San Juan 17:19 - Xochapa Mixteco

¹⁹ Xa ndi̱taxi ndiꞌi i mií i ndaꞌa un ya xaa súvi i ya kúni un, ta saa na ndíkun yeꞌe ná nditaxi ndiꞌi na mií na ya xaa súvi na ya kúni un tixin ya ndaa ni kúu mií un.

San Juan 17:19 Mawu Ofanana

San Juan 10:36

Ta mií ra ku ra nda̱sa i̱í yeꞌe ta ti̱ꞌvi ra yeꞌe vaxi i ñuu ivi yóꞌó. Ta ¿ndachu káꞌan ndo xaꞌa i ya kánaꞌa i xaꞌa Ndioxi chi ndi̱kaꞌan i kúu i Seꞌe Ndioxi?

San Juan 15:13

Iin ra xíꞌi xaꞌa ra ítaꞌan xiꞌin ra ra ikán ku ra yáꞌa ni kúꞌvi ini xíni ra ta köo ka ya ikan ra ya sinaꞌa ra mií ra ya kúꞌvi ni ini ra xíni ñaꞌa ra.

San Juan 15:3

Ta ndóꞌo̱ xa ndu̱yaa ndo xiꞌin tuꞌun ya ndi̱kaꞌan i xiꞌin ndo.

San Juan 17:17

Tuꞌun un ta ya ndaa kua, yakan chindee un na ná nduu na ivi, na i̱í, ta ná ndikundikun na yóꞌo̱ xiꞌin ndiꞌi ni kúu nima na.

San Juan 17:20

’Ta süvi ndisaa xaꞌa na ndíkun sata i xíkan i ya mani nuu un xaꞌa, xíkan tu i ya mani nuu un xaꞌa na kandixa tuꞌun un ya kaꞌan na yóꞌó xaꞌa i,

1 Corintios 1:2

Saa tíꞌvi nde tutu yóꞌó xaa ya ndaꞌa ndóꞌo̱, ñani yo, ndóo ñuu Corinto. Saa chi ndóꞌo̱ ku ndo ka̱na Ndioxi ta xa xa̱a i̱í ra ndóꞌo̱ tixin Tata yo Jesucristo. Ta iin káchi saa xa̱a i̱í tu ra ndiꞌi ka na ndóo ndiꞌi saa kúu ñuu nuu xáa kaꞌnu na kivi Tata yo Jesucristo, chi saa tu na ikán va, Tata tu na ikán va ku ra.

2 Corintios 4:15

Ta ndiꞌi ya yóꞌó kua ndóꞌo nde ya ná nduu kuaꞌa ni naꞌa niꞌi ya vaꞌa nuu Ndioxi. Ta xaꞌa ya kuaꞌa ni na xi̱ni soꞌo tuꞌun Ndioxi ya ndi̱kaꞌan ndoso nde xiꞌin na yakan ndu̱u kuaꞌa ni na taxi tixaꞌvi ndaꞌa ra, saa xaa kaꞌnu ni na ra.

2 Corintios 7:14

Yeꞌe, ta ndi̱kaꞌan vaꞌa ni i xaꞌa ndo xiꞌin ra, ta vaꞌa chi köo ndi̱sikaꞌán ndo nuu i xiꞌin ra, tá kuꞌva íyo ya ndaa ndi̱tuꞌun nde xiꞌin ndo, ta saa íyo tu ya ndi̱kaꞌan nde xiꞌin ra Tito va: ya ndee ni kúsini nde xiꞌin ndo.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

Colosenses 1:6

Ta tuꞌun yóꞌó kua xa ndi̱xaa nuu ndo, ta xa kuaꞌa ni naꞌa kúndaa ini xaꞌa ya ndiꞌi ni kúu ñaꞌñu. Ta vaꞌa ni íkan ya xiꞌin na chi ndísama ya na, saa ndúkuaꞌa ka na kúndaa ini xaꞌa ya. Ta saa tu ndóꞌo̱ va, nda tá xi̱ni soꞌo ndo ya, saa ku̱ndaa ini ndo xaꞌa ya ndaa, ya ndee ni kúꞌvi ini Ndioxi xíni ra ndóꞌo̱.

