San Juan 16:26 - Xochapa Mixteco

²⁶ Ta kivi ikán ta vaꞌa kaꞌan mií ndo xiꞌin ra nduku ndo ya nuu ra tixin kivi yeꞌe, ta yeꞌe köo xíniñuꞌu ka i nduku i ya mani nuu ra xaꞌa ndo.

San Juan 16:26 Mawu Ofanana

San Juan 14:16

Ta yeꞌe nduku i ya mani nuu Iva i, ya ná tiꞌvi ra Tachi ra koo ya xiꞌin ndo Sindiko ya ini ndo, ta koo ya xiꞌin ndo ndiꞌi saa ichí.

San Juan 14:20

Tá ná tindaa kivi nuu ndixa kutaku ndo, ta saa kuni ndo ya ndixa iin kuu i xiꞌin Iva i, ta saa ndóꞌo̱ iin ku ndo xiꞌin i, ta yeꞌe iin ku i xiꞌin ndo.

San Juan 16:19

Saa ku̱ndaa ini Jesús ya kúni ndakan tuꞌun ñaꞌa nda ítaꞌan xiꞌin ra. Saa ndi̱kaꞌan ra xiꞌin nda, káchi ra saa: ―¿Án kúni ndo kundaa ini ndo xaꞌa tuꞌun ya ndi̱kaꞌan i xiꞌin ndo: Siloꞌo kivi ta küni ka ndo yeꞌe ta sindiꞌi saa kuni tuku ndo yeꞌe?, káchi i. ¿Án xaꞌa ya ndi̱kaꞌan i xiꞌin ndo ndákan tuꞌun taꞌan ndo xaꞌa?

San Juan 16:23

’Tá ná tindaa kivi ikán ta nda iin ka ya ndäkan tuꞌun ndo yeꞌe. Ta ya ndaa káꞌan i xiꞌin ndo, tá ndá ya ndúku ndo nuu Iva i Ndioxi tixin kivi yeꞌe ta taxi ndiꞌi ra ya ndaꞌa ndo.

San Juan 16:30

Vitin kúndaa ini nde, xa xíni vaꞌa un xaꞌa ndiꞌi ñaꞌa, yakan köo xíniñuꞌu un ndakan tuꞌun na yóꞌo̱. Xaꞌa ya ñaa kua kándixa nde ya ti̱ꞌvi Ndioxi yóꞌo̱ vaxi un ñuu ivi yóꞌó ―káchi nda xiꞌin ra.

San Juan 17:19

Xa ndi̱taxi ndiꞌi i mií i ndaꞌa un ya xaa súvi i ya kúni un, ta saa na ndíkun yeꞌe ná nditaxi ndiꞌi na mií na ya xaa súvi na ya kúni un tixin ya ndaa ni kúu mií un.

San Juan 17:24

’Tata Iva yo, na ta̱xi un ndaꞌa i ndíkun yeꞌe, ta kúni i ná koo na xiꞌin i nuu ndivi nuu koo i. Saa kuni na ndiꞌi ya vaꞌa, ya luvi ta̱xi un ndaꞌa i, saa chi yóꞌo̱ ta kúꞌvi ni ini un xíni un yeꞌe, nda tá täꞌan xikoo xaꞌa ñuu ivi yóꞌó vi kúꞌvi ni ini un xíni un yeꞌe.

San Juan 17:9

’Yakan xíkan i ya mani nuu un xaꞌa na. Köo káꞌan i xiꞌin un xaꞌa na ñuu ivi. Ndisaa xaꞌa na ta̱xi un ndaꞌa i káꞌan i xaꞌa xiꞌin un, chi kuenta mií un ku na.

ROMANOS 8:34

Ta ¿án ndá naꞌa káꞌan xaꞌa yo kuvi yo xaꞌa kuachi yo? Nda iin naꞌa küchiñu ikan saa xiꞌin yo, chi Jesucristo ku ra xa ndi̱xiꞌi xaꞌa kuachi yo, ta ndi̱taku ra, ta vitin íyo ra ñaꞌñu kuáꞌá Ndioxi, ta íyo ra xáku ndaꞌvi ra xaꞌa yo.