San Juan 15:21 - Xochapa Mixteco

²¹ Ndiꞌi ya yóꞌó kundoꞌo ndo xaꞌa ya ndíkun ndo yeꞌe. Chi na ñuu ivi yóꞌó ta köo xíni na Iva i ra ti̱ꞌvi yeꞌe vaxi i.

San Juan 15:21 Mawu Ofanana

San Mateo 10:18

Nda nuu na chiñu naꞌnu, na kúu gobierno án nuu nda rey, kundaka na ndóꞌo̱ kuꞌun ndo xaꞌa ya ndíkun ndo yeꞌe. Ta saa kuchiñu ndo kaꞌan ndo tuꞌun vaꞌa xaꞌa i xiꞌin na ikán tin na köo kúu judío.

San Mateo 10:22

Ta ndiꞌi ni kúu naꞌa kundasi nuu kuni ndóꞌo̱ xaꞌa ya ndíkun ndo yeꞌe, sundi ndóꞌo̱ ta sïndoo ndo ichí i ya ndíkun ndo yeꞌe, chi saa kua kuchiñu ndo kaku ndo.

San Mateo 10:39

Tá ndá naꞌa kúni sikaku mií, ta na ndáñuꞌu va ku na, tá ndá naꞌa síndiꞌi xaꞌa mií ya ndíkun na yeꞌe, na ñaa ku na kuchiñu kaku ―káchi Jesús.

San Mateo 24:9

’Ta kivi ikán tiin na ndóꞌo̱ kuꞌun ndo xiꞌin na, ta nditaxi na ndóꞌo̱ ndaꞌa na chiñu ya xaa nduvaꞌa ni na xiꞌin ndo, ta kaꞌni na sava ndo. Ta ndiꞌi naꞌa kundasi nuu na kuni na ndóꞌo̱ xaꞌa ya ndíkun ndo yeꞌe.

San Mateo 5:11

’Vaꞌa ni kée ndo, tá íyo naꞌa kánaꞌa xiꞌin ndo, sítixuꞌvi na ndóꞌo̱, ta káꞌan kini na xiꞌin ndo, xaꞌa ya ndíkun ndo yeꞌe.

San Marcos 13:13

Ndiꞌi ni kúu na kundasi nuu na kuni na ndóꞌo̱ xaꞌa ya ndíkun ndo yeꞌe. Ta ndiꞌi ndo köo síndoo ndo ichí i, ndíkun vaꞌa ndo ya nda nuu sindiꞌi ya tixuꞌvi ndo ñuu ivi yóꞌó. Saa sikaku Ndioxi ndóꞌo̱ kutaku ndo ndiꞌi saa kivi ya vaxi.

San Lucas 21:12

’Sundi xiꞌna ndoꞌo ni ndóꞌo̱, saa yaꞌa ya ñaa. Xaa nduvaꞌa ni na xiꞌin ndo. Taxi na kuachi xaꞌa ndo nuu na naꞌnu veꞌe ñuꞌu sinagoga, taan na ndóꞌo̱ veꞌe kàà tin taxi na kuachi xaꞌa ndo kuꞌun ndo nuu na veꞌe chiñu án nuu nda rey. Xaꞌa ya ndíkun ndo sata i kua ikan na saa xiꞌin ndo.

San Lucas 21:17

Kundasi ni nuu na kuni na ndóꞌo̱, xaꞌa ya ndíkun ndo yeꞌe.

San Lucas 6:22

’Vaꞌa ni kée ndo tá tu kúndasi nuu naꞌa xíni na ndóꞌo̱, köo xíin ka na kaꞌan na xiꞌin ndo, káꞌan uꞌvi na xaꞌa ndo, chínuu kuéꞌe na tuꞌun ndo xaꞌa ya kándixa ndo yeꞌe, ra kú Taa ra xa̱a ñuu ivi yóꞌó.

