San Juan 15:24 - Xochapa Mixteco

²⁴ Tá tu köo yatuꞌun ndi̱xini na ikan i ta köo kuachi na, ndikuu, sundi xi̱ni na ya, ta saa ni kúndasi nuu na xíni na yeꞌe ta kúndasi nuu tu na xíni na Iva va i. Ta kuaꞌa ni yatuꞌun i̱kan i nda iin na köo ndi̱kan taꞌan ya i̱kan i.

San Juan 15:24 Mawu Ofanana

San Mateo 11:5

Tá kúu na kuáa̱ ta ndíkuna nuu na, na küvi kaka ta ndíkaka na, na ndóꞌo kueꞌe táꞌi náni lepra ta ndúvaꞌa ndiꞌi na, na sóꞌo ta xúna soꞌo na, na ndíi ta ndítaku na. Saa ndítuꞌun i xiꞌin ndiꞌi na ndaꞌvi tuꞌun vaꞌa xaꞌa Ndioxi.

San Mateo 21:32

Saa chi ki̱xi ra Juan, ra síkuchi naꞌa ta si̱naꞌa ra ndóꞌo̱ ichí ndaku xaꞌa ichí Ndioxi ndá kuꞌva kutaku ndo tá kuꞌva kúni Ndioxi, ta köo ndi̱xiin ndo kandixa ndo ra. Vaꞌa ka nda ndíkaya xuꞌun nuu gobierno xiꞌin ná ñaꞌa, ná xíko mií, vaꞌa ka na ikán ku na ndi̱ko koo ini tá xi̱ni soꞌo na ya ndi̱kaꞌan ra Juan. Ta ndóꞌo̱, vani xi̱ni soꞌo ndo ya ndi̱kaꞌan ra, ta köo ndi̱ndiko koo ini ndo kandixa ndo ya ndi̱kaꞌan ra ―káchi Jesús xiꞌin nda.

San Mateo 9:33

Saa ta̱va Jesús tachi nduvaꞌa ku̱u mií ra ikán, tá ke̱ta soꞌva ya ta ndikun xa̱á vaꞌa káꞌan ra. Saa ndi̱kanda ni ini naꞌa, ñaa xa̱á na káꞌan na, káchi na saa: ―Nda iin ichí köo taꞌan ya yóꞌó xíni yo ñuu Israel ―káchi na.

San Marcos 2:12

Tá ndi̱kaꞌan soꞌva Jesús xiꞌin ra, saa ndikun ndi̱koo ra nuu ndiꞌi na ndi̱kiꞌin ra xito ra kuaꞌan xiꞌin ra. Saa iin ndi̱kanda ini ndiꞌi na ndóo na, ta káꞌan toꞌo ka vi na xaꞌa Ndioxi, káchi na saa: ―Ndee ni ndee kúu mií ra yóꞌó, chi nda iin ichí köo taꞌan ya yóꞌó xíni yo ―káchi na.

San Lucas 24:19

Saa ndi̱kaꞌan ra xiꞌin nda káchi ra saa: ―¿Ta unkua ku̱u kua? ―káchi ra xiꞌin nda. Saa ndi̱kuiin nda, káꞌan nda: ―Xaꞌa ra Jesús, ra ñuu Nazaret va kua káꞌan nde. Ra ndi̱kaꞌan ndoso tuꞌun yuꞌu Ndioxi ndi̱xiyo ra, ta ndee ni ndee taa ku̱u mií ra, kuaꞌa ni ya vaꞌa i̱kan ra, vaꞌa ni si̱naꞌa ra. Ta vaꞌa ni káꞌan Ndioxi xaꞌa ra tin ndiꞌi naꞌa.

San Juan 10:32

Saa ndi̱kaꞌan Jesús xiꞌin nda, káchi ra saa: ―Kuaꞌa ni ya vaꞌa íkan i nuu ndo xiꞌin ndee Iva i Ndioxi. ¿Ta unku ndiꞌi ya ikán kúni ndo kaꞌni ndo yeꞌe xaꞌa? ―káchi ra xiꞌin nda.

San Juan 10:37

Tá tu süvi chiñu Ndioxi ku ya íkan i, ta vaꞌa kändixa ndo yeꞌe.

San Juan 12:10

Sundi nda sutu naꞌnu nuu na judío ta xa chi̱taꞌan tuꞌun nda ya kaꞌni tu nda ra Lázaro va.

San Juan 12:45

Ta na xíni yeꞌe, ta xíni tu na ra ti̱ꞌvi yeꞌe vaxi va i.

San Juan 14:9

Saa ndi̱kuiin Jesús káꞌan ra: ―Felipe, xa naꞌá ni íyo i xiꞌin ndo ta, ¿án täꞌan kundaa ini un unku i? Na xíto xiꞌin nuu yeꞌe, ta xíto xiꞌin nuu tu na Iva va i. ¿Ta ndachu káꞌan un xiꞌin i sinaꞌa i ra nuu ndo?

