San Juan 16:32 - Xochapa Mixteco

³² Ta kama ni tindaa hora, siloꞌo ni kúmani ta kuita niꞌnu ndiꞌi ndo kuꞌun ndo, ta sindoo ndaꞌa ndo yeꞌe. Sundi yeꞌe ta köo íyo mií i, chi Iva i ta íyo ra xiꞌin i.

San Juan 16:32 Mawu Ofanana

San Mateo 26:31

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Ndiꞌi ndo sindikoo ndaꞌa yeꞌe ñǔu vitin, ta ikán ku nuu xinu tuꞌun Ndioxi ya ta̱a na xaꞌa i xinaꞌa, káchi ya saa: “Sitikueꞌe i ra paxto ndáa levo, ta iin kuita yava ndiꞌi ri kuꞌun ri”, káchi tuꞌun Ndioxi ta̱a na xaꞌa i.

San Mateo 26:56

Ta ndiꞌi ya yóꞌó ndóꞌo i vitin, saa sixinu i ya ta̱a nda profeta xaꞌa i xinaꞌa ―káchi Jesús xiꞌin nda. Saa si̱ndoo ñaꞌa ndiꞌi nda ítaꞌan xiꞌin ra, ta xi̱nu ndiꞌi nda kuaꞌan nda.

San Marcos 14:27

Ñaa ndi̱kaꞌan Jesús xiꞌin nda: ―Ñǔu vitin ta ndiꞌi ndóꞌo̱ sindikoo mií ndo yeꞌe, chi saa íyo ya ta̱a iin ra ndi̱kaꞌan ndoso tuꞌun yuꞌu Ndioxi xinaꞌa, káchi ya saa: “Sitikueꞌe i ra ndáa levo, ta kunu ndiꞌi levo sana ra kuꞌun ri”, káchi ya.

San Marcos 14:50

Saa xi̱nu ndiꞌi nda ítaꞌan xiꞌin Jesús kuaꞌan nda, ta si̱ndoo mií nda ra.

San Juan 12:23

Saa ndi̱kuiin Jesús káchi ra saa: ―Xa yati ni ti̱ndaa kivi ya xaa súvi i chiñu chee ni nuu xaa kaꞌnu ni Ndioxi yeꞌe Taa ra xa̱a ñuu ivi yóꞌó.

San Juan 16:2

Chi vaxi kivi ta tava ndaꞌa na chiñu naꞌnu nuu na judío ndóꞌo̱ ini veꞌe ñuꞌu sinagoga. Ta saa ni kuni na kaꞌni na ndóꞌo̱, saa chi tá íkan na saa xiꞌin ndo ta vaꞌa ni xáa súvi na ya kúni Ndioxi, kaꞌán na.

San Juan 16:25

’Nda kivi vitin káꞌan i xiꞌin ndo xaꞌa tuꞌun ndíchi, sundi vaxi kivi ta käꞌan ka i saa xiꞌin ndo, kaꞌan teꞌe i xiꞌin ndo xaꞌa Iva i.

San Juan 16:31

Saa ndi̱kuiin Jesús káꞌan ra xiꞌin nda. ―¿Án nda vitin vi kándixa ndo yeꞌe?

San Juan 19:27

Sindiꞌi saa ndi̱kaꞌan ra xiꞌin ra xi̱taꞌan xiꞌin ra, káchi ra saa: ―Yá ñaa nduu siꞌí un vitin ―káchi ra xiꞌin ra. Nda kivi ikán ndi̱kiꞌin ra yá íyo yá veꞌe ra.

San Juan 20:10

Saa ndi̱ko koo ra Pedro xiꞌin ra kuaꞌan xiꞌin ra kuanuꞌu nda.

San Juan 4:21

Saa ndi̱kaꞌan ra xiꞌin yá, káchi ra saa: ―Nana, kandixa un ya káꞌan i xiꞌin un. Chi vaxi kivi ta köo xíniñuꞌu ndo kixi ndo xaa toꞌo ndo Iva yo Ndioxi nuu xiki yóꞌó, ni ñuu Jerusalén ta küꞌun ka na judío xaa toꞌo na Ndioxi.

San Juan 4:23

Ta kama ni tindaa kivi, ta xa vitin ku kivi nuu xíniñuꞌu ndiꞌi na ndixa ni xáa kaꞌnu Ndioxi, ya xaa kaꞌnu ñaꞌa na tixin Tachi I̱í ra xiꞌin ya ndaa. Saa chi saa kúni Iva yo Ndioxi, ndúku ra taꞌan na ñaa ya ná xaa kaꞌnu ñaꞌa na.

San Juan 5:25

Ta ya ndaa káꞌan i xiꞌin ndo, vitin ti̱ndaa kivi ta kuni soꞌo na ndíi tachi Ra kúu Seꞌe Ndioxi. Ta na xíni soꞌo ya káꞌan ra ta kutaku na.

San Juan 5:28

Ta ndïkanda ni ini ndo xaꞌa ya xi̱ni soꞌo ndo ndi̱kaꞌan i xiꞌin ndo, chi vaxi kivi ta kuni soꞌo ndiꞌi na ndíi, na xa ndi̱nduxin, kuni soꞌo na tachi ra.

San Juan 8:16

Sundi tá tu xáa nani i kuachi na, ta ndaku xáa nani i ya xiꞌin na, chi süvi iindaa mií i xáa nani ya xiꞌin na, Iva i Ndioxi ra ti̱ꞌvi yeꞌe vaxi i ku ra íyo xiꞌin i xáa nani i ya xiꞌin na.

San Juan 8:29

Chi Iva i ra ti̱ꞌvi yeꞌe vaxi i ta íyo ra xiꞌin i, köo síndoo mituꞌun ra yeꞌe, íyo ra xiꞌin i ta nina ya kúni mií ra kua íkan i ―káchi Jesús xiꞌin nda.

Los Hechos 21:6

Ñaa nu̱mi taꞌan nde tin nda̱i taꞌan nde, saa nda̱a tuku nde sata barco kuaꞌan nde. Ta ndi̱ko koo na ikán kuanuꞌu na veꞌe na.

Los Hechos 8:1

Saa tu ra Saulo va ndi̱xiyo yuꞌu ra xiꞌin na xa̱ꞌni ra Esteban. Tá ndi̱xiꞌi ra saa ku nuu xa̱á tíxuꞌvi ni na ndíkun Jesús ndóo ñuu Jerusalén, xaꞌa ya ikán kua ndi̱xita yava ndiꞌi na kuaꞌan na. Sava na kuaꞌan ñuu Judea xiꞌin ñuu Samaria, siin nda apóstol ku nda ndi̱ndoo ñuu Jerusalén.