San Juan 16:20 - Xochapa Mixteco

²⁰ Ya ndaa káꞌan i xiꞌin ndo, kusuchi ni ini ndo, ta kuaku ndo, ta na ñuu ivi yóꞌó ta kusini ni na. Vani kúsuchi ni ini ndo ta süvi ndiꞌi saa ichí koo ndo saa, chi ya kúsuchi ini ndo, ta nama i ya nduu ya kúsini ni ndo.

San Juan 16:20 Mawu Ofanana

San Mateo 21:38

Tá xi̱ni nda ikán seꞌe ra, ta saa ndi̱kaꞌan nda xiꞌin taꞌan nda, káchi nda saa: “Ra yóꞌó ku seꞌe ra, ra ndoo xiꞌin ndiꞌi ñaꞌa ra, ta naꞌa ndo ná kaꞌni yo ra, ta ndoo yo xiꞌin ndiꞌi ñaꞌa ra”, káchi nda.

San Mateo 5:4

’Vaꞌa ni kée ndo tá tu xáku ni ndo, saa chi vaxi kivi ta sindiko Ndioxi ini ndo.

San Marcos 14:72

Saa ra ka̱na va cheꞌle ichí uvi. Saa ndi̱kaꞌán ini ra Pedro ya ndi̱kaꞌan Jesús xiꞌin ra, ka̱chi ra saa: “Täꞌan ka vi kana cheꞌle ichí uvi, ta xa uni ichí ndikuaa un yeꞌe, kaꞌan un ya köo xíni un yeꞌe”, ka̱chi Jesús xiꞌin ra. Tá ndi̱kaꞌán ini ra tuꞌun ndi̱kaꞌan Jesús xiꞌin ra, saa xa̱á ra xáku ni ra.

San Marcos 16:10

Saa ke̱e yá kuaꞌan yá ndituꞌun yá xiꞌin nda xi̱taꞌan xiꞌin ra ya ndi̱taku ra, ta ndi̱taꞌan yá nda ndóo nda xáku nda, saa kúsuchi ni ini nda.

San Lucas 22:45

Saa tá si̱ndiꞌi ra ndi̱kaꞌan ra xiꞌin Ndioxi, ta ndi̱ko koo ra ndi̱xaa ra nuu ndóo nda ítaꞌan xiꞌin ra. Ta köo ndi̱kundee ka ini nda xiꞌin ya suchi ini, ñaa ndi̱naa ini nda ndi̱kixi nda.

San Lucas 22:62

Ta saa ke̱ta ra Pedro keꞌe xa̱á ra ndinuni loꞌo xáku suchi ini ra xaꞌa ya ndi̱kuaa ra Jesús.

San Lucas 23:27

Ta kuaꞌa ni naꞌa ndíkun kuaꞌan sata Jesús. Iin taꞌnda chee ku ná ñaꞌa ndíkun kuaꞌan sata ra, iin ndáꞌi koꞌo mií ná xáku ná xaꞌa ra kuaꞌan ra.

San Lucas 24:17

Saa ndi̱ndakan tuꞌun ñaꞌa ra, káchi ra saa: ―¿Unkua ndítuꞌun ni ndo xaꞌa vaxi ndo? ¿Ndachu ndi̱kava ni ini ndo? ―káchi ra xiꞌin nda.

San Lucas 24:21

Ta ndeꞌe ndi̱kani ini nde ra vaxi chindee ndeꞌe saña nde ndaꞌa na ñuu Roma ku ra káꞌán nde. Ta vitin xa ndi̱xinu uni vi kivi kua ndi̱xiꞌi ra.

San Lucas 6:21

’Vaꞌa ni kée ndo tá tu vitin xíꞌi ni ndo soko saa chi vaxi kivi ta ndoo ndoso ñaꞌa yuꞌu ndo. ’Vaꞌa ni kée ndo tá tu xáku ni ndo vitin, ta kusini ni ndo, saa chi vaxi kivi ta küaku ka ndo, vaꞌa ni kua̱ku̱ ndo.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

San Juan 16:6

Ta ndóꞌo̱, suvi ndo ndi̱kava ini ku ndo xaꞌa ya ndi̱kaꞌan i xiꞌin ndo.

San Juan 20:20

Tá sindiꞌi ra ndi̱kaꞌan ra saa, ta si̱naꞌa ra ndaꞌa ra tin ñaꞌñu xiín ra nuu íyo yavi ya ti̱kueꞌe ra. Saa ku̱sini ni nda xi̱taꞌan xiꞌin ra xaꞌa ya xi̱ni ñaꞌa nda.

