San Juan 17:25 - Xochapa Mixteco

²⁵ Tata Iva yo, ra vaꞌa, ra ndaa ni kuu mií un. Na ndíkun ñuu ivi yóꞌó ta köo xíni na yóꞌo̱, sundi yeꞌe ta xíni i yóꞌo̱, ta na ndíkun yeꞌe xa xíni na yóꞌo̱ ku ra ti̱ꞌvi yeꞌe vaxi i.

San Juan 17:25 Mawu Ofanana

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Lucas 10:22

Ta saa ndi̱kaꞌan ka ra káchi ra saa: ―Iva i Ndioxi ta ta̱xi ra ichí ndaꞌa i xaꞌa ndiꞌi ñaꞌa. Ta nda iin naꞌa köo xíni ini yeꞌe ra kúu Seꞌe Ndioxi, iindaa mií Iva i Ndioxi ku ra xíni ini i, ta ni ini Iva i Ndioxi köo xíni na, iindaa yeꞌe ku Seꞌe ra ku i xíni ini ra, saa sínaꞌa i ra nuu na kúni mií i kuni taꞌan xiꞌin ra ―káchi Jesús.

San Juan 1:18

Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

San Juan 10:15

Tá kuꞌva xíni Iva i yeꞌe, saa xíni vaꞌa tu mií va i ra ta íyo tuꞌva i kuvi i xaꞌa levo sana i.

San Juan 15:21

Ndiꞌi ya yóꞌó kundoꞌo ndo xaꞌa ya ndíkun ndo yeꞌe. Chi na ñuu ivi yóꞌó ta köo xíni na Iva i ra ti̱ꞌvi yeꞌe vaxi i.

San Juan 16:27

Saa chi Iva i ta kúꞌvi ni ini ra xíni ra ndóꞌo̱, saa chi kúꞌvi ni ini ndo xíni ndo yeꞌe, ta kándixa ndo yeꞌe ya ke̱e i nuu ra.

San Juan 16:3

Saa ikan na xiꞌin ndo, saa chi täꞌan kuni na yeꞌe, ni Iva i ta köo xíni na ra.

San Juan 16:30

Vitin kúndaa ini nde, xa xíni vaꞌa un xaꞌa ndiꞌi ñaꞌa, yakan köo xíniñuꞌu un ndakan tuꞌun na yóꞌo̱. Xaꞌa ya ñaa kua kándixa nde ya ti̱ꞌvi Ndioxi yóꞌo̱ vaxi un ñuu ivi yóꞌó ―káchi nda xiꞌin ra.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 17:18

Tá kuꞌva íyo chiñu ya ti̱ꞌvi un yeꞌe vaxi i xaa súvi i ñuu ivi yóꞌó, kuꞌva saa íyo chiñu tíꞌvi i na yóꞌó kuꞌun na xaa súvi na ñuu ivi.

San Juan 17:21

ya ná kutaꞌan vaꞌa na xiꞌin taꞌan na, tá kuꞌva íyo mií yo xiꞌin taꞌan yo Iva mani. Ta saa iin yuꞌu ná koo na xiꞌin yo, saa kundaa ini na ñuu ivi ya ti̱ꞌvi un yeꞌe vaxi i.

San Juan 17:23

Yeꞌe ku ra íyo xiꞌin na yóꞌó, ta yóꞌo̱ ku un íyo xiꞌin yeꞌe, yakan vaꞌa ni nduu na iin yuꞌu xiꞌin taꞌan na, ta saa kua kundaa ini na ñuu ivi yóꞌó, ya ti̱ꞌvi un yeꞌe vaxi i. Ta kuni na ya kúꞌvi ni ini un xíni un na ndíkun yeꞌe, tá kuꞌva kúꞌvi ini un xíni un yeꞌe, saa kúꞌvi ini un xíni un na.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

San Juan 17:8

Ta̱xi i tuꞌun un ndaꞌa na ya ta̱xi un ndaꞌa i, ta vaꞌa ni ndi̱kiꞌin na ya. Ta ku̱ndaa ini na ya ndixa kua ke̱e i nuu un, ta kándixa na yóꞌo̱ ku ra ti̱ꞌvi yeꞌe vaxi i.