San Juan 15:24

Tá tu köo yatuꞌun ndi̱xini na ikan i ta köo kuachi na, ndikuu, sundi xi̱ni na ya, ta saa ni kúndasi nuu na xíni na yeꞌe ta kúndasi nuu tu na xíni na Iva va i. Ta kuaꞌa ni yatuꞌun i̱kan i nda iin na köo ndi̱kan taꞌan ya i̱kan i.

San Juan 16:3

Saa ikan na xiꞌin ndo, saa chi täꞌan kuni na yeꞌe, ni Iva i ta köo xíni na ra.

San Juan 17:25

Tata Iva yo, ra vaꞌa, ra ndaa ni kuu mií un. Na ndíkun ñuu ivi yóꞌó ta köo xíni na yóꞌo̱, sundi yeꞌe ta xíni i yóꞌo̱, ta na ndíkun yeꞌe xa xíni na yóꞌo̱ ku ra ti̱ꞌvi yeꞌe vaxi i.

San Juan 8:19

Saa ndi̱kaꞌan nda xiꞌin ra káchi nda saa: ―¿Míí íyo Iva un? ―káchi nda. Saa ndi̱kuiin Jesús káꞌan ra xiꞌin nda: ―Ndóꞌo̱ ta köo xíni ndo yeꞌe, ta ni Iva i köo xíni ndo ra. Saa chi tá tu xíni ndo yeꞌe, ta kúni kachi ya xíni tu ndo Iva va i, ndíkuu ―káchi ra xiꞌin nda.

San Juan 8:54

Saa ndi̱kuiin Jesús káꞌan ra: ―Tá ná chinuu vaꞌa i tuꞌun i, ta köo ndá yaꞌvi ya káꞌan i xaꞌa i. Sundi Iva i ra káꞌan ndo kúu Ndioxi ndo, ra ikán ku ra chínuu vaꞌa tuꞌun i.

San Juan 8:55

Sundi ndóꞌo̱ ta köo xíni ndo ra, ta yeꞌe ta xíni vaꞌa i ra. Tá tu ná kaꞌan i xiꞌin ndo köo xíni i ra kachi i xiꞌin ndo, ta ndúu i iin ra vata taꞌan mií ndo. Sundi yeꞌe ta ya ndixa kua xíni i ra, ta xáa súvi i ya káꞌan ra.

Los Hechos 17:23

Tá ndi̱xika i xíto ndeꞌe i ñuu ndo, ta xi̱ni i kuaꞌa ni ndioxi si̱kuaꞌa ndo xáa toꞌo ndo. Ta xi̱ni i nuu káñuꞌu ndo ndioxi ndo ndóso tuꞌun káchi ya saa: “YÓꞌÓ XÁA TOꞌO YO NDIOXI RA KÖO XÍNI YO”, káchi ya. Ta xaꞌa Ndioxi ra káñuꞌu ndo, ra köo xíni ndo ñaa kua káꞌan i xiꞌin ndo vitin.

Los Hechos 26:9

Saa káꞌan ka ra Pablo xiꞌin na, káchi ra saa: ―Soꞌva ndi̱kani ini yeꞌe tá yachi xaꞌa kivi Jesús, ra ñuu Nazaret. Ndi̱kani ini i ya xíniñuꞌu i sindiꞌi xaꞌa i ichí ikán.

Los Hechos 3:17

Saa xa̱á káꞌan ka ra xiꞌin na, káchi ra saa: ―Na taꞌan yo, ya ndaa kua xa̱ꞌni ndo Jesús, xaꞌa ya naá nuu va ndo kua i̱kan ndo saa, ta saa i̱kan tu na chiñu kúu mií chiñu nuu va ndo.

Los Hechos 4:17

Ta vaꞌa ka ná siꞌvi yo nda, xaa nduvaꞌa yo xiꞌin nda kachi yo xiꞌin nda. Ta saa ku iꞌvi nda, käꞌan ka nda xaꞌa Jesús xiꞌin naꞌa ―káchi na chiñu ikán xiꞌin taꞌan na.

