San Juan 15:27 - Xochapa Mixteco

²⁷ Ta saa tu ndóꞌo̱ va, ndikuiin ndo xaꞌa i nuu naꞌa, chi ndóꞌo̱ ta nda núnu̱ú xa̱á ndo íyo ndo xiꞌin i ―káchi ra xiꞌin nda.

San Juan 15:27 Mawu Ofanana

San Marcos 1:1

Soꞌva kua ku̱u tá ndi̱tuvi tuꞌun vaꞌa xaꞌa Tata yo Jesucristo, ra kúu Seꞌe Ndioxi ra ti̱ꞌvi Ndioxi vaxi sikaku na ñuu ivi.

San Lucas 24:48

Ta ndóꞌo̱ ku ndo kúu testigo xaꞌa ndiꞌi ya yóꞌó, chi xi̱ni ndiꞌi ndo ya i̱kan i tin xi̱ni soꞌo ndo ya ndi̱kaꞌan i xiꞌin ndo.

San Juan 19:35

Ta ra ndítuꞌun ya yóꞌó ku iin ra xi̱ni xiꞌin nuu ya, ta ndíkuiin ra xaꞌa ya káꞌan ra ya kúu ya ndaa ni ya ná kandixa tu ndóꞌo̱ va ya káꞌan ra.

San Juan 21:24

Ta yeꞌe ku ra ikán, ra xi̱taꞌan xiꞌin Jesús, ta táa i ya yóꞌó ya ná kundaa ini ndo. Tá íyo ya xi̱ni i, saa íyo ya ndítuꞌun i xiꞌin ndo. Ta ya ndítuꞌun i xiꞌin ndo ta ya ndaa ni ku ya.

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

Los Hechos 13:31

Ta kuaꞌa ni ichí ndi̱tuvi ra nuu na xi̱taꞌan xiꞌin ra, na ndóo estado Galilea ta saa ke̱e na ndi̱xaꞌan na xiꞌin ra nda ñuu Jerusalén nuu ndi̱xiꞌi ra, ta na ikán ku testigo ndíkuiin na xaꞌa ra ya ndixa kua ndi̱taku ra.

Los Hechos 18:5

Saa tá ndi̱xaa ra Silas xiꞌin ra Timoteo ñuu macedonia ta chiñu nuu ra Pablo kua xíka ra káꞌan ndoso ra tuꞌun Ndioxi. Vitin taan káꞌan ra xiꞌin na judío xaꞌa Jesús ya kúu ra Cristo.

Los Hechos 23:11

Saa tá ku̱ñuu ta ndi̱tuvi Tata yo Jesús nuu ra Pablo, káꞌan ra xiꞌin ra, káchi ra saa: ―Xaꞌa un ndee yóꞌo̱ Pablo, ku ïꞌvi un saa chi tá kuꞌva ndíkuiin un káꞌan un xaꞌa i ñuu Jerusalén yóꞌo̱, saa ndikuiin tu un kaꞌan un xaꞌa i ñuu Roma va ―káchi Tata yo Jesús xiꞌin ra.

Los Hechos 3:15

Ta xa̱ꞌni ndo taa ra vaꞌa ni, chi iin mituꞌun ra ikán ku ra táxi ichí ya kutaku yo. Sundi Ndioxi ta si̱taku ñaꞌa ra. Ndeꞌe ku testigo xaꞌa ra, xi̱ni nde ndi̱taku ra.

Los Hechos 4:20

Sundi ndeꞌe ta küvi kutaxin yuꞌu nde kaꞌan nde xaꞌa ya xi̱ni nde xiꞌin ya xi̱ni soꞌo nde xaꞌa Jesús ―káchi nda xiꞌin na.

Los Hechos 4:33

Ta nda apóstol ndinuni loꞌo káꞌan nda xiꞌin naꞌa xaꞌa Jesús. Ndítuꞌun nda xiꞌin na ya ndixa kua ndi̱taku Tata yo Jesús. Saa kuaꞌa ka vi ya vaꞌa ndi̱niꞌi na nuu Ndioxi.

1 Pedro 5:1

Ta xáku ndaꞌvi ni i nuu nda ñani yo, nda xikuaꞌa nda ñúꞌu xiꞌin ndo, nda ndóso nuu na ñani yo na veꞌe ñuꞌu, nda xikuaꞌa taꞌan yeꞌe. Chi yeꞌe ta ndíkuiin i xaꞌa Tata yo Jesucristo ya ndee ni ndi̱xuꞌvi ra xaꞌa yo. Ta kivi tá ná ndiko koo ra ta saa kuni yo ya yéꞌe̱ luvi ni xiꞌin ndee chee ni kúu mií ra, ya ndituvi kuni yo.

1 Pedro 5:12

Ra Silvano ñani yo ku ra ndee ni tuun ndíkun Tata yo Jesucristo, ta ra yóꞌó ku ra kuniꞌi tutu yóꞌó xaa ya ndaꞌa ndo, ta̱a i uvi ndaa tuꞌun xaa ya nuu ndo ya xáꞌa ni i ndee xiꞌin ndo káꞌan i xiꞌin ndo xaꞌa tindoꞌo ya ndee ni ndóꞌo ndo vitin, ta ya ñaa kua káꞌan ya ndee ni kúꞌvi ini Ndioxi xíni ra ndóꞌo̱.

1 Juan 4:14

Ta ndeꞌe xi̱ni xiꞌin nuu nde Jesús, ra kúu Jesucristo ra ti̱ꞌvi Iva yo Ndioxi ki̱xi ñuu ivi yóꞌó. Ta ndíkuiin nde xaꞌa ra ya ki̱xi ra sikaku ra ndiꞌi na ñuu ivi yóꞌó.

El Apocalipsis 1:2

Ta vitin ndítuꞌun i xiꞌin ndo tuꞌun ya ndaa ya ndíkuíin xaꞌa ndiꞌi ya si̱naꞌa tatun Ndioxi nuu i, ta tuꞌun yóꞌó ku tuꞌun Ndioxi ya ndi̱tuꞌun Tata yo Jesucristo xiꞌin i.

El Apocalipsis 1:9

Yeꞌe Juan ñani ndo ku i, saa chi iin káchi kándixa yo Tata yo Jesucristo, ta ndóꞌo̱ xiꞌin yeꞌe ndíkun yo ichí nuu xáꞌnda chiñu Ndioxi. Xaꞌa ya iin ku yo xiꞌin taꞌan yo, ta iin káchi tíxuꞌvi ndiꞌi yo xiꞌin taꞌan yo, saa táxi Ndioxi ndee ra ndaꞌa yo, ya kúndee ini yo xiꞌin ya tíxuꞌvi yo. Xaꞌa ya ndi̱kaꞌan ndoso i tuꞌun Ndioxi ya si̱naꞌa Tata yo Jesucristo yeꞌe, yakan ti̱in na chiñu yeꞌe ndi̱xaꞌan na ndi̱ndaka na yeꞌe iku loꞌo ya Patmos, ya ndíkaa maꞌñu nduta ñûꞌu xaꞌa ya síndoꞌo ni na ini i.