San Juan 18:11 - Xochapa Mixteco

¹¹ Saa ndi̱kaꞌan Jesús xiꞌin ra Pedro, káchi ra saa: ―Chivaꞌa i̱chi un ini iín nuu ndíkaa ya. Saa chi xa saa chi̱tuni Ndioxi ya ndee ni uꞌvi tixuꞌvi i, ta yeꞌe xíniñuꞌu i xaa súvi i tindoꞌo ya uꞌvi ni yóꞌó ―káchi ra xiꞌin ra Pedro.

San Juan 18:11 Mawu Ofanana

San Mateo 20:22

Saa ndi̱kuiin Jesús káꞌan ra xiꞌin yá, káchi ra saa: ―Nana, ni köo kúndaa ini ndo unkua ndúku ndo nuu i. ¿Án kuchiñu ndo koꞌo ndo vaso nuu koꞌo i ta kuchi ndo tá kuꞌva kuchi i? ¿Án xáꞌa ndee ini ndo ndoꞌo ndo xiꞌin i? Chi yeꞌe ta yáꞌa ni vi ndee tixuꞌvi i? ―káchi ra xiꞌin nda. Saa ndi̱kuiin nda, káꞌan nda: ―Kuchiñu va nde, Tata ―káchi nda xiꞌin ra.

San Mateo 26:39

Saa ke̱e ra kuaꞌan xika loꞌo ka ra, ñaa ndi̱xaa ra si̱kusiti ra ta nda nuu ñuꞌú ndi̱xinu taan ra, ta xa̱á ra káꞌan ra xiꞌin Ndioxi, káchi ra saa: ―Tata Iva mií i, tá tu kúni un ta täxi un kundoꞌo i tindoꞌo yóꞌó, sundi ïkan un ya kúni yeꞌe, vaꞌa ikan un ya kúni mií va un ―káchi Jesús xiꞌin Ndioxi.

San Mateo 26:42

Saa ke̱e tuku ra kuaꞌan ra kaꞌan ra xiꞌin Ndioxi ichí uvi, káchi ra saa: ―Tata Iva mií i, tá xíniñuꞌu i ndoꞌo ni i, ta íyo ndúvi i xaa súvi i ya kúni mií un ―káchi ra.

San Lucas 12:30

Saa chi ya yóꞌó ku ñaꞌa ya ndíꞌi ni ini na köo xíni Ndioxi xaꞌa. Sundi ndóꞌo̱, na kúu seꞌe Ndioxi, ta xa xíni mií va Iva ndo ndá ñaꞌa kua xíniñuꞌu ndo.

San Lucas 22:42

káchi ra saa: ―Tata Iva yo Ndioxi, tá tu kúni un ta täxi un tixuꞌvi i, sundi ïkan un ya káꞌan i xiꞌin un, ikan un ya kúni mií un xiꞌin i ―káchi ra xiꞌin Ndioxi.

San Juan 15:10

Tá tu xáa súvi ndo ya xáꞌnda chiñu i nuu ndo, ta saa kua koo tuun ndo xiꞌin i, chi kúꞌvi ni ini i xíni i ndóꞌo̱, ta kuꞌva saa kua xáa súvi yeꞌe ya xáꞌnda chiñu Iva i yakan íyo tuun i xiꞌin ra ta kúꞌvi ni ini ra xíni ra yeꞌe.

San Juan 17:24

’Tata Iva yo, na ta̱xi un ndaꞌa i ndíkun yeꞌe, ta kúni i ná koo na xiꞌin i nuu ndivi nuu koo i. Saa kuni na ndiꞌi ya vaꞌa, ya luvi ta̱xi un ndaꞌa i, saa chi yóꞌo̱ ta kúꞌvi ni ini un xíni un yeꞌe, nda tá täꞌan xikoo xaꞌa ñuu ivi yóꞌó vi kúꞌvi ni ini un xíni un yeꞌe.

San Juan 18:36

Saa ndi̱kuiin Jesús káꞌan ra: ―Nuu xáꞌnda chiñu i ta köo ndíkun ndaa ya ñuu ivi yóꞌó. Tá tu ñuu ivi yóꞌó ndíkun ndaa ya, ta ni na ndíkun sata i ta kaꞌan kuachi na xaꞌa i, täxi na tiin na ñuu i yeꞌe, ndíkuu. Sundi nuu xáꞌnda chiñu i ta köo ndíkun ndaa ya ñuu ivi yóꞌó ―káchi Jesús xiꞌin ra.

San Juan 20:17

Saa ndi̱kaꞌan Jesús xiꞌin yá, káchi ra saa: ―Tïin un yeꞌe saa chi täꞌan ndiko koo i kuꞌun i nuu Iva i. Sundi vaꞌa kuꞌun un ndituꞌun un xiꞌin nda xi̱taꞌan xiꞌin i, ya ndiko koo i kuꞌun i nuu Iva i xiꞌin Iva ndóꞌo̱, Ndioxi mií i ku ra ta saa kúu tu ra Ndioxi ndóꞌo̱ va ―káchi Jesús xiꞌin yá.

2 Corintios 10:4

Saa chi ndeꞌe, ta köo xíniñuꞌu nde taꞌan ndaꞌa chiñu ya xíniñuꞌu na ñuu ivi yóꞌó tá kánitaꞌan na, chi ndeꞌe, ta ndee Ndioxi va ku ya xíniñuꞌu nde ya kuchiñu sindiꞌi xaꞌa nde ndiꞌi ndee ya väꞌa, ya ndíkuita kánitaꞌan xiꞌin nde.

2 Corintios 6:7

ta ndítuꞌun nde tuꞌun ya ndaa xiꞌin na, saa íyo ni mií ndee Ndioxi xiꞌin nde. Ta saa ndee ni vií íyo nde, ta ya yóꞌó kua chíndee ndeꞌe, nda tá káa ndaꞌa chiñu ndíso nde saa káa ya yóꞌó, chi ndáa ni ya ñaꞌñu kuáꞌá nde xiꞌin ñaꞌñu itin nde.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.