San Juan 15:21

Ndiꞌi ya yóꞌó kundoꞌo ndo xaꞌa ya ndíkun ndo yeꞌe. Chi na ñuu ivi yóꞌó ta köo xíni na Iva i ra ti̱ꞌvi yeꞌe vaxi i.

San Juan 15:22

’Tá tu köo ndi̱kixi i ñuu ivi yóꞌó ndituꞌun i xiꞌin na, ta köo kuachi na, ndíkuu. Ta vitin ta küvi kaꞌan na ya köo xíni na, chi xa ndi̱tuꞌun i ya ndaa xiꞌin na, yakan ndíso mií na xaꞌa kuachi na, chi xa ku̱ndaa ini na xaꞌa ya ndaa ta köo xíin na xaa súvi na ya.

San Juan 15:23

Ndiꞌi na kúndasi nuu xíni yeꞌe, ta kúndasi nuu tu na xíni na Iva va i.

San Juan 16:9

Chindee ya na kundaa ini na, ya íyo kuachi na xaꞌa ya köo xíin na kandixa na yeꞌe.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 5:36

Sundi íyo inka ya ndíkuiin xaꞌa i, ta ndee ni ka ya ikán nuu ya ndi̱kaꞌan ra Juan. Ta ya ikán ku chiñu ya ndi̱kaꞌan Iva i Ndioxi xiꞌin i ikan i. Ta chiñu ikán ku ya ndíkuiin teꞌe xaꞌa i, ya ndixa kua ti̱ꞌvi Iva i yeꞌe vaxi i.

San Juan 6:36

Ta xa ndi̱tuꞌun i xiꞌin ndo, vani xi̱ni ndo yeꞌe ta xïin ndo kandixa ndo yeꞌe.

San Juan 7:31

Ta kuaꞌa ni na ka̱ndixa ñaꞌa, saa káꞌan na, káchi na saa: ―Ya ndixa kua kúu ra yóꞌó ra Cristo, chi kuaꞌa ni ya vaꞌa, yatuꞌun chee ni íkan ra. Tá ná kixi inka ra ta ¿án ikan ra tá kuꞌva íkan ra yóꞌó? ―káchi na xaꞌa Jesús.

San Juan 9:32

Nda kivi tá xaꞌa, ta täꞌan kuni soꞌo yo, kaꞌan naꞌa ya xu̱na na nuu iin na ka̱ku kuáa̱.

San Juan 9:41

Saa ndi̱kuiin ra, káꞌan ra: ―Tá tu ndóꞌo̱ kuáa̱ ku ndo ta köo kuachi ndo, ndikuu. Ta xaꞌa ya vaꞌa xíto ndo káchi ndo, xaꞌa ya ñaa kua íyo kuachi ndo ―káchi ra xiꞌin nda.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 2:22

’Nda taꞌan yo nda ñuu Israel, kuni soꞌo ndo ya kaꞌan i xiꞌin ndo xaꞌa Jesús, ra ñuu Nazaret. Iin taa ra vaꞌa ni ku ra. Suvi mií Ndioxi ku ra ndi̱kaxin ra i̱kan ra kuaꞌa ni ya vaꞌa, chi̱ndee ni ra yoo, i̱kan ni ra yatuꞌun Ndioxi nuu yo. Ta tixin ndiꞌi ya yóꞌó si̱naꞌa Ndioxi yoo ndá taa ku Jesús.

ROMANOS 1:30

Kútoo na ndituꞌun vata na xaꞌa naꞌa. Chíkaa na kuachi siki inka naꞌa, kúndasi nuu na xíni na Ndioxi, ni köo xáa toꞌo na naꞌa, kútai ni ini na, chínuu vaꞌa ni na tuꞌun mií na, nina ya väꞌa ndíkani ini na ikan na, ni köo xíni soꞌo na ya káꞌan iva siꞌí na xiꞌin na.

2 Timoteo 3:4

Saa ndixiko vata na naꞌa, na ítaꞌan vaꞌa xiꞌin na, ni köo ìyo koo ini na, kutai ni ini na xaꞌa ya xíni ni na, saa kutoo ni na xaa sií na ini mií na, ta küaꞌa na kañuꞌu na Ndioxi.

Santiago 4:4

¡Ndóꞌo̱, ta süvi ndóꞌo̱ kúꞌvi ini xíni Ndioxi ku ndo! ¿Án köo xíni ndo ndiꞌi naꞌa, na kútoo ni ikan taꞌan ñaꞌa íkan na ñuu ivi yóꞌó, na ñaa ta na káni taꞌan xiꞌin Ndioxi ku na? Saa chi ndiꞌi naꞌa, na kútoo ni ikan ya väꞌa íkan na ñuu ivi yóꞌó, ta ndúu na naꞌa, na sâa ini xíni Ndioxi.