1 Tesalonicenses 4:7

Saa chi Ndioxi ta ka̱na ra yoo ya kuu yo naꞌa, na i̱í nuu ra, ta köo ndi̱kana ra yoo kundikun yo ra ya ikan yo ya väꞌa nuu ra.

2 Timoteo 2:10

Ta xaꞌa ya ikán kua xáꞌa ndee ndiꞌi ini i ndóꞌo̱ ni i xaꞌa naꞌa, na ndi̱kaxin Ndioxi ya ná niꞌi na ya vaꞌa kaku na tixin Tata yo Jesucristo, ta saa kuchiñu na koo na xiꞌin ra ndiꞌi saa kivi nuu luvi ni káa nuu ndee ni yéꞌe̱.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

HEBREOS 10:29

Ta ndisaa ka vi ndee ni ndee kundoꞌo naꞌa, na kóso kava Tata yo Jesucristo, ra kúu Seꞌe Ndioxi, chi köo kíꞌin na kuenta xaꞌa nií ra, nda tá káa rá väꞌa saa káa ra nuu na, saa íkan naꞌa, na kúndasi nuu xíni Tachi I̱í Ndioxi, ra kúꞌvi ni ini xíni ñaꞌa, chi suvi xiꞌin nií Tata yo Jesucristo kua ki̱ndoo ra trato ya ikan ra ya vaꞌa xiꞌin yo.

HEBREOS 2:11

Saa chi iin ku ra ndása i̱í yoo, ta saa ndúu ndiꞌi yo iin xiꞌin ra ta iin káchi ndúu i̱í ndiꞌi yo nuu ra, yakan köo kúkaꞌán nuu ra kaꞌan ra xiꞌin yo ya kúu yo ñani ra.

HEBREOS 9:13

Ya ndaa kua nda̱sa vaꞌa nií kiti toro xiꞌin nií kiti tixuꞌu rá kóꞌni yuchi nda sutu sata naꞌa xiꞌin yaá kiti cerra vali kiti xa̱ꞌmi na, saa kóꞌni yuchi nda ya sata na ya ku̱chiñu nda̱sa vaꞌa ya sata ikin kuñu na.

HEBREOS 9:18

Xaꞌa ya yóꞌó kua kuaꞌa ni kiti xa̱ꞌni nda sutu ndi̱soko nda ri nuu Ndioxi, ta ndi̱xita nií ri ya kuchiñu kundàà yaꞌvi trato ya núnu̱ú ki̱ndoo ra xiꞌin na tá ndi̱kaꞌan ra xiꞌin na.

HEBREOS 9:26

Tá ndi̱kan Jesucristo tá kuꞌva i̱kan nda sutu ikán tá nuu kuiya, ta nda tá xa̱á xi̱koo ñuu ivi yóꞌó vi xíniñuꞌu ra kuvi ra kuaꞌa ni ichí, ndikuu. Sundi tiempo ya ku̱yati ndiꞌi xaꞌa ñuu ivi ndóo yo vitin kua ki̱xi ra, ta iindaa va ichí ndi̱taxi ra mií ra ndisoko ra mií ra xaꞌa yo, ta ya i̱kan ra saa ndi̱taxi ra mií ra ndaꞌa Ndioxi yakan si̱ndiꞌi xaꞌa ra kuachi yo.

1 Juan 3:18

Ndóꞌo̱ ñani yo xiꞌin kuꞌva yo, tá íin seꞌe i saa íin ndo, ta káꞌan i xiꞌin ndo: Käꞌan ndo ndisaa tuꞌun mií xiꞌin taꞌan ndo, sundi ikan ndo ya vaꞌa xiꞌin ya ndaa nuu sínaꞌa ya ndixa kúꞌvi ini ndo xíni taꞌan ndo.

1 Juan 3:3

Ta ndiꞌi na ndinuu ni ndátun ya ndiko koo ra ndisama ra na, ta ndíkundee ni na xinu koo na nduu na tá kuꞌva íyo mií ra, saa chi ra i̱í ku ra.