Los Hechos 5:41

Tá ka̱na koo nda kuaꞌan nda ta kúsini ni nda kuaꞌan nda, chi ta̱xi Ndioxi ichí ndo̱ꞌo nda xaꞌa ya ndítuꞌun nda xiꞌin naꞌa xaꞌa kivi Jesús.

Los Hechos 9:14

Ta vitin xa̱a ra xiꞌin iin tutu ya si̱kuaꞌa nda sutu naꞌnu nuu táxi nda ichí ndaꞌa ra ya ná tiin ndiꞌi ra na ndíkun yóꞌo̱ taan ra veꞌe kàà, che ―káchi ra Ananías xiꞌin Jesús.

Los Hechos 9:16

Saa chi yeꞌe ta sinaꞌa i ra ndá kuꞌva xíniñuꞌu ra ndoꞌo ni ra xaꞌa kivi i ―káchi Jesús xiꞌin ra Ananías.

ROMANOS 1:28

Xaꞌa ya ndi̱ndoso ini na xaꞌa Ndioxi, ta ni köo ndi̱xiin na kundaa ini na xaꞌa ra, yakan sa̱ña ndaꞌa ra na, xa̱á na íkan na ya väꞌa, ya ndíkani xiní mií na.

1 Corintios 15:34

Ndikani vaꞌa ini ndo xaꞌa ñaꞌa íkan ndo, ta ndiko koo ini ndo xaꞌa ya väꞌa íkan ndo, saa ndikundikun ndo ichí vaꞌa. Saa chi sava ndo, vani xa ndíkun va ndo ichí Ndioxi, sundi täꞌan kuni taꞌan ndo xiꞌin ra. Xaꞌa ya ñaa kua káꞌan i xiꞌin ndo ya ná kukaꞌan nuu ndo. Ndá kuꞌva kua koo ikin kuñu yo tá ná nditaku yo

1 Corintios 2:8

Ta ya ndíchi yóꞌó, ta nda iin mií na chiñu ñuu ivi yóꞌó köo ndíkundaa ini xaꞌa ya. Saa chi tá ndíkundaa ini na xaꞌa ya, ta chïnuu vi na Tata yo Jesucristo nuu cruzin, ndikuu, chi ndee ni ndee ku mií ra.

2 Tesalonicenses 1:8

Ta ndiko koo ra tañu ñu̱ꞌu̱, ya ndee ni xíxi, saa xaa nduvaꞌa ni ra xiꞌin naꞌa, na köo ndi̱xiin ndikuni Ndioxi, ni köo ndi̱xíin na kuni soꞌo na tuꞌun vaꞌa xaꞌa Tata yo Jesucristo.

1 Juan 3:1

¡Koto ndo vii! Iva yo Ndioxi ta yáꞌa ni kúꞌvi ini ra xíni ra yoo, yakan táxi ra kunani yo seꞌe ra ta ya ndaa kua kúu yo seꞌe ra. Xaꞌa ya kúu yo seꞌe ra yakan köo kúni na ñuu ivi yóꞌó kuni na mií yo. Saa chi ni mií ra ta köo ndi̱xiin na kuni ñaꞌa na.

3 Juan 1:7

Chi na ñaa ta ka̱na koo na xíka na chiñu nuu Tata yo Jesucristo, ta nda iin ñaꞌa köo ndúku na nuu na köo xíni Ndioxi.

El Apocalipsis 2:3

Ta xáꞌa ndee ndiꞌi ini ndo xaꞌa ndiꞌi ya ndóꞌo ndo, ta ndee ni ndee xáa chiñu ndo nuu i xaꞌa ya kúꞌvi ni ini ndo xíni ndo yeꞌe. Vani ndóꞌo ni ndo, ta köo ndíko koo ini ndo xaꞌa ya ndíkun ndo yeꞌe.