San Juan 3:17

Chi köo ndi̱tiꞌvi Ndioxi Seꞌe ra vaxi ra ñuu ivi ya sitixuꞌvi ra na ñuu ivi, sundi ti̱ꞌvi ñaꞌa ra vaxi ra sikaku ra na.

San Juan 6:19

Ta saa ndíxita nda tikuii xiꞌin itun, saa xa kuaꞌan nda uꞌun án iñu mil metro maꞌñu tikuii. Saa xi̱ni nda vaxi xáꞌa Jesús nuu tikuii, ta kúyati ra xaa ra nuu barco. Ñaa ndi̱ndiꞌvi ni nda.

San Juan 7:29

Ta mií i ta xíni vaꞌa i ra, chi nuu ra ikán ke̱e i vaxi i. Mií ra ti̱ꞌvi yeꞌe vaxi i ―káchi ra xiꞌin na.

San Juan 8:19

Saa ndi̱kaꞌan nda xiꞌin ra káchi nda saa: ―¿Míí íyo Iva un? ―káchi nda. Saa ndi̱kuiin Jesús káꞌan ra xiꞌin nda: ―Ndóꞌo̱ ta köo xíni ndo yeꞌe, ta ni Iva i köo xíni ndo ra. Saa chi tá tu xíni ndo yeꞌe, ta kúni kachi ya xíni tu ndo Iva va i, ndíkuu ―káchi ra xiꞌin nda.

San Juan 8:55

Sundi ndóꞌo̱ ta köo xíni ndo ra, ta yeꞌe ta xíni vaꞌa i ra. Tá tu ná kaꞌan i xiꞌin ndo köo xíni i ra kachi i xiꞌin ndo, ta ndúu i iin ra vata taꞌan mií ndo. Sundi yeꞌe ta ya ndixa kua xíni i ra, ta xáa súvi i ya káꞌan ra.

Los Hechos 17:23

Tá ndi̱xika i xíto ndeꞌe i ñuu ndo, ta xi̱ni i kuaꞌa ni ndioxi si̱kuaꞌa ndo xáa toꞌo ndo. Ta xi̱ni i nuu káñuꞌu ndo ndioxi ndo ndóso tuꞌun káchi ya saa: “YÓꞌÓ XÁA TOꞌO YO NDIOXI RA KÖO XÍNI YO”, káchi ya. Ta xaꞌa Ndioxi ra káñuꞌu ndo, ra köo xíni ndo ñaa kua káꞌan i xiꞌin ndo vitin.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

ROMANOS 1:28

Xaꞌa ya ndi̱ndoso ini na xaꞌa Ndioxi, ta ni köo ndi̱xiin na kundaa ini na xaꞌa ra, yakan sa̱ña ndaꞌa ra na, xa̱á na íkan na ya väꞌa, ya ndíkani xiní mií na.

ROMANOS 3:11

Nda iin naꞌa köo xíin kundaa ini xaꞌa ya ndaa. Ta ni xïin tu na nduku na Ndioxi va.

ROMANOS 3:26

I̱kan Ndioxi saa, xaꞌa ya kaꞌnu ni ini ra yakan kúni ra sinaꞌa ra mií ra nuu naꞌa ya ndixa kua íkan ra ya ndaa ni xiꞌin na. Saa chi ndiꞌi naꞌa, na kándixa Jesucristo, ta ndása Ndioxi na ndúu na, naꞌa na ndaa ni nuu ra. Ndúu na tá íin naꞌa na köo ka kuachi kúu mií nuu ra.

