San Juan 15:20 - Xochapa Mixteco

²⁰ Ndikaꞌán ini ndo xaꞌa tuꞌun ya xa ndi̱kaꞌan i xiꞌin ndo: “Nda iin naꞌa, na kúu moso ta köo kaꞌnu ka na ikán nuu ra xáa chiñu na nuu.” Tá tu xáa nduvaꞌa na xiꞌin i, ta saa xaa nduvaꞌa tu na xiꞌin ndóꞌo̱ va. Tá tu xáa súvi na ya káꞌan i xiꞌin na, ta saa xaa súvi tu na ya káꞌan ndóꞌo̱ va xiꞌin na.

San Juan 15:20 Mawu Ofanana

San Mateo 10:24

’Iin ra síkuaꞌa, ta köo chee ka ra ikán nuu maestro ra, ni iin moso ra köo chee ka ra nuu ra xáa chiñu ra nuu.

San Marcos 10:39

Saa ndi̱kuiin nda káꞌan nda: ―Kuchiñu va nde ―káchi nda. Saa ndi̱kaꞌan ra xiꞌin nda, káchi ra saa: ―Ya ndaa kua ndoꞌo ni ndo tá kuꞌva ndoꞌo i,

San Lucas 2:34

Saa ndi̱kaꞌan ra tuꞌun yóꞌó xiꞌin na, káchi ra saa: ―Ndioxi ná chikaa ka ya vaꞌa ndóꞌo̱. Ta saa ndi̱kaꞌan ka ra xiꞌin yá María siꞌí ra loꞌo Jesús, káchi ra saa: ―Ndioxi ndi̱kaxin ra loꞌo seꞌe un yóꞌó ya ka̱ku ra, ta kuaꞌa ni na Israel sikaku ra. Ta inka na xïin ndikiꞌin vaꞌa ñaꞌa ndiꞌi xaꞌa na, saa chi ra yóꞌó kúu taa ra koo iin seña sinaꞌa Ndioxi nuu na ñuu ivi ta kuaꞌa ni na küaꞌa kandixa ñaꞌa,

San Lucas 6:40

Ni iin ra síkuaꞌa ta küvi ndikunuu ra nuu maestro ra, saa chi ra sikan síkuaꞌa ku ra, nda ná xinu ra sikuaꞌa ra, ta saa xinu ra koo ra tá káa maestro ra.

San Juan 10:31

Saa ti̱in tuku nda judío yu̱ú ya kani nda sata ra kuvi ra.

San Juan 11:57

Ta nda fariseo xiꞌin nda sutu naꞌnu xa̱ꞌnda nda chiñu, tá ndá naꞌa xi̱ni ra ta kama ni ná taxi na chiñu ya kuꞌun na tiin ñaꞌa na nda mií nuu ndíkaa ra.

San Juan 13:16

Ya ndixa ni kua káꞌan i xiꞌin ndo: Ra xáa chiñu nuu xitoꞌo ra, ta köo chee ka ra ikán nuu xitoꞌo ra. Ni iin ra xíka chiñu, ta köo chee ka ra ikán nuu ra ti̱ꞌvi ñaꞌa.

San Juan 5:16

Xaꞌa ya ikán kua xa̱á nda judío ndíkun nda sata Jesús kúni nda kaꞌni ñaꞌa nda, xaꞌa ya síndaꞌa ra naꞌa kivi ndíkundee na.

San Juan 7:32

Saa xi̱ni soꞌo nda fariseo ya vaꞌa ni káꞌan naꞌa xaꞌa Jesús, ta iin ndi̱kitaꞌan yuꞌu nda xiꞌin sutu nda naꞌnu nuu na veꞌe ñuꞌu, ta sutu ikán ti̱ꞌvi nda naꞌa, na ndáa veꞌe ñuꞌu ya kuaꞌan na tiin na Jesús.

San Juan 8:51

Ta ya ndaa ku tuꞌun káꞌan i xiꞌin ndo, ndiꞌi na xáa súvi tuꞌun ya káꞌan i, ta küvi na ―káchi Jesús.

San Juan 8:52

Saa ndi̱kuiin nda naꞌnu nuu na judío, káꞌan nda, káchi nda saa: ―Ya ndaa ni ndixa káꞌan nde xiꞌin un, kúu mií un tachi nduvaꞌa. Chi ra Abraham ta ndi̱xiꞌi ra, ta saa ndi̱xiꞌi ndiꞌi tu nda ndi̱kaꞌan ndoso tuꞌun yuꞌu Ndioxi va, ta yóꞌo̱ káꞌan un: “Ndiꞌi na xáa súvi tuꞌun ya káꞌan i ta küvi na”, káchi un.

San Juan 8:59

Tá xi̱ni soꞌo nda tuꞌun ikán, ta ndi̱saa ni nda, saa ti̱in nda yu̱ú kani ñaꞌa nda, saa ti̱seꞌe ra ta ke̱ta ra ini veꞌe ñuꞌu ndi̱yaꞌa sava ra maꞌñu na, kuaꞌan ra.

Los Hechos 14:22

Tá ndi̱xaa nda iin iin ñuu ikán saa ta̱xi ka nda ndee ndaꞌa na ndíkun Jesús ya ná kundaa ni ka ini na kuni na ra. Ta saa ndi̱kaꞌan ka ra Pablo xiꞌin na, káchi ra saa: ―Xíniñuꞌu yo ndoꞌo ni yo saa kuchiñu yo kiꞌvi yo koo yo xiꞌin Ndioxi nuu xáꞌnda chiñu ra ―káchi ra xiꞌin na.

1 Corintios 4:12

Ta ndee ni ndee xáa chiñu nde, ndakua kúnaa nde xiꞌin chiñu. Tá távi chiꞌña na ndeꞌe, ta chíkaa nde ya vaꞌa na. Saa tá sítixuꞌvi ni na ndeꞌe, ta xáꞌa ndee ndiꞌi ini nde xaꞌa ya íkan na xiꞌin nde.

2 Corintios 4:9

Vani ndíkun na xíka na sata nde ya sítixuꞌvi na ndeꞌe, sundi köo síndikoo ndaꞌa Ndioxi ndeꞌe. Vani síkoyo na ndeꞌe nda nuu ñuꞌú ya síndiꞌi xaꞌa na ndeꞌe, sundi köo kúchiñu na sindiꞌi xaꞌa na ndeꞌe.

1 Tesalonicenses 2:15

Suvi na ikán ku na xa̱ꞌni Tata yo Jesús, ta saa i̱kan tu na xiꞌin nda ndi̱kaꞌan ndoso tuꞌun yuꞌu Ndioxi xinaꞌa va, ta saa tu ndeꞌe va, ta̱va ndaꞌa na ndeꞌe ka̱na koo nde ñuu nde. Xaꞌa ya íkan na saa, ta köo íkan na ya kúni Ndioxi, ta kuakiꞌvi na kuachi xiꞌin ndiꞌi naꞌa.

2 Timoteo 3:12

Ta xa xíni yo, na kúni kundikun ichí Tata yo Jesucristo, ta ndee ni va kundoꞌo na ikan naꞌa, na köo xíni tuꞌun ra.