San Juan 16:21 - Xochapa Mixteco

²¹ Tá kúu iin ñaꞌá tá ku̱yati kaku seꞌe yá, ta uꞌvi ni xáꞌnda ya saa chi xa ti̱ndaa hora ya kaku seꞌe yá, sundi tá ndiꞌi ka̱ku ya loꞌo ikán ta ni köo ñúꞌu ka ini yá ndá kuꞌva kúꞌvi xáꞌnda ya, xaꞌa ya kúsini ni yá chi ka̱ku seꞌe yá.

San Juan 16:21 Mawu Ofanana

Gálatas 4:27

Saa káꞌan tuꞌun Ndioxi ya ta̱a na xaꞌa yá Sara xinaꞌa, káchi ya saa: Vaꞌa, ná kusini ni yóꞌo̱, yá núma, yá küvi koo seꞌe, yá täꞌan kaku seꞌe nda iin ichí. Ndee vaꞌa ndaꞌi kóꞌo un ya kúsini ni un xaꞌa ya köo xíni un ndá kuꞌva xáꞌnda seꞌe ná síꞌi tá kaku na. Chi yóꞌo̱, ta tá káa iin ñaꞌa yá ndi̱ndoo ndaꞌa i̱kan ií, saa káa un. Sundi yóꞌo̱ ku un ndee ni ka kuaꞌa koo seꞌe nuu ñaꞌa yá íyo ií.

1 Tesalonicenses 5:3

Tá xa̱á naꞌa káꞌan na: “Vaꞌa ni táxin káa ndóo yo, köo ya ndíꞌi ini yo xaꞌa”, káchi na. Ta saa kua iin kuu soꞌva tindaa tindoꞌo nuu na. Tá ndóꞌo iin ñaꞌa yá ñúꞌu seꞌe, iin kúu soꞌva xáa seꞌe yá xáꞌnda ya, kuꞌva saa kundoꞌo naꞌa tá ná ndiko koo Tata yo Jesucristo ñuu ivi yóꞌó. Ta nda iin ka na nïꞌi nuu kuꞌun na ya kaku na nuu tindoꞌo ya ndee ni vaxi nuu na tiempo ikán.