1 Corintios 1:21

Xaꞌa ya ndíchi ni xi̱ní mií na ñuu ivi yóꞌó túvi na, yakan kua köo ndi̱xiin na kandixa na Ndioxi. Xaꞌa ya ikán kua vaꞌa ka si̱kaku Ndioxi naꞌa, na kándixa tuꞌun ya ndi̱tuꞌun nde xaꞌa Jesucristo xiꞌin na. Vani kuaꞌa ni naꞌa ndíkani ini xaꞌa tuꞌun ya ndi̱kaꞌan nde xiꞌin na, tuꞌun kíꞌvi va kua túvi na.

1 Corintios 15:34

Ndikani vaꞌa ini ndo xaꞌa ñaꞌa íkan ndo, ta ndiko koo ini ndo xaꞌa ya väꞌa íkan ndo, saa ndikundikun ndo ichí vaꞌa. Saa chi sava ndo, vani xa ndíkun va ndo ichí Ndioxi, sundi täꞌan kuni taꞌan ndo xiꞌin ra. Xaꞌa ya ñaa kua káꞌan i xiꞌin ndo ya ná kukaꞌan nuu ndo. Ndá kuꞌva kua koo ikin kuñu yo tá ná nditaku yo

2 Corintios 4:4

Saa ndóꞌo na chi kiti nǎꞌa kúu ndioxi ñuu ivi yóꞌó ku ri ndi̱kasi ya xínituni na ya ná kändixa na tuꞌun vaꞌa xaꞌa Jesucristo ya káꞌan nde xiꞌin na, ta na ikán, tá íin na kuáa̱ saa íin na. Chi köo táxi ri kuni na ya yéꞌe̱ luvi ni kúu mií tuꞌun vaꞌa xaꞌa Jesucristo. Chi mií Jesucristo, tá káa níí mií Ndioxi saa káa ra.

2 Tesalonicenses 1:8

Ta ndiko koo ra tañu ñu̱ꞌu̱, ya ndee ni xíxi, saa xaa nduvaꞌa ni ra xiꞌin naꞌa, na köo ndi̱xiin ndikuni Ndioxi, ni köo ndi̱xíin na kuni soꞌo na tuꞌun vaꞌa xaꞌa Tata yo Jesucristo.

HEBREOS 8:11

Ta köo ka naꞌa sinaꞌa taꞌan na án na veꞌe na, kaꞌan na xiꞌin ñani na, ya xíniñuꞌu na kuni taꞌan na xiꞌin Tata yo. Saa chi xa ndiꞌi va na kuni taꞌan xiꞌin ra, nda na vali ta kuni taꞌan na xiꞌin ra, saa tu na naꞌnu va.

1 Juan 1:9

Sundi tá tu náꞌma yo kuachi yo nuu Ndioxi ta xáa kaꞌnu ini ra xaꞌa yo, ndíkata ra ndiꞌi kuachi yo, saa ndása vaꞌa ra yoo, saa chi vaꞌa ni mií ra, ndaa ni ini ra ta síxinu ndiꞌi ra ya káꞌan ra.

El Apocalipsis 13:8

Saa xáa kaꞌnu ndiꞌi naꞌa, na ndóo ñuu ivi kiti ikán. Na ikán, ta köo kivi na ndóso nuu tutu i̱í kúu mií kiti Levo loꞌo nuu ndivi. Chi Levo loꞌo ikán ku ri ndi̱soko xiꞌin mií, ya ndi̱xiꞌi ri. Saa chi̱tuni Ndioxi ikan ra tá täꞌan sikuaꞌa ra ñuu ivi.

El Apocalipsis 16:5

Saa xi̱ni soꞌo i ndi̱kaꞌan tatun ya ndíso chiñu xiꞌin tikuii, káchi ya saa xiꞌin Ndioxi: Yóꞌo̱ ku Ndioxi ra ndaa ni, ta yóꞌo̱ ku ra xa táku nda kivi núnu̱ú, ta kutaku un ndiꞌi saa kúu kivi, ta i̱í ni un chi xa xa̱ꞌnda un chiñu ya tíxuꞌvi ni na.