Los Hechos 5:41

Tá ka̱na koo nda kuaꞌan nda ta kúsini ni nda kuaꞌan nda, chi ta̱xi Ndioxi ichí ndo̱ꞌo nda xaꞌa ya ndítuꞌun nda xiꞌin naꞌa xaꞌa kivi Jesús.

ROMANOS 5:11

Ta saa ni, süvi ndisaa ya yóꞌó ku ya táxi kusini yo, chi kúsini ni yo, ya xáa kaꞌnu ini Ndioxi xaꞌa yo. Ta xaꞌa ya i̱kan Tata yo Jesucristo xa̱a súvi ra chiñu ya si̱kitaꞌan mani ra yoo xiꞌin Ndioxi, ta vitin ndi̱kundoo vaꞌa yo xiꞌin ra.

2 Corintios 6:10

Tá íin nde kúsuchi ni ini saa íin nde túvi na, ta süvi ya ndaa kua chi ndiꞌi saa va ichí kúsini ni nde. Tá íin ndeꞌe ndáꞌvi ni saa íin nde túvi na, ta süvi ya ndaa kua, chi ndiꞌi saa va ichí táxi nde ya kuika, ya vaꞌa vaxi nuu ndivi ndaꞌa kuaꞌa ni naꞌa. Tá íin ndeꞌe köo nda loꞌo ñaꞌa nuu, saa íin nde túvi na, ta süvi saa íyo ya chi íyo ndiꞌi va ñaꞌa táxi Ndioxi ndaꞌa nde.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

1 Tesalonicenses 1:6

Saa ta ndi̱nama ini ndo xa̱á ndo íkan ndo tá kuꞌva i̱kan nde, chi ndeꞌe ta i̱kan nde tá kuꞌva íkan mií Tata yo Jesucristo kivi xi̱ndoo nde xiꞌin ndo. Vani ndee ni ndi̱xiyo tindoꞌo nuu ndo xaꞌa tuꞌun ra, ta saa ni ndi̱kiꞌin ndo tuꞌun ra ya ndi̱kaꞌan nde xiꞌin ndo, saa ndu̱u sií ni ini ndo i̱kan mií Tachi I̱í ra.

Santiago 1:2

Ñani mani mií i ku ndo, ta káꞌan ni i xiꞌin ndo ya ná kusini ni ndo tá kivi vaxi tindoꞌo ya ndee ni uꞌvi nuu ndo xíto ndoso ya ndóꞌo̱.

Judas 1:24

Ná xaa kaꞌnu ni yo Ndioxi chi ndee ni ndee kúu mií ra ya chindee ra yoo ya ná sïndikoo yo ichí ra ya ndaa kándixa yo. Ta vaxi kivi kundita yo nuu ra nuu íyo ndiꞌi ya kaꞌnu luvi ni. Saa ndasa vaꞌa ra yoo nduu yo naꞌa, na köo ka kuachi kúu mií nuu ra, ta yáꞌa ni kusini yo kivi ikán.

El Apocalipsis 11:10

Ndiꞌi saa na ñuu ivi kusini ni xaꞌa ya ndi̱xiꞌi nda ikán, ñaa xáa na ikan na viko ta siniꞌi na ñaꞌa nuu taꞌan na, xaꞌa ya kúsini ni na ndi̱xiꞌi nda. Saa chi na ikán ta ndíkani ini na xaꞌa kuachi uvi saa nda ikán kua tíxuꞌvi ni ndiꞌi na ndóo ñuu ivi yóꞌó, káꞌán na.

El Apocalipsis 18:7

Ta na väꞌa ikan ta ndi̱xiyo tái ni ini na, saa kuika ni ndi̱xiyo na, ta ku̱u mií na ndiꞌi ñaꞌa ya káchi ini mií na. Ta vaꞌa ná taxi Ndioxi ndoꞌo ni na vitin. Saa chi na väꞌa ikán, ta kútai ni ini na, chínuu vaꞌa ni na tuꞌun na, yakan ndíkani ini na káchi na saa: “Naꞌnu ni mií nde chi ndeꞌe ku nde xáꞌnda chiñu nuu ndiꞌi naꞌa. Ta köo íyo nde tá káa iin ñaꞌa yá ndaꞌvi, yá ndi̱xiꞌi ndaa, chi nda iin kivi ndöꞌo nde, ni nda loꞌo küsuchi ini nde”, káchi na ndíkani ini na.