San Juan 16:28 - Xochapa Mixteco

²⁸ Nuu Iva i ke̱e i vaxi i ñuu ivi yóꞌó, ta vitin sindoo i ñuu ivi yóꞌó ta ndiko koo tuku i kuꞌun i nuu ra ―káchi Jesús xiꞌin nda.

San Juan 16:28 Mawu Ofanana

San Lucas 24:51

Tá chíkaa ra ya vaꞌa na, ta saa nda̱niꞌi Ndioxi ra nda̱a ra kuaꞌan ra nuu ndivi.

San Lucas 9:51

Ta xa kuaꞌan kúyati kivi ndiko koo Jesús kuꞌun ra nuu ndivi, ñaa chi̱kaa ini ra kuꞌun ra ñuu Jerusalén.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 13:3

Xa xíni Jesús ya ta̱xi ndiꞌi Iva ra ñaꞌa ndaꞌa ra, ta xíni ra ke̱e ra nuu Ndioxi, ta saa ndiko koo ra kuꞌun ra.

San Juan 14:28

Xa xi̱ni soꞌo ndo ya ndi̱kaꞌan i xiꞌin ndo: Kuꞌun i, ta sindiꞌi saa ndiko koo tuku i koo i xiꞌin ndo. Tá tu kúꞌvi ni ini ndo xíni ndo yeꞌe, ta kusini ni ndo chi ndi̱kaꞌan i xiꞌin ndo kuꞌun i nuu Iva i, chi Iva i ta chee ni ka ra ikán nuu yeꞌe.

San Juan 16:10

Saa chindee ya na kundaa ini na xaꞌa ichí ra ya kúu ya ichí ndaku. Saa chi yeꞌe ta ndiko koo i kuꞌun i nuu Iva i, ta ndóꞌo̱ ta küni ka ndo yeꞌe.

San Juan 16:16

Chi tixin soo uvi ndaa kivi ta küni ka ndo yeꞌe. Tá ndi̱yaꞌa uvi ndaa kivi, saa kuni tuku ndo yeꞌe, saa chi yeꞌe ta kuꞌun i nuu Iva i ―káchi Jesús xiꞌin nda.

San Juan 16:30

Vitin kúndaa ini nde, xa xíni vaꞌa un xaꞌa ndiꞌi ñaꞌa, yakan köo xíniñuꞌu un ndakan tuꞌun na yóꞌo̱. Xaꞌa ya ñaa kua kándixa nde ya ti̱ꞌvi Ndioxi yóꞌo̱ vaxi un ñuu ivi yóꞌó ―káchi nda xiꞌin ra.

San Juan 16:5

Sundi vitin ta ndiko koo i kuꞌun i nuu ra ti̱ꞌvi yeꞌe vaxi i, ta nda iin ndo köo ndákan tuꞌun yeꞌe míí chí kuꞌun i.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 17:13

’Sundi vitin ta ndiko koo i xaa i nuu un, tá íyo ka i ñuu ivi yóꞌó xiꞌin na, ta ndítuꞌun i tuꞌun yóꞌó xiꞌin na ya ná kuni soꞌo na, ta kusini ni na tá kuꞌva kúsini ni yo.

San Juan 17:5

Tata Iva i Ndioxi, vitin xaa kaꞌnu un yeꞌe, taxi un koo i xiín un nuu luvi ni ndi̱xiyo i xiꞌin un yachi tá täꞌan xikoo ñuu ivi yóꞌó.

San Juan 8:14

Saa ndi̱kuiin Jesús káꞌan ra: ―Ni káꞌan i xaꞌa mií i, ta ndáa yaꞌvi ya káꞌan i xaꞌa i, saa chi xíni i míí chí ki̱xi i, ta xíni i míí chí kuꞌun i, sundi ndóꞌo̱ ta köo xíni ndo míí chí ki̱xi i, ni köo xíni ndo míí chí kuꞌun i.

San Juan 8:42

―Tá tu ndixa Ndioxi ku Iva ndo ta kuꞌvi ini ndo kuni ndo yeꞌe, ndikuu. Saa chi yeꞌe ta nuu Ndioxi ke̱e i xa̱a i ñuu ivi yóꞌó, süvi xaꞌa ya kúni mií i kua xa̱a i, chi Ndioxi ku ra ti̱ꞌvi yeꞌe vaxi i.