, ta ndi̱ndaꞌi ra xiꞌin ra, ya küvi ra, káchi ra xiꞌin ra.

San Lucas 21:37

Ndiꞌi kivi sínaꞌa ra naꞌa. Nduvi sínaꞌa ra na ini veꞌe ñuꞌu kaꞌnu ñuu Jerusalén, ta ñûu kuaꞌan ra ndóo ra kíxi ra iku ya náni Olivo.

San Lucas 4:15

Ta saa kuaꞌa ni veꞌe ñuꞌu sinagoga ndi̱xika ra sínaꞌa ra naꞌa, ndi̱xika ra ndiꞌi ñuu ya ñúꞌu estado Galilea, ta ndiꞌi na xíni soꞌo ya káꞌan ra, vaꞌa ni káꞌan na xaꞌa ra.

San Juan 18:21

¿Ta ndachu kua ndákan tuꞌun un yeꞌe? Vaꞌa ndakan tuꞌun un na xi̱ni soꞌo ya ndi̱kaꞌan i, chi na ikán xíni na unkua ndi̱kaꞌan i xiꞌin na ―káchi Jesús xiꞌin ra Anás.

San Juan 6:59

Ya yóꞌó kua ndi̱kaꞌan Jesús tá si̱naꞌa ra ini veꞌe ñuꞌu sinagoga ñuu Capernaum.

San Juan 7:14

Tá xa kuaꞌan táꞌvi sava viko ikán, saa ndi̱xaa Jesús veꞌe ñuꞌu, saa xa̱á ra sínaꞌa ra.

San Juan 7:26

Ta ndachu vaꞌa káꞌan ra nuu ndiꞌi yo, ta ni köo na káꞌan xiꞌin ra. ¿Án sana xa ku̱ndaa va ini na chiñu, ra yóꞌó ku Cristo?

San Juan 7:28

Ta saa ndíkaa Jesús keꞌe veꞌe ñuꞌu sínaꞌa ra, ñaa nda̱niꞌi ra tachi ra ta ndee ni ndi̱kaꞌan ra, káchi ra saa: ―¡Ya ndaa kua xíni ndo yeꞌe ta xíni tu ndo nuu ke̱e va i! Sundi süvi xaꞌa ya kúni mií i kua vaxi i, chi íyo iin ra ti̱ꞌvi yeꞌe vaxi i, ta ra ikán ta ndaa ni ini ra, ta ndóꞌo̱ köo xíni ndo ra.

San Juan 7:4

Chi na kúni ya ná kundaa ini inka naꞌa tuꞌun xaꞌa na, ta íkan túvi na chiñu ya xíto naꞌa. Tá kúu yóꞌo̱ xíni un ikan un chiñu yóꞌó, ta vaꞌa kuáꞌan sinaꞌa un mií un nuu ndiꞌi ni kúu naꞌa ―káchi nda xiꞌin ra.

San Juan 8:2

Ta xitaan, tá ndi̱tuvi inka kivi ndi̱ko koo ra yeꞌe veꞌe ñuꞌu. Saa ndi̱xaa iin tiꞌvi chee na ñuu nuu ra, saa índuꞌu koo ra sínaꞌa ra na.

San Juan 8:26

Íyo kuaꞌa ni ya kaꞌan i xiꞌin ndo xaꞌa ya väꞌa íkan ndo. Sundi ra ti̱ꞌvi yeꞌe vaxi i, ta ra ndaa ni ku ra, ta ndiꞌi ya káꞌan i ñuu ivi yóꞌó ta ya xi̱ni soꞌo i ndi̱kaꞌan ra kua káꞌan i ―káchi Jesús xiꞌin nda.

Los Hechos 26:26

Yóꞌó íin ra rey Agripa ta kúndaa vaꞌa ini ra xaꞌa ya káꞌan i. Chi köo íyo sêꞌe ya káꞌan i xaꞌa xiꞌin ndo, yakan vaꞌa ndinuꞌu ni ini i káꞌan i xiꞌin ndo ―káchi ra Pablo xiꞌin ra Festo.